mánadagur 7. oktober 2013síða 18

Mánadagur 7. oktober 2013 · Nr. 114 18 Sosialurin Hugskot og viðmerkingar – send sms til 225000 ítróttur B36 2 (2) TB 1 (0) Hilmar Jan Hansen At KÍ vann á Argjum leygar­ kvøldið, fer allarhelst at hava avgerandi týdning fyri, hvør flytur niður og ikki í ár, tá tað samstundis í gjár bleiv ein sannroynd, at TB ikki megnaði at fáa stig ímóti B36. Trý stig eru millum tey bæði gomlu feløgini, men av tí at málúrtøkan hjá KÍ er 16 mál frægari, er ikki nóg mikið hjá TB bara at fáa trý stig. Sostatt eru líkindini ikki av teimum bestu hjá Suður­ oynni, ið allarhelst næsta ár stendur við ongum liði í Effodeildini. Tað er í sjálvum sær spell, men ikki er so nógv at gera við tað, nú tingini altso hava lagað seg soleiðis, at niðurflytingin næstan er blivin ein veruleiki. Men hóast tað sæð uttaní­frá kann síggja nokk so dapurt út hjá TB, so livir vónin enn um at klára tað og fáa enn eitt ár millum tíggju tey bestu liðini: – Tað er eingin orsøk til at síggja ringt upp á tað, tí ein dystur er ein dystur og tað eru ellivu ímóti ellivu. Her eru seks stig eftir at spæla um, og vit hava trý stig upp til KÍ, so vit vilja sjálvandi gera alt fyri at kunna spæla Effo-fótbólt næsta ár, sigur lið­formaðurin hjá TB, Rógvi Joensen. – Vit høvdu eina avtalu um, hvussu vit skuldu gera, at vit skuldu lata teir spæla har afturi. Men teir fingu tvey nokk so keðilig mál, har annað er eitt kiks har afturi hjá okkum og hitt kom beint fyri steðgin. Vit svaraðu aftur stutt inn í seinna hálvleik og høvdu ov mikið av tíð til bæði at javna og fara framum, men tað gekk ikki. Málini í Gundadali Í fyrra hálvleiki hevði B36 mun­andi meira spæl og nógv fleiri kjansir, so einki var at siga til, at vertirnir komu fram­um og eisini høvdu leiðsluna, tá fyrstu trý korter vóru farin. Hóast yvirvágin dovnaði eitt sindur í seinni helvt av fyrra hálvleiki, tá TB eisini tók seg alsamt meira fram, var tað framvegis B36, sum hevði tamarhald á tí mesta. Fyrra málið kom eftir 18 minuttir, tá Súni Olsen setti ferð á frameftir í høgru síðu og síðani sendi væl innfyri, har TB-veteranurin Óli Johannesen var so óheppin at glíða og enntá fáa armin á bóltin, og so var Adeshina Lawal púra kaldur fyri mál­ inum og sópaði bóltin inn til 1-0. Undan hesum hevði B36 havt tveir rættiliga stórar mál­møguleikar, men royndir­ nar fóru hvør sínu megin málið, og somu lagnu fekk einasta ítøkiliga royndin hjá TB. Men í yvirtíðini í fyrra hálvleiki fekk Lukasz Cieslewicz eina góða sending úr høgru frá Súna Olsen, og Lukasz setti ferð á frameftir í vinstru síðu, til hann fáar metrar úr málinum og næstan frá baklinjuni smekk­aði hart inn fyri málið. Ivan Stojkovic í TB-málinum tveitti seg fyri, men var óheppin at fáa bóltin undir seg og í albogan og inn, so B36 nú brádliga var á odda 2-0. Hetta kravdi sjálvandi av TB, at annað lag skuldi fáast á spælið eftir steðgin, og tað sá eisini øgiliga ljóst út, tá tað eftir ein deyðbólt endaði við, at Óli Johannesen fekk skallað inn fyri málið, har Ragnar Tausen kundi seta pannuna á og minkað um munin tíggju minuttir inn í seinna hálvleik. Nú var ein møguleiki fyri spenningi, tí fekk TB eitt mál aftrat, kundi hvat sum helst henda, og onkuntíð var tað eisini nær við. Brendi brotsspark Men í staðin var tað B36, sum fekk tann allarstørsta møgu­leikan, tá smáspæl í einum álopi endaði við, at Rasmus Dan Sørensen rann ígjøgnum, men bleiv krøkt­ur, so hann fór um koll. Brots­ spark til B36 og reytt kort til Óla Johannesen, men gestir­ nir sluppu við restini av skrekk­inum, tá Súni Olsen skjeyt so uttarlaga frá 11 metra blettinum, at hann rakti stongina. Ivan Stojkovic, sum vikuna frammanundan tók brotsspark hjá AB, fór for­restin rættan veg í fullari longd og hevði kanska bjarg­ að, um bólturin var innan fyri stongina… Restina av dystinum bylgj­aði tað aftur og fram, og hóast tvøramenninir vóru ein í minniluta, stríddust teir so væl fyri sakini, at álops­ spælið var munandi betri enn frammanundan, tá teir vóru ellivu á vøllinum. Onkurs­ vegna sprellaði B36 ikki so nógv, so tí fekk umskipaða verjan hjá TB frið, so pláss gavst fyri meira spæli fram­eftir. Men einki kom burtúrúr, so tað endaði 2-1 til B36, ið hevur onnur mál fyri sínum síðstu dystum í ár. – Vit trúgva 100 prosent upp á tað enn, at vit náa europeiskan fótbólt næsta ár, og málsetningurin er fram­ vegis tann sami hjá okkum. Vit hava útidystir ímóti EB/ Streymi og ÍF eftir, og tað eru lið, vit kappast ímóti um at faa pláss í Europa, so vit mugu bara fokusera uppá at gera okkara og so síggja, hvussu langt tað røkkur, sigur B36-miðvallarin, Høgni Midjord. fótbóltur Fimm til B36 og tvey til TB B36 hevði sítt hoyggj við TB í ársins effodeild. Ígjár vann B36 ein tepran 2-1 heimasigur á ovara vølli í Gundadali. TB gav B36 skarpan gang í øllum trimum dystunum, og tað eydnaðist TB at fáa stig ímóti B36 í teimum báðum fyrru dystunum. Í fjórða umfari, tá liðini møttust fyrru ferð í Gundadali gjørdist talan um ein 1-1 javnleik. Tá liðini møttust í Trongisvági í 13. umfarinum, gjørdist talan um ein málleysan javnleik. Ivan Stojkovic Óli Johannesen ■■ Babacar Ndiour Teitur Olsen Teitur Justinussen Rógvi Joensen Poul Ingason (Eirikur M. Ellendersen, 68.) Dan Mortensen Nicky F. Diverdics Ragnar Tausen Arthur D. Poulsen (Aron Sørensen, 52.) Tórður Thomsen Hørður Askham Robert H. Askham ■ Høgni Eysturoy ■ Símun Joensen ■ Evrard Blé Súni Olsen Høgni Midjord Rasmus Dan Sørensen (Jákup á Borg, 70.) (Karl M. Danielsen,88.) Adeshina Lawal Lukasz Cieslewicz ■ (Ámund Nolsøe, 90.) B36 - TB 2-1 (2-0) 1-0: Adeshina Lawal 18. 2-0: Lukasz Cieslewicz 45. 2-1: Ragnar Tausen 55. Dómari: Eiler Rasmussen Tad lucast hjá Lucas Besta SMS'ið um dystin í Triða Hálvleiki: Síðstu tveir dystirnar skal TB fáa fýra stig, samstundis sum KÍ einki fær, og tá mótstøðan er HB úti og Víkingur heima, ger tað ikki júst útlitini betri fyri, at TB skal hóra undan og yvirliva í bestu deildini TB í klønum tráði Savnsmynd: Álvur Haraldsen