mánadagur 23. september 2013síða 13

13 Mánadagur 23. september 2013 · Nr. 108 Sosialurin Hugskot og viðmerkingar – send sms til 225000 ítróttur Jóannes Hansen Tíðliga í morgun fór kvinnu­ landsliðið í fótbólti av land­ inum. Kósin varð sett til Polen, har HM undan­kapp­ ingar­dystur er á skránni hósdagin klokkan 16.00. Eingin ivast í, at talan er um ógvu­liga stóra avbjóðing. Í gjár var føroyska liðið fyri fyrstu ferð í altjóða eld­ inum, eftir at tað í vár eydn­ aðist liðnum at kvalifi­sera seg til hesa kappingina. Ta ferð­ina gakk tað væl hjá før­ oyska liðnum í bólkaspæli í Litava. Úrslitini ta ferðina vóru 1-0 sigur á Litava, 2-1 sigur á Georgia og 3-3 ímóti Montenegro. Beinanvegin tá ið portu­ gisiski dómarin hevði bríksl­ að sást, at skotska lið­ið var á øðrum støði, enn mót­støðu­ liðini í Litava fyri fimm mán­aðum síðani. Skotsku spælararnir vóru skjótari og krops­sterkari, enn føroysku spælararnir eru vanir við, og bóltførleikin hjá teimum var væl betur, enn føroysku kvinnurnar áður hava upp­ livað. Hesin veruleikin saman við tí at stórur fjáltur var á føroysku spælarunum var orsøkin til, at heimaliðið á Tórsvølli fyrsta hálva tím­an orduliga varð rent um koll. Eftir fyrstu tredivu minutt­ irnar var støðan 5-0, og tað sá út til, at hetta skuldi verða dagurin, tá ið størsta tapið nakrantíð kundi verða veru­ leiki. Tíbetur gekk tað ikki so illa. Kanska løgdu skotsku kvinnurnar ikki so nógv fyri, sum tær høvdu gjørt. Og so er tað ein veruleiki, at føroyska liðið síðsta tíman var væl betri skipað, enn tað hevði verið fyrstu løtuna, tá ið tær ikki tóktust vera klárar at standa seg ímóti skotsku brotasjógvunum. – Vit eru ikki so royndar, og hetta var fyrsta ferðin yvir­høvur, at vit spældu rættuligan HM undan­kapp­ ingar­dyst. Tað sást væl á av­ rik­inum fyrstu løtuna. Vit vóru ov stirvnar og læstar, og vit dugdu ov illa at takla hesa støðuna. Tá hálvur tími var farin, royndu vit at rætta upp á tingini, og tá Jón Pauli Olsen, venjarin, og vit í steðginum høvdu tosað saman, fingu vit betri tak á tí í 2. hálvleiki. Vit kunnu eis­ini siga, at vit fingu týdningar­ miklar royndir, sum vónandi hava lært okkum eina rúgvu. Tað verður toført í Polen hósdagin, men tað hevði iva­leyst verið uppaftur tor­ førari, um vit ikki høvdu roynt okkum á heimavølli ímóti Skotlandi í gjár, sigur lið­for­maðurin á føroyska lið­ num Malena Josephsen. Heidi í hopla Meðan Skotland vann fyrra hálvleik 5-0, so megnaði før­ oyska liðið í seinna hálvleiki at standa seg eins væl og mótstøðuliðið. Úrslitið av 2. hálvleiki var 2-2, og harvið fór Skotland til hús við 7-2 sigri. Føroysku málini vórðu skorað, tá ið Skotland hevði lagt seg framum 7-0. Í báðum førum var Heidi Sevdal før­ oyskur málskjútti. Olga Kristina Hansen var fremsti miðvallarin, og Heidi Sevdal var einsamøll í før­oyska álopinum. Í báðum førum, tá ið Heidi skoraði, var tað, eftir at Olga Kristina hevði spælt hana leysa. – Sendingarnar hjá Olgu Kristinu vóru góðar. At tað bar til hjá mær at kapprenna við verjuna hjá teimum er undirstriking av, at tær vóru væl skjótari í framrættaða partinum, enn tær vóru í vderjupartinum, heldur Heidi Sevdal. Serliga seinna málið var fott. Heidi smekkaði til við fluktskoti av brotsteigar­ saman­komingini í vinstru, og bólturin sigldi omanfyri mál­verjan og inn í handara síðunetið: – Eg rakti hann væl, og tað var deiligt at skora málini. At tað júst var eg, sum skoraði, hevur ikki so nógv at siga. Týdningarmiklari var tað, at vit endaðu betri, enn vit byrj­aðu. Tað gevur okkum betri vónir um, at tað fer at ganga hampuligt í Polen, men vit vita, at tað verður sera torført, sigur tvífaldi mál­skjúttin. Heidi Sevdal er uppvaksin í NSÍ, og hon býr framvegis í Runavík. Nú spælir hon við HB. Broytingar Leygardagin komu boð um, at Rannvá B. Andreassen og Fríðrún Danielsen ikki kundu spæla við orsaka av kort­unum, sum tær sóu í undan­kappingini í vár. Tað var smeitur, og tað bar við sær, at tað var neyðugt at gera onkrar rokeringar. Tær báðar verða við, tá ið føroyska liðið hósdagin fer at royna seg í Polen. Í gjár noyddist Rakul Johannesen av vøllinum longu miðskeiðis í fyrra hálvleiki. – Nú fyrireika vit okkum til avbjóðingina hósdagin. At vit fáa høvi at taka lut í so­ vornum kappingum er stórt framstig fyri føroyskan kvinnu­fótbólt, og sjálvandi fara vit at leggja nógv fyri í roynd­ini at vinna so gott úrs­ lit, sum tað á nakran hátt ber til, sigur Malena Josephsen. joannes@sosialurin.fo Tvífaldi málskjúttin og liðformaðurin eru samdar í, at tað í 1. hálvleiki sást væl á føroysku spælarunum, at hetta var fyrsta ferðin, at liðið spældi týdningarmiklan undankappingardyst Slignar í gólvið og reistu seg fótbóltur Føroyar - Skotland 2-7 (0-5) Føroyskur málskjútti Heidi Sevdal (2) 82. og 83. Dómari: Sandra Bastos, Portugal Føroyar: Randi Wardum – Bára S. Klakstein, Malena Josephsen, Liljan Petersen, Rakul Johannsen (Sigrid Jacobsen, 22.) – Íðunn Magnussen (Lailia Pætursdóttir, 87.), Ansy Sevdal, Sigrun Kristiansen (Lív Arge, 77.), Oddrún Danielsen – Olga Kristina Hansen – Heidi Sevdal Á beinkinum uttan at verða skiftar inn: Bjarta Johansen, Sólja Eiðisgarð, Elin Maria Isaksen, Milja Simonsen Venjari: Jón Pauli Olsen