hósdagur 3. oktober 2013síða 12

Fríggjadagur 4. oktober 2013 · Nr. 114 12 Sosialurin Hugskot og viðmerkingar – send sms til 225000 Hole in one á Glyvursnesi! Heðin Mortensen borgarstjóri Eitt leigugjald uppá 5.000 krónur um árið og so nakrar 100.000 krónur í endur­gjaldi fyri mist vetrarbit í sam­bandi við lendið, sum kommunan skal leiga frá Búnaðarstovuni til golfvøll á Glyvursnesi. Tað ljóðar gott, løgmaður! Tí hetta var sanniliga greið tala frá løgmanni, nú hann í útvarpstíðindunum í gjárkvøldið greiddi frá avtaluni millum landsstýrið og kommununa um lendið til golfvøll á Glyvursnesi. Hetta var ein boðskapur í fullum samsvari við viljan hjá vinnunevnd løgtingsins, tá hon í vár viðgjørdi broyt­ ingaruppskot til lóg­ina um landsjørð, ið skuldi geva kommunum møguleika at leiga festijørð til alment­gagn­ lig endamál. Tórshavnar kommununa er ikki smálig, hatta skulu vit finna út av, løgmaður. Men hetta er í himmal­ rópandi andsøgn við krav­ boðini frá Búnaðar­stov­ uni um fyrst at avgreiða endur­gjøld fyri fleiri enn 10 milliónir til festararnar á Glyv­ursnesi, áðrenn nakað leigumál kemur uppá tal. Endurgjald Búnaðarstovan fekk ikki tað lógaruppskot í gjøg­ num tingið, sum hesin lands­stovnur hevði ætlað. Har varð lagt upp til, at end­urgjøld skuldu fella til festararnar sjálvar og ikki til festið. Hetta lat upp fyri óhepnari spekulatión eftir pengum frá kommununum fyri leigu av landsjørð. Vinnunevnd løgtingsins legði uppí og steðgaði hesum. Sambært lógini er end­ urgjaldið fyri mist vetrarbit og mista fóð­ur­framleiðslu. Vinnunevndin legði eisini áherðslu á, at avtalur framhaldandi skulu gerast millum Búnaðar­stovuna og kommununa, og tað tí ikki er einstaki fest­arin, sum skal samráðast við kommununa um end­ur­gjald. Men tað heldur Búnað­ arstovan ikki. Tvørturímóti, so hevur Búnaðarstovan beinleiðis ráðgivið sínum fest­arum um sjálvir at sam­ ráðast við kommununa um endurgjøld, og har lagt upp til krøv um endurgjøld langt út yvir bit og fóður. Tað er so, at tað er Bún­að­ ar­stovan, sum ger inntrivið í festið, tvs., tekur aft­ur nýtslurættin frá fest­ar­unum. Búnaðarstovan leig­ar síðan lendið til komm­un­una. Eru endurgjøld út yvir vetrarbit og fóðurframleiðslu, so framganga tey ikki av nýggju § 7a í lógini um landsjørð. Í álitinum frá vinnu­nevndini kemur held­ ur ikki slík fatan fram, tí nevndin legði dent á skipaði viðurskifti. Og tá so er, so má tað vera tann, ið ger inntrivið, t.e. Búnaðarstovan, sum ber møgulig onnur end­ur­gjald­ skrøv til festararnar. Hole in one! Kommunan hevur fund við landsstýrismannin í landbúnaðarmálum í næstu viku. Við støði í greiðu út­ søgn­unum frá løgmanni verður hetta helst ein stuttur fundur, og tað er gleðiligt. Landsstýrið og kommun­ an hava drigið eina línu at fáa oyggjaleikir aftur til Føroya, og báðir partar hava vitað, at serlig tøk skuldu takast í mun til krøvini um golfvøll. Hesum málið røkka vit, nú lendisspurningurin verður greidd­ur, og kommunan kann fara undir arbeiðið av byggja golfvøllin. Ríkisveitingin – ein fíggjarligur hornasteinur Kaj Leo Holm Johannesen Formaður Sambandsfloksins Landsstýrið og Løgtingið royna í hesum døgnum at gera eina fíggjarlóg fyri 2014, sum kann gagna sam­ felagnum mest møguligt. Fíggjarlógin verður m.a. gjørd við tí útgangsstøði, sum sam­felagið er í og útfrá teimum avbjóðingum, sum eru fyri framman. Í sambandi við, at fíggj­ arlógin fyri 2014 er løgd fyri Løgtingið, hevur Landsstýrið lagt upp til eina trý ára av­ talu við donsku stjónina um at prístalsviðgera rík­ is­veitingina, tvs. fyri tíð­ar­ skeiðið 2014, 2015 og 2016. Til valið í oktober 2011 legði Sambandsflokkurin upp til, at ríkisveitingin varð prístalsviðgjørd við aft­ ur­virkandi kraft frá 2002. Seinni fór samgongan und­ ir samráðingar við donsku stjørnina um hesa prís­ talsviðgerð o.a. Danska stjørn­in vildi ikki gera hes­ar prístalsviðgerðir langt aft­ur í tíðina, men partarnir komu ásamt um, at hetta skuldi gerast fyrstu ferð frá 2012. Hækkingar í ríkisveitingini Sambandsflokkurin er tann einasti flokkur, sum hevur arbeitt fyri at prístalsvið­gera ríkisveitingina og gera okk­ ara búskaparligu krøv gald­ andi í Ríkisfelagsskapinum. Á myndini niðanfyri er gjørd ein lýsing av gongdini í ríkisveitingini higartil og teimum hækkingum, sum kunnu væntast fram til ávika­vist 2016 og 2021. Myndin vísir m.a., at higartil 2014, fer ríkisveiting­ in at hækka við tilsamans 19,9 mió.kr. og við 47,5 mió. kr. í 2016. Tað, sum er serliga áhugavert er, at framskriva vit ríkisveitingina við einum prístali uppá 2% árliga, so vil veitingin verða hækkað við 116,5 mió.kr. í 2021 ella koma uppá 732 mió.kr. tilsamans - eftir 10 árum. Prístals­viðgerð­in er ein kompensa­tión ella eitt end­ur­gjald fyri prís­hækk­ ingar. Hækk­ing­ar­nar í ríkisveitingini hava tí við sær, at vit m.a. sleppa undan at skerja í okkara væl­ferð­ artænastum, men kunnu halda eitt høgt dygd­arstøð­ið og kunna kappast við onnur lond um okkara borgarar. Viðmerkjast kann, at hesar hækkingar kunnu síggjast í mun til tær 5-6 mia.kr., sum Føroyar hava mist í ríkisveiting síðan 2002. Inntøkur, sum knappliga/ over night vórðu tiknar úr inntøkurenslinum hjá lands­ kassanum - og ongar settar í staðin! Ein politisk avgerð um skjeringar í ríkisveitingini, sum frá tí, at kreppa tók seg upp í 2008, hevur lagt sera stórt trýst á landskassan. Framtíðin í Ríksfelagsskapinum Føroyar hava eina ljósa framtíð í Ríkis­felags­skapi­ num. Ríkisfelagsskapurin er við til at menna okkara sam­ felag og vit hava allar møgu­ leikar fyri at skipa okkum sum vit vilja. Tað er ongin, sum forð­ ar okkum í at menna sam­ felagsbúskapin og at gerast meira sjálvbjargin bú­skap­ arliga, men tað skal gerast við skili og uttan, at vit á nakran hátt seta okkara vælferð í vanda – lægri vælferð merk­ ir fólkafráflyting. Eg eri persónliga glað­ur fyri, at Sambands­flokk­urin megnaði at taka prís­talsvið­ gerð­ina av ríkis­veitingini upp til nýggja viðgerð í 2012 – ein av­gerð, sum vit í dag síggja hevur eina jaliga ávirkan á møguleikarnar at fáa javn­vág á FL. Ikki minst sleppa vit undan tilsvarandi at fremja sparingar á vælferðarøki­num ella noyðast at halda aftur við at menna samfelagið uppá ymiskar mátar. Við Sambandsflokkinum í landsins leiðslu komandi árini, vilja vit skapa eitt trygt Føroyar at liva og virka í. Kelda: Fíggjarlógaruppskot 2014. Uppseting og framskriving, Sambandsflokkurin