mánadagur 14. oktober 2013síða 14

Mánadagur 14. oktober 2013 · Nr. 118 14 Sosialurin Hugskot og viðmerkingar – send sms til 225000 ítróttur Jóannes Hansen Tað vekir ans – bæði heima og burturi – at KÍ kvinnurnar leygardagin tryggjaðu sær fjúrtanda FM heitið á rað. Tað var í framúr góðum heyst­arveðri í Fuglafirði, at meist­araheitið varð staðfest við 9-0 sigri! Undan síðsta um​fari­num var tað framvegis ein møgu­ leiki, at gullið skuldu gleppa KÍ av hondum, og at EBS/ Skála skuldi strúka avstað við tí, men tá ið alt var liðugt, var munurin fýra stig. Tað komst av, at bronsuvinnararnir í HB í síðsta umfarinum vunnu 6-3 á Skála. Í tí dystinum skor­aði Heidi Sevdal fimm mál, og harvið varð hon toppskjútti í kvinnudeildini. Tað snúði seg fyrst og fremst um FM heitið, og tann kappingin endaði við, at KÍ fjúrtanda árið á rað hevjaði FM steypið og fóru til hús við gullkrónum um hálsin. Í Klaksvík gelti og gylti fýrverkið í góðveðrinum millum Háfjall og Kjølin, og longu nú er spurningurin, hvussu tað verður næsta ár. Ætla tær at taka eitt tørn aftrat og harvið at stríðast fyri at taka metið hjá monn­ unum í Skonto Riga, sum hava vunnið letlendska meist­araheitið fjúrtan ferðir á rað í tíðar­skeiðnum 1991- 2004. Tað eru tvær á 2013 FM liðnum, sum hava verið við til at vinna øll fjúrtan FM heitini á rað. Talan er um Rannvá B. Andreasen og Malenu Josephsen, sum eis­ ini vóru við í 1997, tá ið KÍ vann FM fyri fyrstu ferð. Vet­er­anarnir, sum saman við teimum hava vunnið nógv FM heiti, eru Elsa Maria Simonsen og Ragna B. Patawary, sum tó ikki hava verið við í ár, og Bára B. Skaale, Randi Wardum og Sigrid Jacobsen. Tá ið fregnast verður í og kring KÍ kvinnu­liðið fyri at finna persónar­nar, sum kveikja og birta upp undir og harvið eru orsøk til fan­ tast­iska avrikið, so er svar­ ið, at eldhugin og áræð­ið hjá veteranunum í orðsins sanna týdningi hevur verið gull vert undanfarnu árini og aftur í ár! Hvussu verður næsta ár, spyrja vit liðformannin Malenu Josephsen: -Randi Wardum og Sofía Purkhús fóru fyrr í heyst niður at lesa. Vit hava ikki hoyrt um nakra aðra, sum ætlar sær at gevast, so vit bjóða aftur næsta ár av í FM stríðnum, og vit rokna við, at yngri spælarar fara at bjóða av í kappingini um plássini á liðnum hjá okkum. Hví sigur tú tað? -U17 liðið vann steypa­ kapp­ingina í ár, og í lands­ kapp­ingini endaðu tær á triðja plássi. U14 genturnar vunnu landskappingina við mál­muninum 76-8. Næsta ár fara fleiri av teimum at flyta upp á U17, sum vit rokna við fer at teljast millum FM favorittarnar, og eg ivist ikki í, at onkrar teirra eisini fara at kappast um pláss á besta liðnum. Hava ongantíð tapt Metliðið hjá KÍ er mannað við bæði yngri og eldri spæl­ arum. Merkisvert er tað, at tann einasta millum tær, ið hava spælt nógv í ár, og sum er fødd í 1980unum, er Rannvá B. Andreasen, sum hevur føðingardag 10. nov­ emb­er 1980. Bára S. Klakstein og Mal­ ena Josephsen eru eldri enn Rannvá, meðan allar hinar millum tær fyrstu ellivu á saml­aða yvirliti­num, eru føddar í 1990 ella seinni enn so. Millum yngru spælarar­ nar, sum í ár hava verið rættu­liga sentralar, eru mið­ vallararnir Sigrun Sirdal og Eyðvør Klakstein, ið hev­ ur víst heilt góð evnir sum spælskipari, og Maria Klak­ stein Thomsen, sum í lands­ kapp­ingini skoraði 27 ferðir og harvið varð næstbesti mál­skjúttin av øllum. Tær eru allar 18 ára gamlar, og tað er heilt sjáldsamt, at tær hava verið við til at vinna FM hvørt ár, síðani tær sum 7 ára gamlar fóru at spæla fótbólt! -At KÍ liðini hava vunn­ið so nógv og so ofta ber við sær, at áhugin millum gentur­nar at venja og spæla er stórur, og tí er og verður tilgongdin komandi árini eisini stór, heldur Malena Josephsen. Størsta mótstøðan Onkur av hesum 14 árunum, sum KÍ kvinnurnar hava vunn­ið FM, hevur mótstøðan ikki verið so stór. Onn­ur ár hevur verið tættari, og so­ leiðis var tað aftur í ár. Í 2013 vann KÍ 15 dystir, eina ferð varð javnt, og eina ferð fóru tær av vøllinum við ong­um. Málmunurin var 100-10! Nú er KÍ málið eu Fjúrtanda FM heitið á rað er hjá KÍ kvinnunum síðsta forðingin, áðrenn tær við superveteranum í broddinum ætla at taka metið, sum letlendska Skonto Riga higartil hevur átt Endaliga støðan í kvinnukappingini 2013 D V J T VM TM S KÍ 18 16 1 1 100 10 49 EBS/Skála 18 15 0 3 62 14 45 HB 18 12 1 5 66 24 37 B36 18 9 2 7 28 26 29 ÍF 18 4 0 14 17 83 12 Víkingur 18 2 2 14 6 71 8 AB 18 1 2 15 12 63 5 Máltindurin Heidi Sevdal HB 29 Maria K. Thomsen KÍ 27 Rannvá B. Andreasen KÍ 23 Sigrid Jacobsen KÍ 15 Elin Maria Isaksen HB 14 Kára Djurhuus EBS/Skála 12 Íðunn Magnussen EBS/Skála 11 Ansy Sevdal EBS/Skála 10 Fríðrún Danielsen EBS/Skála 10 Lív F. Arge HB 10 kelda: faroesoccer.com KÍ kvinnur føroyameistarar 2013. Aftan frá vinstru: Eyðvør Klakstein, Malena Josephsen, Bára S. Klakstein, Ragna B. Patawary, Sigrid Jacobsen, Lisa Joensen, Katrina Akursmørk, Hervør Olsen, Annika Ragna Petersen, Aleksander Djordjevic, venjari. Framman frá vinstru: Gudny Johannesen, Maria K. Thomsen, Ása Klein Olsen,Annika M. Arge, Rannvá B. Andreasen, Laila Pætursdóttir, Sigrun Sirdal.