mánadagur 16. september 2013síða 26

Mánadagur 16. september 2013 · Nr. 106 26 Sosialurin Hugskot og viðmerkingar – send sms til 225000 Vilmund Jacobsen Tað er felagið NH Betong í Klaksvík, sum nú er í holt við at leggja nýtt tak á Fuglafjarðar kirkju, og tað er Fugl Ark, sum hevur eftirlitið við hesum arbeiði. Marin S. Thomsen, forkvinna í kirkjuráðnum, sigur, at arbeiðið at leggja nýtt tak á kirkjuna varð útboðið í 2012. - Sambært ætlanini skuldi arbeiðið verið byrjað fyrr í ár, men síðan NH Betong fór í gongd, hevur tíðarætlanin hildið. Tað eru einir 14 dagar, síðan arbeiðið byrjaði, og sambært ætlanini skal arbeiðið verða liðugt í oktober í ár. Hon sigur, at kirkjuráðið í Fuglafirði longu frammanundan hevur gjørt av, hvat tað skal leggjast á. - Vit gjørdu av at leggja aluminiumstak á kirkjuna. Eitt alternativ var kopartak, men tað hevði bæði verið nógv dýrari, eins og kopartak verður sagt ikki rættiliga at koma til sín rætt í føroyska veðurlagnum. Gamla liggur Marin S. Thomsen sigur, at upprunaliga takið, sum hevur ligið á kirkjuni, verður liggjandi, og nú verður lektað av nýggjum, áðrenn nýggja aluminiumstakið verður lagt á. - NH Betong eru soleiðis lidnir at lekta á niðaru síðu á kirkjuni. Forkvinnan í kirkjuráðnum sigur, at sjálvt takskiftið fer at kosta millum 600.000 og 700.000 krónur, og síðan verður ymiskt annað gjørt við kirkjuna, soleiðis at samlaða íløgan fer at liggja um 1,2 miljónir krónur. - Umframt at leggja nýtt tak á, fær kirkjan eisini nýggja ljósføring, tí vit halda, at tað hevur verið ov myrkt inni í kirkjuni. Vit hava eisini gjørt av, at kirkjan skal málast uttan, men nú er ivasamt, um hetta kann gerast í heyst – ella, um málaraarbeiðið bíðar til næsta summar, sigur forkvinnan í kirkjuráðnum. Næsta ár verður kirkjan í Fuglafirði 30 ár. Hon varð vígd á hvítusunnu í 1984. Nýtt tak á Fuglafjarðar kirkju NH Betong í Klaksvík eru lidnir at lekta niðaru síðu á Fuglafjarðar kirkju, og ætlandi verður arbeiðið liðugt í oktober Vilmund Jacobsen Havnarmaðurin Hans Godtfred Thomsen fekk hóskvøldið hin 12. september størsta laksin, sum nakrantíð er fingin við tráðu av frítíðarfiskimanni í Føroyum. Laksurin, sum varð fingin á Leynavatni, var bæði stórur og sterkur. Hans Godtfred Thomsen sigur, at tað tók honum umleið 35 minuttir frá tí, at laksurin beit á, til hann hevði fingið velduga fiskin upp á land. Laksurin var 114 cm langur og vigaði heili 28 pund. Størsti laksur nakrantíð Vilmund Jacobsen Tað er ikki bara á tekjuni í Fuglafjarðar kirkju, at menn eru til arbeiðis. Sama er á takinum á Ribarhúsi, har arbeitt hevur verið á vestaru síðu á tekjuni. Pætur Joensen, verkfrøðingur hjá Fuglafjarðar kommunu, sum eigur Ribarhús, sigur, at tað er ikki tekjan á bygninginum, sum er vánalig. - Tað, sum nú verður gjørt, er, at Ribarhús skal hava fimm takvindeygu á vestaru síðu, og tí varð tað hildið at vera lættari bara at taka alt takið av á hesi síðuni. Pætur Joensen sigur, at nú hølini á loftinum á Ribarhúsi eru sett í stand og verða brúkt til ymisk endamál, eitt nú kvøldskúla, ymisk skeiðvirksemi og samveru annars, er neyðugt at fáa meiri ljós inn á loftið. - Tað er hetta arbeiði, sum nú verður gjørt, sigur verkfrøðingurin hjá Fuglafjarðar kommunu. Ribarhús fær takvingeygu Seinastu dagarnar hevur verið arbeitt við at seta fimm takvindeygu í Ribarhús í Fuglafirði Takvindeygu verða nú sett í Ribarhús, soleiðis at meiri ljós kemur niður á loftið, sum er sett í stand til brúks Mynd: Vilmund Jacobsen Nú er tíð at melda seg í sam­røðu­bólk­ar­ nar fyri børn og ung í Margarinfabrikkini, sum byrja í november Nýggj læknamiðstøð neyðug Vestmanna kommuna sigur, at neyðugt er við nýggjari læknamiðstøð í Vestmanna, og tí hevur kommunan, sum skyldar meiri enn eina álíkning, nú sent fíggjarmálaráðnum áheitan um at sleppa at byggja læknamiðstøð í bygdini KIRKJA Umframt at kirkjan, sum er vígd á hvítusunnu í 1984, nú fær nýtt tak, fær kirkjan eisini nýggja ljósføring, og so skal hon eisini málast uttan