mánadagur 9. september 2013síða 21

21 Mánadagur 9. september 2013 · Nr. 103 Sosialurin Hugskot og viðmerkingar – send sms til 225000 ítróttur Uppspælið til føroysak málið. Tað var flott og gjøgnumført føroyskt spæl, har okkara spælarar hava bóltin sína millum leingi og spæla við stórum tryggleika. Gamaní er seinasta avlevering ikki heilt uttan hjálp, men tað tosa vit minni um. Johnny Casanova og kasakstanska sjónvarpið. Dómarin úr San Marino kostaði okkum dýrt. Hann dømdi sum heild illa, men tað kostaði serliga dýrt, tá hann bríkslaði fyri brotssparki til Kasakstan. Talan var als ikki um brotsspark. Hitt minusið fær framleiðslan hjá kasakstanska sjónvarpinum, sum ferð eftir ferð megnaði at vísa heimaáskoðarar, meðan føroyska liðið var í álopið. Heldur ikki vildu teir vísa “brotssparkið” umaftur og ongantíð sóu vit um talan var um rangstøðu í 2-1 málinum. Og so ditta vit okkum at grenja um føroyska sjónvarpið. Ljósár frammanfyri! Gunnar Nielsen: 5 Spældi upp til sítt besta, hóast hann var órógvaður í fyrireikingini. Hevði eina bjarging í heimsflokki og helt liðnum inni í dystinum. Kundi einki gera við málini. 1 Jóhan Troest Davidsen: 4 Hevur spælt seg heitan í bókini hjá Lars Olsen. Uttan var verða stórur, so fyllur hann nógv og var helst óheppin, at Kasakstan kom á odda 2-1, tí Jóhan stendur skeivumegin sín mann í uppspælinum, men eisini hava at tað er rangstøða. Hevði eina trupla byrjan, men spældi seg upp. 4 Fróði Benjaminsen: 5 Elsti málskjútti á føroyska landsliðnum við sínum 35 árum, men spælir sum ein unglingi. Bakkar ikki ein tumma, vinnur sínar nærdystir og torir at halda upp á bóltin. Spælir sín dyst nummar 75 móti Týsklandi. Flott Fróði. 7 Christian L. Holst: 2 Tað var sjáldan at Christian megnaði at gera nakað við bóltin. Fekk ein gyltan møguleika at skora í seinna hálvleiki, men rakti bóltin illa. Ongin ivi um góðan bóltførleikan, men tað manglar eitt sindur frammanfyri málinum. 10 Jóan Símun Edmundsson: 4 Kom væl frá uppgávuni hesaferð. Helt væl upp á bóltin og kláraði fleiri bæði at spæla og dribbla seg úr kroystum støðum. Kemur framvegis ikki til nóg nógvar møguleikar, men toftamaðurin spælir nú aftur við yvirskotið og tað er deiligt at síggja. 11 Súni Olsen: 3 Vørumerkið hjá Súna er deyðbóltarnir, men teir kom hann óvanliga illani frá í Kasakstan. Tað telur niður hjá einum snillingini á økinum. Skuldi eisin fingið gult kort í fyrra hálvleiki, men spældi annar miðal, men deyðbóltarnir telja niður. Annars altíð góður á bóltinum. 6 Jónas Tór Næs: 3 Hevði trupulleikar í verjustøðu og bleiv til tíðir yvirspældur. Helst mundi hann hava rætt, tá hann vildi hava kasakstanska áleypara at vera rangstaddan í uppspælinum 2-1 málið. Fekk gult kort og er ikki við móti Týsklandi. 2 Hallur Hansson: 3 Sprutlaði av orku og hjálpti væl til á miðvøllinum, hóast hann hevur útgangsstøðið í høgra vongi. Kom sjáldan í góða støðu í framrættaða spælinum, men var partur av uppspælinum. 9 Viljormur Davidsen: 4 Er so smátt við at seta seg á vinstra bakk plássið. Hann spældi aftur ein góðan dyst, har hann í avgerandi løtum fær ruddað vekk í torførum umstøðum. Torir eisin at spæla framm eftir vøllinum. 3 Christian R. Mouritsen: 4 Kom bara heilt væl frá dystinum. Vísti tekniskan bóltførleika á høgum stigi og megnaði at finna ein hvítan sum oftast í avspælinum. Átti lut í málinum og avleveringina til stóra møguleikan hjá Holst. 17 Rógvi Baldvinsson: 4 Spældi eisini yvir miðal í verjuni, men uttan at beinleiðis spæla væl. Var dømdur fyri at gera brotsspark, men tað var milt sagt ikki til at síggja á upptøkunum úr Kasakstan, og hann sigur eisini sjálvur, at hann ikki rørdi spælaran. 5 (▼80.) (▼80.) Heini Vatnsdal: (▲80.min) Kom inn á miðvøllin og fekk fleiri ferðir bóltin, men tá løgdu kasakstanar seg eisini aftur at verja. Ov stutt inni til at gera eina meting. Páll A. Klettskarð: (▲80.min) Byrjaði við at taka ein torføran bóltin niður og tóktist fella væl inn í spælið lítlu løtuna hann var inni. Var millimetrar frá at javnað, tá hann gjørdist akkurát ov stutt eftir innleggi. Fríksligt innhopp, men ov stutt til at gera eina meting.