mánadagur 7. oktober 2013síða 24

Mánadagur 7. oktober 2013 · Nr. 115 24 Sosialurin Hugskot og viðmerkingar – send sms til 225000 Vilmund Jacobsen Tað er ikki lítið, sum verður gjørt burtur úr í Sandoynni, tá veðrar verða flettir kring um í bygdunum. Soleiðis var eisini í leygarkvøldið, tá menn flettu 16 veturgamlar veðrar í ein­ um bilhúsi á Sandi. Her vóru nógvir góðir, roynd­ir og raskir flettarar. Fýra borð vóru til fletting, og so­leiðis vórðu fýra veðrar flett­ir samstundis. Menninir skipaðu seg líka sum lið, har fýra flettu í senn. Tá teir fýra fyrstu veðrarnir vóru flettir, fóru fýra aðrir mans­ undir teir næstu fýra. Meðan menninir stóðu í bil­húsi­num og flettu, og fleiri áskoð­ar­ar hugdu at, stákaðist hús­móð­urin við mati, og tað var ikki lítið, sum gjørt varð burturúr. Longu, tá menn høvdu verið eftir veðrunum fyrr um dagin, bjóðaði hon pannu­ køkur. Síðan varð farið at fletta, og tá teir fyrstu 12 veðr­ar­ nir vóru flettir, bjóðaði hús­ móðu­r­in inn aftur til stórt og væl­búgvið borð til einar 25 mans. Nú varð etið eina góða og langa løtu og tá allir, sum tóku lut í flettingini, høvdu fingið mettuna og ríkiliga tað, varð farið út aftur í bilhúsið at fletta teir seinastu - og størstu - fýra veðrarnar, ið eftir vóru. Spenningurin um vektina á hvørjum einstøkum veðri var stórur. Veðrarnir, sum hava gingið á træðum og høvdu ikki fingið seyðafóður, lógu flestu rundan um 50 pund, meðan teir, sum høvdu fingið seyðafóður, vóru nógv størri. Størsti veðrurin, sum flettur varð á Sandi leygarkvøldið, vigaði 89 pund. Eftir at flettingin varð fingin frá hondini, krovini vóru komin upp at hanga, og bilhúsið var vaskað, bjóðaði húsmóðurin aftur inn á gólvið til køkur, ís og annað gott. Fólk hugnaður sær hesar tímarnar, meðan flett varð og ikki minst við frálíka matinum, sum borðreitt varð við, og hetta var soleiðis eitt rættiligt veitslukvøld á Sandi Størsti veðrurin vigaði 89 pund Tað er hátíðardagur í Sandoynni, tá veðrarnir verða flettir, og soleiðis var eisini á Sandi leygarkvøldið. Mynd: Vilmund Jacobsen Vilmund Jacobsen Síðsta mikukvøld var vælmøttur borgara­ fund­ur í Nólsoy, har eitt­ans evni var á skrán­ni - nevniliga, at nóls­oy­ingar ynskja fólka­vøkstur í oynni. Seinastu tølini siga, at 216 fólk eru bú­sit­ andi í Nólsoy. Hetta er lægsta talið í nógv ár. Í 1985 var fólkatalið í Nóls­oy 315. Fólkatalið í bygdini er soleiðis minkað við 100 fólkum seinastu 28 ár­ini. Á borgarafundinum hevði Høgni Reistrup eina framløgu um gong­ d­ina í fólkatalinum í Før­oy­um og í Nólsoy. Eftir framløguna tóku nólsoyingar og politikarar í býráðnum orðið, og her vóru nógv ymisk mál havd á lofti, og hugskot vóru frammi um, hvørjar gongdar leiðir eru. 100 fólk færri eftir 28 árum Línuskipið Klakkur, sum brøð­ur­nir, Líggjas og Bethuel Johanne­sen í Klaksvík, skift­ ast um at føra, hevur gjørt fleiri góðar túrar í heyst. Hósdagin kom skipið und­ an Føroyum við 170.000 pund­ um, harav umleið 130.000 pund var stórur og góður tosk­ur. Henda túrin royndu teir í níggju samdøgur á Ryggi­num. - Hetta er góð tíð á Ryggi­ num, og vit høvdu góðan fiskiskap á túrinum, sigur skiparin, Líggjas Johanne­ sen. Hann vísir á, at túrin undan hesum hevði Klakkur 205.000 pund, harav umleið 140.000 pund var longa. Roynt varð eystur av Sand­ oy­ar­bankanum. - Túrurin undan longu­ túri­num var eisini góður. Tá vóru vit í Íslandi og komu heim við smekkfullum skipi, um­leið 218.000 pundum. Líggjas Johannesen letur væl at fiskiskapinum í ár, men hann er vónbrotin av prísi­num, sum teir hava fing­ ið fyri toskin. - Tá saman um kemur, er minni munur á miðal­prísi­ num á einum longu-túri og einum toska­túri, sigur skip­ arin, sum heldur, at stóra útboðið av toski úr Nor­egi er ein orsøkin til lága toska­ prísin. Klakkur hevur verið seks túrar undir Íslandi í ár og tveir í Eysturgrønlandi. Klakkur gjørt góðar túrar Línuskipið Klakkur hevur gjørt tríggjar góðar túrar í heyst - tveir undir Føroyum og ein í Íslandi Flettingin er liðug fyri í ár. Miðalvektin var 29,8 pund, sum er tað lægsta í 10 ár. Eingi heilt smá og eingi stór lomb. Ærnar vóru tó góðar, sigur Jørgin Niclasen Í Nólsoy eru tríggir hagapartar, sum eru Heimarahelvt, Junkarshagi, sum er miðhagin - og Borðan, sum er hin ytsti hagin á oynni. Henda myndin er tikin, tá nólsoyingar vóru á fjalli á Borðuni, haðani seyðurin verður førdur heim í bygdina til sláturs Veturgomlu veðrarnir, sum ikki hava fingið seyðafóður, lógu um 50 pund hvør, meðan teir, ið hava fingið fóður, lógu nógv hægri í vekt FISKIVINNA - Fiskiskapurin í ár hevur roynst væl, men toskaprísurin er eitt vónbrot, sigur skiparin, Líggjas Johannesen