hósdagur 10. oktober 2013síða 40

nr. 117 · 11. oktober 2013 8 VIKUSKIFTI LURTA LES & UPPLIV lagt til rættis: Eyðun Klakstein og Inna Törnroos Tað nýggjasta úr messuheiminum Kvartettin í Nashville Miðdepilin í Focus Stóri og klassiski Gatsby Sjokuláta, børn og innrætting – alt undir einum taki Hesi freisting kundu vit á Vikuskifti sjálvandi ikki standa ímóti. Tískil hava vit smakkað reyða sjokulátu, vitja ein stak fittligan kampingvogn og roynt wc-knøttin, sum lovar at skola luktin burtur Nýggj fløga við Kvartettini í Betesda er á veg Í næstan 45 ár hevur Kvartettin í Betesda sungið á møtum og samkomum kring landið, og nú eru teir aftur akutellir við nýggjari útgávu. Kvartettin hevur verið í Nashville og gjørt upptøkur til nýggja útgávu, sum ætlandi skal koma út í november mánaði. Kvartettin gav LP-plátu og kassettuband út í 1975. – Nú hava vit skjótt 45 ár á baki, og tí hildu vit, at tað var eitt gott hugskot at geva eina nýggja fløgu út. Mong hava spurt eftir einari útgávu frá okk­um, og nú bleiv tað so, sigur Steinbjørn O. Jacobsen, sum er ein av sangarunum í Kvartettini. Beiggi Steinbjørn, Eyðun Jacobsen, var fyri kortum í Nash­ ville og tók upp, og hann mælti til, at teir fóru til USA at taka upp. – Tað var leyst og liðugt frá okkara síðu, og vit høvdu eina framúr ferð til Nashville, har vit brúktu eina slaka viku til upptøkur og annars fingu góðar upplivingar har yviri, sigur Steinbjørn. Eyðun var eisini við á ferðini, og tað var Jógvan Mortensen, sum hevur vant røddirnar hjá Kvartettini, eisini. Kvartettin í Betesda ætlar at hava útgávukonsert í sambandi við nýggju fløguna – tað verð­ ur um hálvan november. The Great Gatsby er eitt av stóru verkunum í amerikanskari bók­ menta­søgu. Skald­ søgan, sum F. Scott Fitzgerald skrivaði og fyrstu ferð varð útgivin í 1925, gongur fyri seg á eysturstrondini í USA summarið 1922 – í býnum West Egg á Long Island. Nick Carraway fær arbeiði í New York og kemur at búgva við síðuna av ríkmanninum Jay Gatsby. Nick verður eisini millummaður og eyg­leiðari, tá ið Jay Gatsby aftur roynir at fáa samband við Daisy Fay Buchanan, sum hann er skotin í, men sum nú er gift. Søgan er dramatisk og hug­ takandi og viðger bæði jazz- tíðar­skeiðið í USA og ævigt gald­andi eginleikar, lýti og tví­støður hjá menniskjum. Skaldssøgan er fleiri ferðir gjørd til film. Baz Luhrman gjørdi eina stórsligna filmsútgávu av søguni fyrr í ár, og eftir at tú hevur lisið klassisku skaldsøguna ber til at uppliva eina framúr góða filmatisering av bókini við film­inum hjá Luhrman, har Leonardo DiCaprio og Tobey Maguire hava høvuðsleiklutirnar. »Can’t repeat the past?… Why of course you can!« UPPLIV! LES! SJOKULÁTAFESTIVALURIN Áhugin fyri sjokulátu er sera nógv vaksin seinastu árini. Sjokuláta­ festivalurin, sum áður hevur verið í lítlum hølum í sentrala Stockholm, hevur nú tikið stigið inn í stóru messuhølini. Sjokulátaspringvøtnini hava verið at sæð nógvastaðni seinastu árini. Á messuni vóru tey gjørd úr bæði hvítari, ljósari og myrkari sjokulátu – og so eitt sum ongantíð áður hevur verið at sæð – apilsinsjokulátu. Apilsingula springvatnið var ein sonn frøi fyri bæði eygað og góma. Íslendsku brøður okkara eru kendir í Føroyum fyri sínar Bingokúlur, Djúpur og annað gott við sjokulátu og lakres, men í Svøríki er íslendska góðgæti ikki so kent. Tað var tí serliga hugaligt at síggja, hvussu væl sviar dámdu íslendska góðgætið, og køin av teimum sum vildu royna eina bingokúlu var sera lang. Ein fantastiskur angi av kaffi og sjokulátu er tað fyrsta, ein møtir inni í sjokulátahølinum. ChocoMe er sjokuláta úr Budapest, har páleggið er meira týdningarmikið enn sjálv sjokulátan. Nøtir, blómubløð, frukt og reint gull eru nøkur av páleggunum. Smakkurin er avbera góður. Les meira inni á www.chocome.dk Í dag letur framsýning við verk­um hjá Eyðuni av Reyni upp í Galarie Focus í Havn. Aðalstein Ingólfsson skrivar soleiðis í bókini »Eyðun av Reyni« frá 2008: »Listamaðurin Eyðun av Reyni ber eins og ein kringur dansari eina andaverð við sær. Tá ið hann málar fyrstu strokini á løriftið,  veit hann av sær sjálvum – eins og dansarin, sum hevur vant og vant í óteljandi tímar á bumminum – at rútman, sum hann gevur seg undir, ber hann at enda út á eggina á einum vatnrættum býti, ið verður kallað miðdepil. Hesin miðdepil er ofta í skundi málaður við breiðum pensli, gráur ella svartur, so at hann líkist einum svørtum holi ella einum veðurbardum veggi, sum gerst tann veruligi snúningsdepilin, verkini hjá Eyðuni snúgva seg um. Alt hitt í málninginum skipar seg rundan um hendan miðdepilin, soleiðis at økið niðanfyri brátt umskiftist til eina rokuta forgrund, sum er gjørd liðug við øðiligum slettum og skvettum av ljós og litum, ið fara hurl um burl tvørtur um lørifti, meðan økið omanfyri er bygt upp við meiri frælsi, altíð við einari samanseting av loddrøttum og vatnrøttum litblokkum.« Framsýningin er opin fram til 24. oktober.