hósdagur 12. september 2013síða 25

25 Fríggjadagur 13. september 2013 · Nr. 105 Sosialurin Hugskot og viðmerkingar – send sms til 225000 ítróttur Jóannes Hansen Síðani næstsíðsta vikuskifti hava landskappingarnar í bestu og næstbestu deild­ini og í U-18 deildini hjá monn­ um hildið frí. Tað hava tær, tí landsliðini hava verið í eldinum. A-landsliðið hevur spælt tveir dystir, U-21 lands­ liðið hevur spælt ein dyst, og U-19 landsliðið hevur spælt tríggjar dystir. Samlaða úrtøkan á al­tjóða vígvøllinum var soltin hesa ferð – sum so mangan áður. Føroysku liðini taptu allar seks dystirnar, og samlaði mál­munurin var 20-1 til fyri­ munar fyri mót­støðu­liðini. Einsamalla føroyska málið skoraði Fróði Benjaminsen, tá ið hann fríggjakvøldið so langt burtur sum í Kasakstan legði Føroyar á odda 1-0. Hetta var miðskeiðis í 1. hálv­ leiki, og inntil fimm minuttir eftir steðgin sá tað ljóst út. So javnaði heimaliðið við brotssparki, og eitt korter seinni skoraðu teir sigurs­ málið. Týskvøldið fóru týsku heims­stjørnurnar av Tórs­ vølli við 3-0 sigri. Hóast føroy­ingarnir – bæði venjarin og spæl­ararnir – harmaðust um úrslitið, tí teir hildu, at tapið var eitt ella tvey mál ov stórt, so kendist tað sum um, at hetta var meiri at liva við, enn tapið í Kasakstan. Í føroysku leguni kendist úrslitið at vera stórt vónbrot. Serliga meint varð tað, tí dómarin so at siga burturúr ongum gjørdi av at bríksla fyri brotssparki. Støðan var klassisk. Ein í altjóða fót­bólti óroyndur dómari úr San Marino hevði fyri fyrstu ferð fingið møguleikan. Tað er ikki á hvørjum degi, at dóm­arar úr smátjóðunum fáa møgu­ leikan, og hesin kendist hava misskilt, hvat skal til fyri at røkka glæsiligari altjóða karrieru. At hann var heimadómari sást beinanvegin í 1. hálvleiki, tá ið hann bríkslaði fyri frí­ sparki dygst uttanfyri før­ oyska brotsteigin, og hann krýndi heimaavrikið við beinan­vegin eftir steðgin at geva heimaliðnum eitt brots­ spark. Ivaleyst kendi óroyndi maðurin seg trýstan at geva heimaliðnum í hvussu so er tað, sum var uppiborið. Men tað er ikki fótbóltssambandið í Kasakstan, sum ger av, hvussu altjóða karrieran hjá hes­um dómaranum heldur enn øllum hinum fer at síggja út. Tað er upp til UEFA og FIFA at gera av, og hesum mann­inum bíðar neyvan glæsilig karriera. Men kanska verður hann sendur onkra ferðina aftrat til ytsta enda í UEFA økinum, tá ið smáu tjóðir­nar hittast. Soleiðis er hatta. Tilgongdin Um vit snara okkum burtur frá harmuligu gongdini og tepra tapinum í Kasakstan og 3-0 heimatapinum ímóti Týsk­landi, sum ikki var nøkur skandala, og líta at avrik­unum hjá yngru lands­ lið­unum, so siga úrslitini, at tað neyvan kann roknast við, at Føroyar, sum eru nummar 175 á FIFA styrkislistanum, skjótt fara at lyfta seg stór­ vegis rætta vegin. Yngru landsliðini eru føði­ ketan hjá besta lands­lið­num. Allir teir, sum týs­kvøldið spældu ímóti týsku stjørn­ unum, hava spælt á yngru lands­liðunum. Undantiknir eru Daniel Udsen og Chrstian Lamhauge Holst, sum eru uppvaksnir í Danmark, og sum ikki eru vornir aktuellir í føroyskum høpi, fyrrenn eftir at teir vóru vaksnir. Harvið tæna yngru landsliðini sín­ um endamáli. U-21 landsliðið er tað, sum hevur staðið seg best. 1-0 ímóti Russlandi og 2-2 ímóti Írlandi á heimavølli vekja ans, meðan 3-0 á heimavølli ímóti Týsklandi er tað, sum roknast kann við. Tá ið Før­ oyar í 1990 fóru upp í al­tjóða fótbólt varð aftur og aftur sagt, at tap minni enn 0-4 vóru góðtikin, og soleiðis kenn­ist tað fremvegis at vera. Í gjár kom U-19 landsliðið aftur úr Makedonia. Í við­ før­inum frá EM undan­ kapp­ingini vóru trý tap og mál­mun­urin 0-12! Tað er órógv­andi, og tað kennist boða frá, at munurin fram til onnur landslið í Europa ikki verður øðrvísi næstu árini. – At tapa 2-0 ímóti Turka­ landi er á góðari leið. Munurin á føroyska liðnum og hinum, sum hesa ferð vóru púra javnt sterk, er í hvussu so er trý mál. Onkuntíð eydnast tað okkum at skora mál og at tapa við einum ella tveimum málum og hendinga ferðina at røkka javnleiki. Tá skal alt spæla við hjá okkum, og hinir skulu ikki hava marginalirnar við sær. Tá ið vit tapa 5-0, so er tað kanska størri tap, enn veruligi styrkismunurin er, sigur annar av venjarunum Eyðun Klakstein, og hann leggur aftrat: – Spurningurin er, hvat so­vornar kappingar gera við spælararnar. Og har eru vit báðir venjararnir hjá U-19 lands­liðnum, Oddbjørn Joensen og eg, ikki í iva. Hetta mennir spælararnar, sum eru betri fyri, eftir at hava roynt seg ímóti sovornum mót­ støðu­liðum og spæl­arum. Framtíðin Tá ið týska landsliðið fyrr í vikuni var í Føroy­um, endur­ tók týski lands­liðs­venj­arin, Joakim Löw, í sam­røðu við Rás2 sjónar­miðið, sum hann áður hevur vakt ans við. Lands­liðs­venjarin heldur, at tað er tíðarspill hjá honum og illa sperdu stjørnunum, at teir skulu til Føroya at spæla. Eftir dystin týskvøldið rósti hann føroysku spælarunum fyri at duga væl at verja sam­ stundis sum hann fanst at sínum monnum fyri ikki at vera nóg kringir í smá­spæl­ inum í føroyska brots­teig­ inum: – Hetta er sum at spæla hondbólt. Allir okkara eru í álopi, og allir teirra verja. Tá ræður um at duga at snúgva sær á lítlum øki, og tað eru okkara ikki nóg góðir til, segði týski venjarin við heima­síðuna hjá týska fót­ bólts­sambandinum. Væl kenda sjónarmiðið hjá Joakim Löw er, at smá­tjóð­ irnar skulu spæla fyri seg og so møguliga kvalifisera seg at spæla ímóti teimum stóru, ið eru so upphongd í europeisku stórfeløgunum. Mánadagin var hann fólkaligur og rósti føroyingunum, men hann fjaldi ikki, at hann framvegis er av somu áskoðan. Tað verður arbeitt við at broyta skipanina í EM undan­kappingini, sum tað verð­ur farið undir um eitt lítið ár. Tí kann tað væl vera, at tað verður longri ímillum, at størstu stjørnurnar fara at vitja í Føroyum, og at tað verður styttri millum tøttu dyst­ir­nar hjá føroyska lands­ lið­num. Men hetta hevur fleiri síð­ur. Ein er tann fíggjarliga, at før­oyskur fótbóltur eins og fót­bóltur í so mongum øðrum londum, er tengdur at risa upphæddunum, sum verða rindaðar frá UEFA og FIFA, ein onnur er politiski parturin og ein triðja er ítróttarligi parturin. Stóru inntøkurnar eru bara at fáa í sambandi við a-landsliðið og luttøkuna í euro­peisku liðkappingunum. Um broytingar verða framd­ ar í hesum, so fær tað álvars­ ligar avleiðingar fyri før­oysk­ an fótbólt. Um landsliðini – a-lands­ liðið og tey yngru – oftari høvdu spælt ímóti teim­ um, sum eru umleið eins stinn og eitt sindur stinn­ari enn Føroyar og ikki so ofta ímóti teimum, sum eru nógv stinnari, er iva­leyst spurn­ ing­ur, sum er áhuga­verdur at venda og snara. Tølini siga, at tað kann roknast við, at broytingar fara at verða gjørdar, um føroyingar eru við upp á tað ella ikki. Hvørjar broyt­ ingarnar verða valdast um politisku undir­tøkuna. Tá hava Føroyar og aðrar smá­ tjóðir týdningar­miklan leiklut í altjóða fótbólts­fam­ iljuni. Tað boðar frá, at smá­ tjóðirnar á ein ella annan hátt fara at sita við borðið og taka avgerðir saman við teimum, ið umboða sjónarmiðini hjá Joakim Löw og teimum, sum taka undir við honum. Og nú snýr tað seg aftur um heimligu kappingarnar! ítróttur fótbóltur Landsliðsvikan kostaði 20-1 Úrslitini hjá teimum trimum landsliðunum, sum seinastu vikuna hava spælt seks dystir og tapt allar, stuðlar hagtalsliga undir tosið um at bólka tjóðirnar soleiðis, sum týski landsliðsvenjarin vil hava, at tað verður gjørt Mynd: Álvur Haraldsen Landsdystir: 6. september Kasakstan - Føroyar 2-1 U21 Føroyar - Týskland 0-3 U19 Montenegro - Føroyar 5-0 8. september U19 Turkaland - Føroyar 2-0 10. september Føroyar - Týskland 0-3 11. september U19 Føroyar - Makedonia 0-5