hósdagur 26. september 2013síða 37

37 Fríggjadagur 27. september 2013 · Nr. 111 Sosialurin Hugskot og viðmerkingar – send sms til 225000 ítróttur Jóannes Hansen At HB mikukvøldið einki fekk við sær av Argjum, og at fjarstøðan hjá ÍF fram til fremsta plássið harvið fram­ vegis ikki er meiri enn fimm stig hevur kynt undir vón­ ir­nar hjá fuglfirðingum um, at tað skal eydnast at taka oddasessin frá HB og harvið at vinna FM heitið. Albert Ellefsen og hansara menn skulu sunnudagin út um Varmakeldueið at stríðast í grannauppgerð í Sarpugerði. ÍF venjarin ásannar, at tað er stór avbjóðing: – Vit síggja hetta sum hálv­finalu í FM kappingini. Um tað eydnast okkum at vinna fulla úrtøku, so kann tað fara at vísa seg, at dyst­ urin ímóti HB í Fugla­firði annan sunnudag verður rættu­liga avgerandi fyri, hvør fer at vinna FM. HB eigur heimadystir ímóti 07Vestur og TB og so útidystir ímóti okkum og NSÍ. Eg rokni við, at tað verður torført hjá teimum í Runavík, so vit halda okkum hava nógv at spæla fyri, nú vit fara út til Gøtu. Eg ivist onga løtu í, at víkingarnir fara at leggja nógv fyri ímóti okk­ um, og tá ið talan er um granna­uppgerð, so kann tað fara báðar vegir, heldur ÍF venjarin. Grannarnir hava higartil í ár vunnið hvør sína ferðina á heimavølli – Víkingur 3-2 í Gøtu og ÍF 2-1 í Fuglafirði. Hjá ÍF eru fleiri av føstu monnunum burtur. Jákup Mikkelsen hevur brotið beinið og spælir ikki aftur í ár. Hallgrím Gregersen Hansen, sum býr í Syðrugøtu, fer at verja ÍF málið. – Hann hevur havt Jákup sum lærumeistara, og hann hevur ment seg ógvuliga nógv. Tá ið vit spældu á heima­vølli ímóti Linfield, varð hann av Sosialinum kosin at vera besti maður hjá okkum, og hann hevur spælt tveir aðrar landskappingardystir í ár. Vit harmast um støðuna hjá Jákupi, og vit sakna hann, men vit halda okkum hava ein góðan avloysara. At hann er væl fyri, vísti Hallgrím, tá ið hann kom inn síðsta sunnu­dag. Umframt á málverju­ pláss­inum er neyðugt hjá ÍF at skifta nýggjar menn inn á liðið í staðin fyri Jan Ó. Ellingsgaard, Ara Ó. Ellingsgaard og Høgna Zachariassen, sum eru leik­ bannaðir. – Hópurin er ikki breiður, men vit halda okkum hava góðar menn at seta í stað­in fyri hesar. Poul N. Mikkelsen var í miðverjuni, tá ið vit á heimavølli vunnu ímóti Víkingi. Ta ferðina mangl­ aðu vit Bartal Eliasen, Dánjal á Lakjuni, Nenad Saric og Høgna Madsen. Um­framt Hallgrím og Poul verður Dánjal á Lakjuni við hesa ferð. Hann hevur verið skaða­plágaður, men nú er hann komin fyri seg. Bogi R. Petersen var á beinkinum mesta av tíðini síðsta sunnu­ dag. Nú er hann komin fyri seg aftur, og Áki Petersen er væl fyri. Tíbetur vísir tað seg, at Fritleif í Lambanum verður førur fyri at venja aftur í næstu viku, sigur Albert Ellefsen. Hjá Víkingi var tað vón­ brot, at tað ikki eydnaðist at vinna úrtøku á heimavølli ímóti AB, sum fór suður aftur við 2-0 sigri. Spurningurin er so, hvussu tað fer eydnast Sigfríði Clementsen at seta steypavinnararnar upp til grannauppgerðina. Tað átti ikki at verið nakar trupul­ leiki. Atli Gregersen er við aftur eftir leikbann síðsta sunnu­ dag. Hesa ferð eru Hans Jørgen Djurhuus og Kaj Leo í Bartalsstovu leikbannaðir. joannaes@sosialurin.fo Víkingur - ÍF: Rúni Gaardbo sunnudagin klokkan 15.00 fótbóltur Albert Ellefsen hevur vónir um, at fyritreytir verða fyri, at toppdyst­ urin ímóti HB annan sunnudag verður avgerandi í FM stríðnum Effodeildin støðan nr. lið dystir vunni javnt tapt + mál - mál +/- stig 1 HB 23 14 6 3 58 27 +31 48 2 ÍF 23 12 7 4 47 41 +6 43 3 EB/Streymur 23 11 4 8 48 29 +19 37 4 B36 23 9 10 4 41 28 +13 37 5 NSÍ 23 10 6 7 41 40 +1 36 6 Víkingur 23 9 4 10 33 40 -7 31 7 AB 23 8 4 11 33 42 -9 28 8 KÍ 23 4 9 10 43 48 -5 21 9 TB 23 4 7 12 23 44 -21 19 10 07 Vestur 23 3 5 15 22 50 -28 14 Felags fyri B36 og NSÍ er, at tey seinastu árini oftast hava verið við til at um­boða føroyskan fótbólt í euro­ peisku kappingunum. Felags fyri bæði liðini er eisini, at tey fram­vegis hava møguleika at røkka bronsuplássinum, hóast gongdin fyrr í ár ikki altíð var so sannførandi. Sunnudagin hittast hesi bæði feløgini við Løkin í Runavík. Tá ið tey dystaðust á sama stað í 5. umfari vann NSÍ 1-0, og tá ið tey 22. juni hittust í Gundadali vann B36 3-1. B36 er á fjórða plássi við 37 stigum, og NSÍ er á fimta plássi við 36 stigum. Hjá B36 er vongverjin í vinstru Símun Joensen fram­vegis plágaður av skaða í stóru­tá. Lukasz Cieslewicz sá gult fyri fimtu ferð í ár, tá ið B36 síðsta fríggjakvøld vann 2-1 á KÍ í Gundadali. Tískil er hann leikbannaður hesa ferð. Hjá NSÍ er miðvallarin Karl Løkin leikbannaður. Tá ið NSÍ síðsta sunnudag vann sannførandi 5-1 sigur á útivølli ímóti TB, sá Karl gula kortið fyri fimtu ferð, og tað ber leikbann við sær. joannaes@sosialurin.fo NSÍ - B36: Páll Augustinussen sunnudagin klokkan 15.00 Bronsan er í eygsjón ÍF í FM hálvfinalu TB spælir fyri lívinum Mikukvøldið syrgdi AB við 2-1 heimasigri á topp­ lið­num HB fyri, at tað mest sum er avgjørt, at AB eisini næsta ár verður partur av bestu deildini. Tað er ein stórur spurn­ ingur, um tað næsta ár verður fótbóltur við Stórá í Trongisvági leygardag ella sunnudag. TB er undir niðurflytingarstrikuni, nú tað resta fýra umfør. Tað eru tvey stig og verri málmunur fram til KÍ. Tí er neyðugt hjá TB at vinna trý stig meiri enn KÍ burturúr fýra teimum sein­astu umførunum. At AB mikukvøldið mest sum bjargaði sær sessin í bestu deildini kann roknast sum fyri­ munur fyri TB, tí nú hava argjamenn ikki knívin á barkanum. Men AB venjarin, Sámal Eril Hentze, vildi eftir dystarlok mikukvøldið ikki hoyra talan um, at liðið hjá honum hevur tryggjað seg undan niður­ flyt­ingini: – So leingi sum tað er teoretiskur møguleiki fyri, at vit kunnu flyta niður, so kunnu vit ikki fegnast um, at vit eru slopnir undan niðurflytingini. Vit hava møguleika á Tvøroyri at tryggja okkum plássið í bestu deildini, og tí møgu­ leikanum fara vit at stríð­ ast fyri, sigur Sámal Erik Hentze. Hjá TB er hetta ein av betru møguleikunum at tryggja sær stig. Í trim­ um teimum síðstu umfør­ unum skal TB spæla í Gunda­dali ímóti B36 og HB og so á heimavølli ímóti Víkingi. TB - AB: Petur Reinert sunnudagin klokkan 15.00