mánadagur 16. september 2013síða 20

Mánadagur 16. september 2013 · Nr. 106 20 Sosialurin Hugskot og viðmerkingar – send sms til 225000 ítróttur fótbóltur Ferfaldi málskjúttin hjá NSÍ, Klæmint A. Olsen, gjørdi mestsum einsamallur av við KÍ á nýggja graslíkinum við Løkin í gjár, har NSÍ vísti, at liðið framvegis dyrgir eftir bronsu og europeiskum fótbólti, meðan KÍ stríðist fyri lívinum í bestu mansdeildini NSÍ 4 (1) KÍ 3 (3) Hilmar Jan Hansen – Tað var ein øgiliga góð kensla at hava skotið fýra mál í hesum dystinum ímóti KÍ, sum var tann fyrsti á nýggja vøllinum hjá okkum. Men vit skuldu fyrst og fremst hava trý stig, og tað fingu vit, sigur Klæmint A. Olsen, sum átti øll fýra málini í 4-2 sigrinum, og nú tilsamans hevur skotið 62 mál í bestu deildini síðani 2009. – Eg havi ongantíð skorað fýra mál fyrr í bestu deildini, so tað var eitt sindur serligt. Onkuntíð havi eg skotið trý mál í einum dysti, men ikki ofta. Tað var eisini eitt sindur løgið, at tað skuldi blíva til fýra mál í dag, tí eg hevði kanska einar fimm kjansir tilsamans. Talan var um ein dyst, har heimaliðið legði bragdliga fyri og longu í sjeynda min­ utti fekk fyrsta málið, tá Jónhard Frederiksberg fekk spælt Klæmint nokk so frían, so hann kundi temja og trilla bóltin millum beinini á upp­ passaranum, áðrenn hann við vinstra fóti sendi bóltin í mál. Hetta var ein frálík byrjan hjá heimaliðnum á nýggja graslíkinum, ið menn bara hava havt eina viku til at venja seg við, men tað vísti seg tó, at klaksvíkingar skjótt komu eftir, hvussu teir skuldu fáa sum frægast burturúr, tí ikki vóru meira enn einir tíggju minuttir farnir, so koppaði dysturin yvir til gestirnar. Tøgn í steðginum Mitt í fyrra hálvleiki gav tað eisini úrslit fyri KÍ, tá Hjalgrím Elttør við einum góðum langskoti smekkaði bóltin í mál til 1-1. Og bara seks minuttir seinni kom Álvur F. Christiansen ímillum, tá NSÍ- ararnir spældu tvørturum, og so kundi hann serverað bóltin fyri føturnar á Páll A. Klettskarð, so KÍ nú var á odda. Beint fyri steðgin økti KÍ um leiðsluna, tá Ísak Simonsen við einum hegnis­ ligum frísparksmálið gjørdi tað til 3-1, so nú skuldu góð líkindi verið hjá klaks­víking­ um at vunnið sín fyrsta dyst síðani 28. apríl! – Vit vistu allir av, at fyrri hálvleikur hevði ikki verið í lagi. Tað byrjaði væl og vit pressaðu teir høgt, so vit komu til góðar støður, men so steðgaði tað bara púr­asta upp hjá okkum. Í hálv­leik­ inum var púra kvirt í um­ klæðingar­rúminum og eg haldi, at eingin segði nakað, tí vit vistu, hvussu vorðið var. Heldur ikki fingu vit av grov­fílini frá venjaranum, sigur Klæmint A. Olsen. – Soleiðis sum seinni hálv­ leikur háttaði seg, bleiv hetta ein øgiliga løgin dystur, tí allan seinna hálvleik høvdu vit eitt langt álop, og teir høvdu kanska ein møguleika. Tað var undarligt, at so stórur munur skuldi vera á, men líka so uppiborið sum tað var, at KÍ var á odda í hálvleikinum, líka so uppiborið var tað eisini, at vit vunnu dystin, tí allur seinni hálvleikur var bara eitt stórt NSÍ-álop. At síggja til, var tað kanska nokk so løgið, at dyst­urin skuldi kúvenda eftir steðgin, og serliga mundi hetta kennast heldur ganda­kent hjá gestunum, sum hava spælt fleiri dystir, har teir hava verið á odda í hálv­leik­inum, men allíkavæl hava mist øll stigini ella í øllum førum tvey. KÍ sær snøgt sagt ikki út til mentalt at makta tveir hálvleikir, og í øllum førum røkka evnini ikki til at binda fyri, meðan tíð enn er til tað. NSÍ heldur fram NSÍ er hinvegin saman við B36 formsterkasta liðið í bestu deildini í løtuni, meðan KÍ er tað formveikasta av øll­ um, so dysturin við Løkin í gjár fortaldi kanska eisini eitt sindur um, hvussu týðandi tað er at hava undanbrekku og sjálvsálit. Og hetta síðsta gjørdi seg ikki minst galdandi fyri ferfalda málskjúttan hjá teimum gulu: – Nú hevur tað ikki koyrt so øgiliga væl stórar partar av hesum árinum, og eg veit ikki sjálvur, hví so hevur verið. Tað ræður allíkavæl bara um at vera tolin og ikki at missa mótið, men at trúgva upp á seg sjálvan, tí tá málini koma aftur, gevur tað eisini meira sjálvsálit, sigur Klæmint A. Olsen. Tolinum fekk hann brúk fyri í gjár, tí tað vóru næstan 20 minuttir millum hvørt av teimum trimum málunum, ið tryggjaðu NSÍ 4-3 sigurin og góvu eitt ekta »hat-trick«. Málini blivu skorað úr næstan sama stað, tvey við høvd­inum og eitt við ein­ um hálvum saksasparki. Og hóast dómarin legði seks min­uttir aftrat, kom ongan­ tíð nakað svar frá KÍ, sum tí fram­vegis stríðist fyri lív­ inum. – Tað hevði stóran týdning fyri okkum at vinna, tí vit hava tríggjar dystir hesa vik­ una, so vit mikudagin spæla úti ímóti EB/Streymi og aftur um vikuskiftið úti ímóti TB. Vit fara eftir bronsuni, og skulu vit náa hana, mugu vit hava trý stig hvørja ferð, sigur NSÍ-liðformaðurin. hilmarjan@sosialurin.fo NSÍ - KÍ 4-3 (1-3) 1-0: Klæmint A. Olsen 7. 1-1: Hjalgrím Elttør 22. 1-2: Páll A. Klettskarð 28. 1-3: Ísak Simonsen 43. 2-3: Klæmint A. Olsen 52. 3-3: Klæmint A. Olsen 71. 4-3: Klæmint A. Olsen 89. Dómari: Rúni Gaardbo Vøllurin í Klaksvik broytir nú navn til »Í Djúpum Sjógvi« Besta SMS'ið um dystin í Triða Hálvleiki: Fýra í part til KÍ og NSÍ Í fyrra hálvleiki ígjár var líkt til, at KÍ fór at fáa eina úrtøku uppá sjey stig ímóti NSÍ í hesum kappingarárinum, men sigur roknskapurin millum liðini fýra stig í part. Tíðliga í ár vann KÍ ein tepran 3-2 sigur ímóti dystarenda. 26. mai møttust liðini í Klaksvík, og tá endaði dysturin við javnleiki 1-1, og ígjár fekk NSÍ balansa í roknskapin við einum 4-3 sigri. Klæmint kipti KÍ Meinhardt Joensen Sørmundur Kalsø ■ Jógvan Isaksen Jóhan Jacobsen Heðin á Lakjuni Heðin Klakstein Atli Danielsen (Henry Heinesen, 80.) Hjalgrím Elttør Álvur F. Christiansen Páll A. Klettsskarð Ísak Simonsen (Kristoffur Jakobsen, 77.) Kristian Joensen Jens Joensen Andras B. Vágsheyg Jónhard Frederiksberg Einar Tróndargjógv Karl Løkin Magnus H. Olsen ■ Pól J. Justinussen Árni Frederiksberg (Meinhard Olsen, 90.) Klæmint A. Olsen Andy Olsen (H.R. Højgaard, 90.) (Jann M. Mortensen, 60.) Myndir: Norðlýsið Dysturin millum NSÍ og KÍ í gjár var tann fyrsti á nýggja graslíkisvøllinum við Løkin. – Vøllurin er av slag­num Greenfields, ið minnir sera nógv um van­ ligt gras – bæði í út­sjónd og hvussu stráini síggja út, sigur Sølvi Reinert Hansen, mentanar­leiðari í Runavíkar kommunu. Magnus Rasmussen, borgar­stjóri, helt røðu og hand­aði NSÍ vøllin, og síð­ani skjeyt Jákup Mortensen, heiðurslimur, fyrsta skotið á nýggja gras­lík­inum, sum var eitt brots­spark ímóti Jens Martin Knudsen, ið slapp at bjarga skotinum… hilmarjan@sosialurin.fo Nýtt graslíki (Mynd: Lasse Klein)