mánadagur 16. september 2013síða 19

19 Mánadagur 16. september 2013 · Nr. 106 Sosialurin Hugskot og viðmerkingar – send sms til 225000 ítróttur Fleiri ár eftir sum fótboltsspælari Tíðin stendur ikki í stað og tað ger aldurin á Súna Olsen heldur ikki. Hann spældi sín fyrsta dyst í bestu deildini í før­oyskum fótbólti í 1997, men háost tað, so metir hann seg hava fleiri góð ár eftir. – Eg var nógv skaddur áðrenn eg kom til B36, men hesi seinastu trý árini hevur tað gingið væl viðvíkandi skaðum. Sjálvt um eg eri 32 ár og verið 33 til komandi kapp­ingarár, so kenni eg á mær, at eg havi nøkur góðar ár eftir sum fótbóltsspælari. Tað haldi eg eisini at eg havi prógvað á landsliðnum sein­ astu tveir dystirnar, sigur Súni Olsen. Til dystin í gjár var Súni fluttur aftur í miðverjuna, men frísparkssnillingurin hev­ur ongan ætlan um at enda sum miðverji. – Eg havi bara spælt í miðverjuni, tí menn hava verið skaddir. Eg havi onga ætlan um at blíva umskúlaður til verjuspælara. Eg havi eftir hondini spælt øll plássini í hes­um kappingarárinum. Sjálvt sum málverji, sigur Súni skemtandi. Býr millum mótstøðuspælararnar Eftir hondini hevur Súni spælt nógvar dystir móti Víking og tað nervar heldur ikki B36 spælaran, at spæla móti tí, sum í dag best kann lýsast sum barndómsfelagið. – Hetta var bara ein dyst­ ur sum allir aðrir. Eg eri altíð uppsettur líka mikið um tað er Týskland ella Víking eg spæli ímóti, men nú búgvi eg rundan um teir flestu á lið­num hjá Víkingi, so tað ger tað sjálvandi eitt sindur serligt. Súni Olsen skal ganga í skúla í Havn til í summar, men tað er bara tveir dagar um vikuna. Hetta tykist tó ikki verða nokk til at lokka gøtumannin at taka eitt ár aftur at í Havn. Hann hevur tó ikki tikið eina avgerð. – Eg vil vísa B36 loyalitet og stríðast fyri felagið til tað seinasta. So kunnu vit taka eina avgerð, sigur Súni Olsen. Øði í Gundadali Súni Olsen var mitt í roka­ num, tá dysturin í Gundadali í gjár gjørdist nakað heitur. – Tað gjørdist nakað heitt í seinna hálvleiki og eg bíðaði bara eftir at onkur fór at fáa reyða korti. Tað kom so ongan­tíð, sigur Súni Olsen, sum var langt frá hendingini, tá B36 fær sigursmálið, sum tað verður tosað so nógv um. – Eg helt fyrst, at hjálpar­ dómarin vinkaði fyri aftur­ legging. Tað helt eg so ikki tað var, men sá so, at hann byrjaði at renna móti miðjuni. So gjørdist eg sjálvandi glaður, sigur Súni at enda. Víkingur bert eitt stig ímóti B36 Dystirnir hjá Vìkingi ímóti B36 í hesum kappingarárinum góvu bert eitt stig. Ígjár tapti Víkingur 3-2 í Gundadali. Fyrst í kappingarárinum vann B36 heili 4-0 á Víkingi. Tað eina stigið ímóti B36 fekk Víkingur á heimavølli í Sarpugerði í Norðragøtu, tá liðini í einum dysti tann 26. mai spældu javnleik 1-1. Geza Turi: 3 Er sjálvandi íblandaður í avgerandi málinum og tað má so ella so telja niður. Spældi annars ein fínan dyst og kundi einki gera við hini bæði málini. Bárður Hansen: 5 Legði upp til tað fyrsta málið við einum dreyma innleggi. Hevði sum so ongar trupulleikar av Gilla og hevði rímuliga gott tak á Lukasz. Millum teir bestu hjá Víkingi. Erling Jacobsen: 4 Er ótrúliga trúgvur í rennidystunum og stríddist við Lawal og Lukasz. Hevði liðskiparabandið á og spældi eisini sum ein liðskipari. Hans Jørgen Djurhuus: 3 Skuldi verið útblakaður fyri at fella ein leysan Lukasz, og fekk gult fyri aðra ógvusliga takling móti sama Lukasz. Stóð seg annars væl meginpartin av dystinum sum avloysari hjá Atla í miðverjuni. Dánjal Pauli Lervig: 3 (▼90.) Hevði ikki stórvegis trupulleikar av Høgnunum báðum í høgru hjá B36. Spældi ein miðal dyst uttan at gera so nógv um seg. Sølvi Vatnhamar: 4 Var javnvágin á miðvøllinum hjá Víkingi. Vinnur nógvar bóltar og sleppur væl av við teir. Vísti yvirskot í mótálopunum í seinna hálvleiki, tá Víkingur skuldi havt lukkað dystin. Heðin Hansen: 2 (▼71.) Skoraði málið tíðliga í dystinum og tað var eitt gott mál. Men megnaði ongantíð at koma ordiliga við í dystin og var útskiftur tjúgu minuttir fyri tíð. Hevur ikki fingið møguleikan í seinastuni og tóktist ikki 100% í form. Jann Ingi Petersen: 4 (▼90.) Líkist meiri og meiri einum spælara hjá Víkingi. Arbeiddi hart og átti lut í framrættaða spælinum. Er nú follin til á liðnum. Hanus Jacobsen: 3 Fluttur fram á vongin og tað gekk nú á eini góðari leið. Er altíð garantur fyri hart og gjøgnumført arbeiði, men kom ikki í vandastøðurnar hann plagar sum miðvallari. Kaj Leo Í Bartalsstovu: 2 Helst nakað hart at geva honum eitt 2-tal, men hann megnaði í alt ov lítlan mun at bjóða umskipaðu verjuni hjá B36 av. Er pill etandi fullur av góðum evnum, men tey mugu umsetast til meir á vøllinum. Finnur Justinussen: 4 Mál telur altíð upp fyri ein áleypara og Finnur fekk sítt mál. Hann hevði eisini onkrar góðar aktiónir, men spældi sum so ikki nakran branddyst. Magnus Janskor: 3 (▲71.) Kom inn á høgra vong seinastu tjúgu minuttirnar. Smæddist ikki burtur, men kom ikki í so nógvar spentar støður, men tykist vera ein spennandi spælari. Svein Justinussen: (▲90.) Ov stutt inni til at gera eina meting. Hjartvard Hansen: (▲90.) Ov stutt inni til at gera eina meting Avrik: tøl 1 til 6 Fimm mál og undirhald fyri allar pengarnar. Dysturin var ikki væl spældur, men tað er altíð gott við spenningi og intensiteti. Tað má so verða áskoðararnir, sum mistu høvdið. Millum annað tók ein maður ein bólt frá einum bóltadreingi og tveitt hann inn á vøllin. Altíð gott við íðnum áskoðarum, men tað er eitt mark. Gesa Turi Hans Jørgen Djurhuus ■ Erling Jacobsen Bárður Hansen ■ Dánjal Pauli Lervig (Svein Justinussen, 90.) Jann Ingi Petersen Heðin Hansen (Hj. Hansen, 90.) (Magnus Jarnskor, 71.) Sølvi Vatnhamar ■ Kaj Leo í Bartalsstovu Finnur Justinussen Hanus Jacobsen ■ Tórður Thomsen Robert Heðin Brockie Súni Olsen Høgni Eysturoy Ámund Nolsøe Róaldur Jacobsen ■ Evrard Blé Høgni Midjord Gilli Sørensen (Jákup á Borg, 78.) Lukasz Cieslewicz ■ Adeshina Lawal (Benjamin Heinesen, 90.) B36 - Víkingur 3-2 (1-1) 0-1: Heðin Hansen 2. 1-1: Lukasz Cieslewicz 45. 1-2: Finnur Justinussen 71. 2-2: Adeshina Lawal 87. 3-2: sjálvmál 89. Dómari: Eiler Rasmussen Myndir: Álvur Haraldsen Javel! Skurðarnir halda at dómarapisurnar ikki eru floygdar. Uha uha Besta SMS'ið um dystin í Triða Hálvleiki: Rok Dysturin í Gundadali gjørdist nakað heitur, og serliga aftaná dómarin hevði bríksla av, var rok mitt á vøllinum Víkingarnir vóru í øðini yvir avgerandi málið í evstu løtu Reytt kort?