týsdagur 3. september 2013síða 20

Mikudagur 4. september 2013 · Nr. 101 20 Sosialurin Hugskot og viðmerkingar – send sms til 225000 meldurin Rannvá G. Fossaberg Leygardagin kundi Cecil Weihe sum tann fyrsti mað­ urin traðka um mállinjuna í Tórshavn Marathon, tá tíð­in vísti tveir tímar og 53 min­ uttir. Tað var rennifelagið Bragdið, sum 11. árið á rað skipaði fyri renningini. Og fyri fimtu ferð var Cecil Weihe fyrstur á mál. Hóast troyttur hevði hann eina fantastiska kenslu, tá hann stóð røttu megin mál­ linjuna. – Tað er ein super kensla. Tað er altíð stuttligt, tá tað gongst væl, og mál verða rokkin, sigur Cecil Weihe, sum seinastu 15 árini hevur hann latið seg í renniskógvarnar og runnið sær ein túr so at siga hvønn dag. – Eg veit, hvussu stóra og positiva ávirkan ein renni­ túr­ur hevur á kropp og sinn, og tað er ivaleyst tí, eg renni hvønn dag, sigur Cecil Weihe. – Fyri meg er renningin eitt fríkorter í gerandisdegnum, har eg fái samla tankarnar og líkasum reinsa heilan. Tað ger, at eg havi meira orku og yvirskot í einum ger­ andisdegi, sum til tíðir kann kennast strongjandi, sigur Cecil Weihe, sum upp­runa­ liga er av Skála, men sum seinastu nógvu árini hevur búð í Tórshavn. Rennari av tilvild Tað var annars heldur til­ vildar­ligt, at Cecil Weihe fór undir at renna og venja mið­ víst fyri at luttaka í ymsum kapp­ingum. – Eg havi altíð fingist við ítrótt, og sum yngri spældi eg fótbólti og róði eisini. Eg byrjaði so at súkkla tá eina­ ferð mitt í 90unum, men tað er jú ikki heilt lætt at súkkla um veturin, tá kavin ofta legst tjúkkur á vegirnar, og tað er hált. Tí avgjørdi eg veturin 1997, at nú skuldi eg royna at renna í staðin fyri at súkkla, men eg veit ikki, eg kom ongantíð á súkkluna aftur, men helt fram við at renna mínar dagligu túrar, heldur Cecil Weihe skemtiliga fyri. Tað er ymiskt, hvussu langt hann rennur hvørja viku. – Onkrar dagar renni eg stuttar túrar á einar átta kilo­ metrar, aðrar dagar renni eg 20 kilometrar, og so taki eg onkran langan túr á um­ leið 35 kilometrar. So upp á eina viku fái eg heilt fitt av kilometrum í beinini, um eg vil, sigur Cecil Weihe, sum ikki letur tað skiftandi veður­ lagið í Føroyum renningina. – Sjálvandi kundi veðrið ofta verið betri, men nú eru vit her, og so má mann bara taka tað, sum tað kemur. Eg vil siga, at tað eru nógvir vátir og gráir dagar, men eis­ ini nakrir ótrúliga góðir og vakrir dagar. Familjan má góðtaka tað Renningin fyllir nógv í ger­ andis­degnum hjá Cecil Weihe, ið dagliga starvast sum banka­maður í Bank Nordik. Skal hann fáa sum mest burtur úr og klára seg væl í teimum ymsu renni­ kapp­ing­unum, er neyðugt við ein­um heilsugóðum lívs­ stíli. – Eg eri rættiliga tilvitaður um lívsstílin og eri noyddur at hugsa um matin, svøvn og ikki vera ov ofta í býnum, greiðir Cecil Weihe frá og heldur fram: – Hvat mati viðvíkur, so eti eg vanligan mat, men eg hugsi um, hvat tað er, sum fer niðurum. Til dømis eti eg so at siga als ikki køku, men tað havi eg ongantíð tíma at etið, so tað er eingin trupulleiki ikki at eta køkur, sigur Cecil Weihe. Hann vísir á, at renningin fer við nógvari tíð, og at tað skal planlegging til, um venj­ ing, arbeiðið og familjulív skal hanga saman. – At renna so nógvar tímar um vikuna krevur, at tín maki og familja góðtaka tað. Hjá okkum hevur tað ongantíð verið ein trupulleiki, sigur Cecil Weihe, ið hevur konu og trý børn. – Eg royni at leggja renni­ Rennur seg til orku og vælveru – Renningin gevur mær eina kenslu av vælveru og yvirskoti. Og so hjálpir tað at renna ein túr, tá eg kenni meg strongdan. Soleiðis sigur 48 ára gamli Cecil Weihe, sum hvønn dag rennur longri og styttri túrar. Um vikuskiftið bleiv hann vinnari av Tórshavn Marathon fyri fimtu ferð Onkrar dagar renni eg stuttar túrar á einar átta kilometrar, aðrar dagar renni eg 20 kilo­ metrar, og so taki eg onkran langan túr á umleið 35 kilometrar