mánadagur 9. september 2013síða 12

Mánadagur 9. september 2013 · Nr. 103 12 Sosialurin Hugskot og viðmerkingar – send sms til 225000 ítróttur fótbóltur Tølini siga, at tað kemur fyri, at tey størstu skora nógv mál í Føroyum, men tey siga eisini, at tey oftast skora tvær ferðir altíð fyri skrædli Vandin lúrir Jóannes Hansen Tá ið Føroyar eru vertir, og stóru europeisku fót­bólts­ tjóð­irnar vitja, lúrir vandin altíð fyri, at talan skal verða um stórtap. Tølini siga, at onkra ferðina eru tey størstu farin úr Føroyum við stór­ sigri, men tey siga eisini, at tað oftari er komið fyri, at tey stóru, sum tó ikki teljast mill­um tey allar størstu, hava vunnið størri sigrar í Før­oy­ um enn tey allar størstu. Tvær ferðir hava Føroyar á heimavølli lagt rygg til sjey mála tap. Fyrsta ferðin var á Svangaskarði 11. august 1993 í vinardysti ímóti Noregi. Hetta var síðsta ferðin, at Páll Guðlaugsson hevði ábyrgd­ ina av liðnum. Úrslitið var 7-0 til Noreg. Erik Drillo Olsen var norskur landsliðsvenjari, og hann gav ilt at sær, tí hann metti tað at vera tíðarspill at ferðast til Føroyar at spæla vinardyst ella venjingardyst og so onga mótstsøðu at fáa, sum hann segði. Merkisvert er tað, at Erik Drillo Olsen framvegis er venjari hjá norska landsliðnum (hann var tó burturfrá í eitt tíðar­ skeið). Seinna ferðin var 6. oktober 1996, tá ið Jugoslavia vann HM undankappingardyst á Svangaskarði 8-1. Hetta var fyrsta og higartil einasta ferðin, at átta mál eru skorað ímóti Føroyum. Jugoslavia og Georgia hava vunnið 6-0 sigrar í Føroyum. Einasta ferðin, at ein av størstu europeisku fót­bólts­tjóðunum er farin úr Føroyum við stórsigri, var, tá ið Frakland 13. oktober 2007 vann 6-0. Spenningurin varðveittur Frakland hevur tríggjar ferðir vitjað í Føroyum, og Italia og Spania hava verið her eina ferð. Dysturin hjá Týsklandi í annaðkvøld verð­ ur onnur vitjanin her á klett­ unum hjá fyrrverandi HM og EM vinnarunum. Tá ið sæð verður burtur frá stórtapinum ímóti Fraklandi í 2007, so bera úrslitini boð um, at tað hevur lagað seg soleiðis, sum føroyingarnir kunnu loyva sær at vóna, men sum tað við støði í styrkis­listanum hjá FIFA er veru­leikafjart at rokna við. Allan Simonsen plagdi í síni stjórnartíð aftur og aftur at siga, at eitt orduliga stórt úrslit var ikki so langt burtur. Tá sipaði hann til, at Føroyar fóru at vinna stig frá onkrum av teimum heilt stóru. Seinnu árini hevur ikki verið so nógv at hoyrt til sovornar útsøgnir. Tá ið Týskland vitjaði fyri tíggju árum síðani, var tað øgiliga spennandi. Týskland vann 2-0, men tað var ikki fyrrenn í næstsíðsta og síðsta minutti, at málini vórðu skorað. Tá ið Frakland í 2009 vann 1-0 á Tórsvølli, var sigursmálið skorað tríggjar minuttir undan steðginum. At tað fram til síðsta bríksl bara var eitt mál á muni bar sjálvsagt við sær, at føroysku spælararnir og áskoðararnir rættuliga livdu í vónini um, at tað skuldi eydnast at vinna úrsltið, sum hevði farið í søgubøkurnar sum eitt av teimum merkisverdu í altjóða fótbóltssøguni. Í 2007 vann Italia 2-1 á Tórsvølli. Rógvi Jacobsen minkaði um munin, tá ið tað restaðu trettan minuttir, og italsku heimsstjørnurnar vóru illa sperdar síðstu løtuna, meðan føroysku spæl­ararnir, væl stuðlaðir av áskoð­arunum, koyrdu á. Størsta undirhaldið, sum føroysku áskoðararnir hava verið vitni til ímóti einum at teimum størstu, var 4. sep­tember 1996, tá ið Spania vann 6-2 á Svangaskarði. Áskoð­arunum líkar at síggja sínar spælarar og sína tjóð skora mál, og soleiðis var tað henda vakra heystardagin fyri seytjan árum síðani. Tveir minuttir eftir steðgin javnaði Todi Jónsson til 1-1, og næsta korterið var tað fram­úr spennandi. So bar økta spanska ferðin við sær, at tað skrædnaði, og í eitt stórt korter skoraði Spania fimm mál! Í síðstu løtu pyntaði Uni Arge um, og tað hevði við sær, at lagið var gott millum áskoðararnar. At tapa 6-2 ímóti Spania var at liva við. At hava verið vitni til, at før­oyska liðið skoraði tvey mál ímóti einum av teimum størstu var framúr! Langt millum málini Fríggjakvøldið taptu Føroyar 2-1 í Kasakstan. Tað kendist sum vónbrot, serliga tí málini ímóti føroyska liðnum komu eftir støður, har avgerðirnar hjá dómaranum ikki vóru sann­førandi. Fróði Benjaminsen skoraði føroyska málið. At Føroyar skora mál kemur ikki so ofta fyri longur. Tað eru ellivu mán­aðir síðani, at Føroyar síðst skoraðu. Tað var 16. oktober 2012 , tá ið Arnbjørn Hansen minkaði um munin til 1-2 ímóti Írlandi, sum fór avstað úr Føroyum við 4-1 sigri. Síðani tá spældu Føroyar fimm dystir, uttan at tað eydn­aðist at fáa hol á. Samlaði málmunurin var 0-14! Svongdin Spurningurin er so, hvussu týsku mótstøðumenninir hesa ferð fara undir upp­gáv­ una. Fyrst og fremst ræður tað sjálvandi um hjá teim­ um at vinna øll stigini. Mál­ munurin hevur ikki so stóran týdning, men tað er møgu­ leiki fyri, at týska kvødnin orduliga fær ferð á. Nú er konseptið soleiðis, at dystirnir eru greipaðir tveir og tveir. Feløgini eru ikki so fegin um, at spæl­ar­ar­nir eru so nógv burtur í lands­ liðs­ørindum. Tí er avrátt, at spælararnir eru burtur frá felagsvenjingunum frá sunnu­degi og fram til miku­ dagin í vikuni eftir ella í tíggju dagar. Fyrri dysturin er fríggja­ kvøld, og tann seinni er týskvøld. Tá ið fyrri dyst­urin er á skránni, verður sjálv­sagt í ávísan mun eisini hugsað um seinna dystin. Tá ið seinni dysturin er á skránni, er ikki neyðugt hjá lands­ liðsvenjaranum á sama hátt at hugsa um næstu dagarnar – sjálvt um venjararnir í feløgunum, sum spælararnir um­boða, fegnir høvdu viljað, at tað var soleiðis. Um Týskland í annaðkvøld skorar mál beinanvegin, og spæligleðin og ferðin vinna, so kann tað verða heitt hjá føroyska liðnum. Tølini vísa tó, at soleiðis er tað bara triði hvørja ferð, tá ið tey størstu vitja í Føroyum. Í seks dystum ímóti Spania, Fraklandi, Italia og Týsklandi er tað tvær ferðir komið fyri, at mótstøðuliðið hevur skor­ að seks mál. Tríggjar ferð­ir hava tey skorað tvey mál og eina ferð eitt mál. Triði hvørja ferð hevur tað eydnast føroyska liðnum at skora á heimavølli ímóti teimum størstu. Eftir tey bæði málini ímóti Spania var málturkur í tveir heimadystir ímóti teimum størstu. So varð skorað ímóti Italia, og nú hevur aftur verið málturkur í tveimum heimadystum ímóti teimum størstu!