hósdagur 3. oktober 2013síða 40

nr. 114 · 4. oktober 2013 8 VIKUSKIFTI LURTA LES & UPPLIV lagt til rættis: Eyðun Klakstein Framúr gott handverk. Tað er nakað av tí fyrsta, eg hugsi eftir at hava hoyrt hesa 7” stakfløguna nakrar ferðir. Ikki handverk í teirri merking, at hetta ikki er list, men handverk í teirri góðu, gomlu útgávuni, har eitt verk er loyst úr lagdi við hondunum, orka, sál og stoltleiki eru løgd í arbeiðið og framleiðsluna – og tú følir tað. Drowned Session arbeiðir við einum sera varligum og minimalistiskum ljóði, stílurin er undirspældur, og tað sterka drama, sum tær báðar skeringarnar fata um, verður ikki pallsett við ógvisligum rørslum, men á ein hátt, sum er darrandi intensur, doyvdur og sakligur. Undir tí hami av kvirrari midnáttar- americana, sum Drowned Session leggur fram, anir ein glóð. Hvørki tónleikurin ella ljómliðið, við fýra luttakarum, tykist gera nógv hóvastak burtur úr sær, fyrstu ferð ein hoyrir plátuna. Men tú skalt ikki hoyra hana ofta, so letur ein størri heimur seg upp. Tónleikurin er varliga orkestreraður, í ljóðmyndini hava banjo og mandolin yvirvágina, men ikki »front porch redneck banjo«, ljóðførið slær á ein nógv sorgblídnari og meira langtandi tóna, og sorgblídni og longsul seta sín dám á bæði løgini, »Conversation with Cora« og »The Man Who Came Back«. Sangurin, sum plátan eitur eftir, letur upp við banjo í miðjuni og mælskast, hon sveimar spakuliga í ring rurandi, meðan hini ljóðførini so við við koma uppí. Tónleikur til norðurlendskar nætur, við hesum setningi verður bólkurin Drowned Session umrøddur, men sjálvur haldi eg, at hetta líka so nógv er ljóðið frá eini myrkari amerikanskari preriunátt um tað lítla bálið. Í myrkrinum beint uttan fyri bálglæmuna lúra slangurnar. Tí dramatikkur og ein farri av óhugna dvølja yvir sangunum hjá Drowned Session, sum uttaná tykjast so sinniligir. Gjøgnum Conversation With Cora streymar eitt ólýsiligt, skelvandi og órógvandi huglag. You have a mean streak inside I should have known when I first met you You only think of yourself, you´re completely hollow syngur oddvitin Atli Brix Kamban, við eini rødd, sum minnir um ein heldur syrgnan Nick Cave, ikki rættiliga so djúp, men hvøss og eitt sindur skroypiligari. Yvir røddini er okkurt heitt, innbjóðandi, lokkandi og kølið og eyðkent. Eyðkent av missi? Tað inniliga í lagnum dýpist og tað dramatiska verður sjónskari, ongantíð ovrásið ella melodramatiskt, men við dámi av sorgblídni og anandi friðloysi. Why did you even knock on my door? Do you even know what you are dealing with? Don´t even try to walk out that door. Spenningurin og ein blandingur av óhugna og kvirrum vónloysi liggja í slys beint undir yvirflatuni á tí elegant framførda tónleikinum. Hesin torføri kærleikin ... í hesum føri berst tað mær fyri, at okkara frásøgumaður hevur samband við onkra prostitueraða? Hetta hevur í grundini ongan týdning fyri at uppliva lagið, og stemningin sum Um bálið eina dapra preriunátt Tá samskifti skapar ótryggleika Mjørkadalsmaður í taxa Jógvan syngur Bee Gees Drowned Session er ein dansk-føroyskur folk-rock bólkur, við eini ljóðmynd, ið kann lýsast sum americana av tamdum og autentiskum slag. Conversations With Cora er ein stutt útgáva við bara tveimum løgum – men afturfyri er støðið høgt Almenna rúmið er við sosialu miðlunum flutt inn í privatlívið Bornholmari sigur søgur um taxakoyring í Havn Heimsins mætastu hittmakarar verða tulkaðir í Íslandi »Hvønn hon skrivar við, veit hon. Hann veit einki, hann fekk gron.« Soleiðis syngur Uni Arge í nýggja sanginum, hann hevur sent í umferð. Sangurin kallast »Vangamyndir« og snýr seg um støðuna hjá einum pari, sum upplivir, at almenna rúmið er flutt inn í privatlívið við sosialu miðlunum. Kvinnan reikar á netinum, og maðurin fer út at reika, tí hann veit sær onki betri at gera. – Tað kundi verið øvugt, og soleiðis lýsir sangurin dagsins trivialitetir og ótryggleika, sum økta samskiftið kann hava við sær, sigur Uni.  »Soleiðis fara kvøldini – hvørva øll í rúmdini,« ljóðar ein regla. – Sangurin byrjaði sum ein skemti­sangur um atferðina á netinum í dag. Ætlaði bara at hava hann fyri meg sjálvan. So spældi eg hann á onkrum smærri konsertum, og nógv nikkaðu smílandi at søguni. Vit spældu hann so bara inn, og nú er hann úti. Hann melur um tríggjar akkordir og er vist eitt sindur tragikomiskur, sigur Uni Arge. Fyri umleið 40 árum síðani kom Niels F. Kofod, sum er ættaður av Bornholm, til Føroya at arbeiða í Mjørkadali. Hann tók eisini á seg taxakoyring í Havnini, og í nýggjari bók, ið er í tveimum bindum, greiðir hann hugfarsliga frá um arbeiðið sum hýruvognsførari. »Taxamissioner i Torshavn 1975-1994« kallast útgávan, sum er at fáa í bókahandlum. – Tá í tíðini hugsaði eg als ikki um, at eg skuldi fara at geva eina bók út um mínar upp­liv­ ingar. Tað kom seinni. Eg hevði nógvar stuttligar og øðrvísi upp­livingar sum taxaførari, og eftir ein arbeiðsdag skrivaði eg upp­livingarnar niður. Tað gjørdi eg í meira enn 15 ár, greiðir Niels F. Kofod frá. – Tá eg fyri seks árum síðani fór á eftirløn, fór eg at lesa til­ farið ígjøgnum og helt, at tað var sera áhugavert, og tí hugsaði eg at geva tað út, sigur hann. Niels F. Kofod hevur lagt seg eftir at halda tagnarskylduna fyri ikki at útstilla nakran. Tó eru nakrir kendir almennir per­ sónar nevndir í samband við tær ymisku upplivingarnar, Niels hevði sum hýruvognsførari. – Bee Gees skrivaðu, sungu og spældu óteljandi sangir, og teir eru millum mest seljandi bólkar í tónleikasøguni. Tað er spennandi at sleppa at tulka nakrar av hesum sangum á palli, sigur Jógvan Hansen, sum verður við í Bee Gees showi í Íslandi komandi tíðina. Umframt Jógvan Hansen verða eisini Fríðrik Ómar, Jóhanna Guðrún, Pétur Ørn Guðmundsson, og Matthías Matthíasson við sum sangarar, og afturat teimum er tónleikabólkur við 9 tónleikarum. Fyrsta framførslan verður í Háskólabio í Reykjavík leygarkvøldið 12. oktober. Í fyrstu syftu er bert hendan eina framførslan á skrá í Reykjavík, men helst verða onkrar framførslur afturat, tá ið showið er komið í gongd. 26. oktober verður Bee Gees showið framført í HOF á Akureyri. Jógvan og hini fara at framføra 20 av størstu hittunum hjá Bee Gees, sum eru ein av mest seljandi bólkunum í tónleikasøguni. Sangir sum To Love Somebody, Tragedy, How Deep Is Your Love og Islands In The Stream verða framførdir hesi kvøldini. LURTA UPPLIV LES