mánadagur 9. september 2013síða 22

Mánadagur 9. september 2013 · Nr. 103 22 Sosialurin Hugskot og viðmerkingar – send sms til 225000 ítróttur fótbóltur Rakti máltalvuna Nýggja máltalvan á Tórsvølli varð tikin í brúk til U21 landsdystin millum Føroyar og Týskland. Hon stendur á fimleikahøllini, Fimi. Tað skuldi eisini gerast ein týskari, sum var fyrstur at sparka ein bólt í altjóða dysti og raka máltalvuna. Nú vóna vit bara, at Mesut Özil og hinir týskarnir gera tað sama. Teitur M. Gestsson: 5 Kundi ikki gjørt meir enn hann gjørdi. Hevði eina bjarging í heimsflokki og aðrar góðar. Sparkar væl út og tað hjálpti upp á trýstið. Kundi ikki gera nakað við málini. Bárður Hansen: 4 Tað ber illa til at krevja meiri av høgra bakkinum, sum var undir einum stórum trýstið allan dystin. Hevði onkra lykaltakling og tordi at spæla bólt framm eftir vøllinum, men sjálvandi komu týskarnir í gjøgnum í síðunum. Hørður Askham: 5 Gjørdi hálvan annan feil, men spældi annars sum tann brandurin hann hevur verið í alt ár. Ruddaði ótrúliga nógv vekk og smæddist ikki í nærdystunum. Tordi eisini at koma niðan á framrættaðu spælararnar og órógva teir. Andras B. Vágsheyg: 4 Stóð væl sum avloysari fyri Sonna Ragnar, men hevur ikki somu kropsligu styrki. Serliga í rennidystunum var Andras drúgvur og fekk ruddað vekk. Gjørdi tó feilin, sum førdi til 3-0 málið. Beinir Ellefsen: 3 Hevði uttan iva torførastu uppgávuna við at renna aftaná Kevin Volland hjá Týsklandi. Gjørdi alt tað hann kundi, men liðskiparin hjá týskarunum hevði takið á vinstra bakkinum. Vísti tó, at hann er til reiðar at spæla á plássinum í framtíðini. Bogi Reinert Petersen: 5 Dagsins spælari á føroyska liðnum. Miðvallarin stríddist allan dystin á tamb, vann nógvar bóltar og slapp sær skilagott av við bóltin. Bogi hevur spælt seg upp til at blíva ein lyklaspælari á U21 landsliðnum og á liðnum hjá ÍF. Rógvi Joensen: 4 Orkan og ágrýtni manglar ongantíð. Var í nógvum nærdystum og órógvði uppspælið hjá týskarunum, men tað gekk ikki altíð so væl í hond fram eftir vøllinum. Ivan Joensen: 2 (▼59.) Var mest feil plaseraði spælarin á vøllinum og tað sást eisini aftur í avrikinum. Hann er ikki framrættaður miðvallari og tá er ringt at røka plássið móti Bundesligaspælarum. Ber ikki til at seta fingurin á innsatsin, tí hann gav alt hann átti, men misti ov oftani bóltin. Ari Ó. Ellingsgaard: 3 (▼84.) Spældi í løtum til eina hægri meting, men fekk ikki fult burturúr, tá hann millum annað fekk møguleikan at skjóta uttanfyri brotsteigin. Var um ein háls í fyrra hálvleiki, tá løgdu trýst á okra høgru síðu, men vísti høgt teknist stig í fleiri førum. Gilli Sørensen: 2 Tóktist rættiliga uppsettur, men bleiv ov sjáldan settur í góðar støður. Megnaði heldur ikki at skapa tær støðurnar sjálvur. Virkaði frustreraður, tí hann vildi meir enn hann kláraði at gera. Hevði besta føroyska møguleikan, men rakti ikki málið. Gunnar Zachariasen: 4 (▼83.) Fekk nógv burturúr sínum lítla kroppi í mun til stóru mótstøðumenninar. Hælavleveringar og flottar tekniskar detaljur riggaðu og ein undrast á, hvar hesin spælari er í EB/Streymi. Spælir altíð væl á U21 landsliðnum. Heðin Klakstein: 4 (▲59.) Kom væl inn í dystin og smæddist ikki burtur á miðjuni. Vann okkum fríspark í góðari støðu, tá hann bjóðaði allari týsku verjuni av. Ein frísklig innskifting. Sørmundur Kalsø: (▲83.) Kom inn í álopið og var við í upp­spæl­ inum til gott álop, men ov stutt inni til at gera eina meting. Pál Mohr Joensen: (▲84.) Var lítið á bóltinum meðan hann var inni. Ov stutt tíð til at gera eina meting. Avrik: tøl 1 til 6 Tróndur Arge – Tórsvøllur Planleggingin var í topp. Fríggjakvøld, gott veður, tjóðar­leikvøllurin, eitt før­ oyskt landslið við evn­unum at skapa sensatiónina og eitt mótstøðulið í hiemsflokki við spælarum, ið til dagligt spæla í bestu deildini í Týsklandi. Og so var tað prísurin – bara 50 krónur. Kanst tú krevja meir av eini fótbóltsuppliving? Tað tykjast flestu fótbólts­ áhugaðir føroyingar at halda, tí tá endaliga áskoðaratalið kom, vóru bara 689 áskoðarar á Tórsvølli til dystin. Roynd fólk á økinum vilja verða við, at tað vóru ikki meiri 450 áskoðarar til staðar, men tað er ein sannroynd, at teir røsku áskoðararnir ikki fyltu nógv á teimum 4.200 pláss­ unum á Tórsvølli. Livandi frá fyrra hálvleiki Føroyska liðið kemur livandi frá fyrra hálvleiki. Faktist, so hevur føroyska liðið onkrar góðar møguleikar longu aftaná heilt fáa minuttir, tá vit fáa ikki bara eitt, men tvey hornaspørk, umframt at vit okkurt innkast, sum vit tveita heilt inn í brotsteigin hjá teimum. Tað ganga tó bara sjey minuttir, so vísa týsku spæl­ ararnir gott spæl. Liðskiparin, Kevin Volland, fær fatur á bóltinum í vinstru og rekur inn móti miðjuni. Samstundis rennur Moritz Leitner í góða støðu og fær eina neyva av­ levering. Staddur nakað í høgru meddar hann til og er 1-0. Eina løtu renna okkara aftaná og týska maskinan tykist næstan verða uttan feilir. Vit brúka nógva orku og verjan saman við mál­ mann­inum eru fleiri ferðir um ein háls og fáa akkurát vart fyri. Serliga Teitur Matras Gestsson hevur ein bjarging í heims­flokki, men avdúkaði aftaná at hann var eitt vet heppin. – Eg valdi síðu áðrenn, so tað var heppið at hann skjeyt í somu síðu, sigur Teitur M. Gestsson. Sum dysturin gongur gera týsku spælararnir tó nakr­ ar feilir, sum geva okk­ara mót upp á meir. Ein­faldar avleveringar enda fyri føtur­ nar á okkara og upp­spælið úr verjuni hjá teimum er heldur ikki altíð so gott. Vit fáa okkurt hornaspark og innkast afturat, men nærm­ast eru vit, tá Gunnar Zachariasen rennur kapp við verjuna hjá Týsklandi, men er ein lítlan hálvan metur frá at blíva leysur. Manglar lítið í at fáa mál Í seinna hávleiki økir Týsk­ landi til 2-0, tá Kevin Volland leggur bóltin innfyri til Jonas Hofmann, sum er tryggur úr stuttari fjarstøðu. Eins og í fyrra hálvleiki Týskarar í heimsflokki U21 landsliðið hjá Týsklandi er í heimsflokki og tað vístu teir á Tórsvølli fríggjakvøldið. Føroysku spælararnir vóru ónøgdir við úrslitið, men ásannaðu, at týska klekingarmaskinan er í serflokki. Hví bara 689 áskoðarar møttu up er hinvegin ein gáta