mánadagur 7. oktober 2013síða 15

15 Mánadagur 7. oktober 2013 · Nr. 114 Sosialurin Hugskot og viðmerkingar – send sms til 225000 ítróttur Hilmar Jan Hansen Um vikuskiftið fór flogbóltskappingin hjá kvinnum av bakkastokki, og har vóru bæði væntað og óvæntað úrslit. Mjølnir og Fleyr, sum hava verið stinnastu liðini síðstu árini, høvdu bæði heimavøll í sínum dystum, og hjá hvørgum var slingur í valsinum, tí tað endaði við sannførandi sigrum. Mjølnir mátti tó lata eitt sett frá sær, tá Ternan vitjaði, tí Mjølnir vann 3-1. Mjølnir byrjaði við at vinna 25-21 í fyrsta setti, men í øðrum setti var Ternan omaná og vann 25-19, áðrenn Mjølnir fekk vunnið tey bæði síðstu settini 25-17 og 25-23. Sum sæst, var munurin ikki so stórur, so kanska Mjølnir verður lættari »at tosa við« í vetur enn undanfarin ár. Fleyr hevði vitjan av ÍF, og har hendi so slett einki óvæntað, tí Fleyr vann ein sera tryggan 3-0 sigur, hóast tað í øðrum setti bleiv eitt sindur meira spennandi, enn heimaliðið mundi havt ætlað. Settúrslitini vóru 25- 9, 26-24 og 25-19. Mest óvæntaða úrslitið í fyrsta umfarinum kom hinvegin í Sørvági, har SÍ tók ímóti KÍF, sum seinnu árini hevur verið suverenur botnproppur og har langt hevur verið millum sigrarnar og stigini. Men nú skuldi tað vísa seg at vera øðrvísi, tí KÍF vann 3-0 við settúrslitunum 19-25, 18-25 og 23-25, so var hetta marran hjá SÍ, var tað so avgjørt eisini ein dreymabyrjan hjá kvinnunum úr Kollafirði, sum ikki hava havt so nógv at gleðast um seinnu árini. Fjórði dysturin í Eikliguni hjá kvinnum var í Trongisvági, har TB tók ímóti Drátti. Har fingu kvinnurnar úr Sandavági og Miðvági eina góða byrjan og vóru á odda 2-0 í settum, áðrenn TB fekk svarað aftur við at vinna tvey sett, so tað stóð 2-2. Men í fimta setti var Dráttur aftur omaná og vann tí dystinum 3-2. Hilmar Jan Hansen Hóast tað allan fyrra hálvleik sá út til, at Neistin fór at smyrja Kyndil av, so vaknaði dysturin til lívs í seinna hálvleiki, tá Kyndil kom nógv betri við og enntá fekk javnað ímóti endanum, men allíkavæl mátti lúta fyri grannunum. Neistin koyrdi avstað frá byrjan, fyrst 5-1 og síðani 10-2, og var í hálv­ leiks­steðginum á odda við átta málum, 18-10. Tað sá einki út hjá teimum grønu, ið mundu kenna myndina aftur frá síðsta vetri, tá Neistin var næstniðast alt kappingarárið, men millum annað megnaði at taka fleiri stig frá Kyndli. Eftir steðgin tók Kyndil sær betri partar fyri og fór at eta burtur av leiðsluni hjá Neistanum. So væl kom Kyndil afturíaftur, at tá minni enn ein minuttur var eftir, stóð á jøvnum, 26-26. Men Neistin kláraði at fóta sær aftur í seinasta álopinum, tá Rói Hansen av vonginum kundi skjóta sigursmálið, so Neistin vann 27-26 og fekk best hugsandi byrjanina upp á hetta kappingarárið. Framgongd hóast tap Team Klaksvík fekk ein ordans avsmurning í fyrsta dystinum ímóti KÍF fyri viku síðani, tá heili 21 mál vóru á muni, so tí mundi vera so sum so við vónunum undan dystinum leygardagin, sum var á heimavølli ímóti StÍF. At hjálpa sær hevði Team Klaksvík fingið ein kollfirðing, Jens Marna Han­ sen, sum undirhelt við sangi og gittarspæli. Um tað gjørdi munin, skal verða ósagt, men í øllum førum var liðið hjá klaksvíkingum ikki til at kenna aftur. Dysturin minti um fleiri av dystunum í fjør, har Team Klaksvík fylgdi væl við stóran part av fyrra hálvleiki, men síðani dragnaði. Liðini fylgdust uppeftir, til StÍF fór frá 9-8 til hálvleiksleiðsluna 14-10. Munurin var stórt sæð tann sami ígjøgnum tað nógva av seinna hálvleiki, men einu løtuna fekk Team Klaksvík minkað munin niður í trý mál, uttan tó at koma nærri, og so gjørdi StÍF bart ímóti endanum og vann til síðst við seks málum, 30-24. KÍF koppaði SÍ Mjølnir og Fleyr vunnu – sum væntað – sínar fyrstu dystir í Eikliguni hjá kvinnum í flogbólti, men hinvegin var munandi meira óvæntað, at KÍF skuldi vinna á SÍ – enntá í Sørvági Neistin koppaði Kyndli Hóast tey flestu helst høvdu væntað, at Kyndil átti at vunnið á Neistanum, fekst øðrvísi. Og Team Klaksvík vísti stór framstig, hóast tað bleiv til tap fyri StÍF