mánadagur 14. oktober 2013síða 19

19 Mánadagur 14. oktober 2013 · Nr. 118 Sosialurin Hugskot og viðmerkingar – send sms til 225000 ítróttur Málið til 1-0! Ongin ivi. Flottar tekniskar bóltnertingar frá Jóan Símuni Edmundsson, ágrýtin takling frá Pól Jóhannusi Justinussen, frálík avlevering frá Fróða Benjaminsen, ein høgri bakkur, sum kemur framvið og ikki minst hegnisliga skotið frá Halli Hansson. Millum tey bestu málini í føroyskari landsliðssøgu. Málið hjá Kasakstan. Í kasakstan kunnu vit geva dómaranum skyldina til eitt vist, men hesa ferð mugu vit bara átaka okkum skyldina. Málið hjá Kasakstan er ein rótut klumpaspæl í brotsteiginum. Faktist órættvíst at teir skora um næstan einasta kjansin teir hava! Gunnar Nielsen: 3 Hevði einki at gera í føroyska málinum. Hevði eina góða bjarging, men tíverri fór bólturin í málið upp á retur bóltin. Leiddi verjuna væl. 1 Jóhan Troest Davidsen: 3 Hevði faktist ikki so nógv at gera, men tað hann hevði at gera greiddi hann væl. Var ikki í so nógvum tvídystum bakkaði fyri tað mesta Rógva upp. Spældi væl. 4 Fróði Benjaminsen: 4 Átti stóran lut í málinum, tá hann leggur bóltin upp á tvørs. Hevði meiri verjukendan leiklut í mun til Hall Hansson. Var lítið á bóltinum, men flyti nógv í tí verjukenda. Setti seg eisini í gjøgnum við onkrar góðari takling. 7 Christian L. Holst: 3 Merkiliga sløvur í fyrra hálvleiki og var bara tann Holst sum vit kenna í løtum – serliga í seinna hálvleiki. Fekk ein risa møguleika, men vinkulin bleiv for spískur. Hevur ikki fingið gongd á í ár í Silkeborg og tað ávirkar landsliðsavrikini. 10 Jóan Símun Edmundsson: 4 Kemur framvegis til ov fáar møguleikar fyri ein áleypara, men veksur við upgávuni. Tók væl móti bóltinum og átti stóran lut í flotta málinum. Skuldi ikki verið útskiftur. Skuldi spælt saman við øðrum áleypara av og á. 11 hallur hansson: 5 Dagsins spælari: Spældi sín besta landsdyst higartil. Skoraði eitt framúr flott mál og vísti seinasta korterið, at hann hevur ein vinnaravilja, sum landsliðið kemur at njóta gott av. Var ágangandi í trýstinum og vann bóltar í góðum støðum. Søkti eisini møguleikarnar heilt til seinasta bríksl. 8 Jónas Tór Næs: 3 Eigur lut í føroyska málinum, tá hann kemur framvið. Kom eisini til gott innlegg í fyrra hálvleiki og kom somuleiðis framvið í seinna hálvleiki. Hevði tó trupulleikar í uppspælinum í fyrra hálvleiki. 2 Daniel Udsen: 3 Ger tað rætta í verjustøðu og steðgar uppspælinum hjá Kasakstan væl, men gevur liðnum einki í tí framrættaða. Tók sær av deyðbóltunum, men tað var ikki meiri enn næst best. Restaði nakað í avspælingunum. 9 Viljormur Davidsen: 4 Var í so skjótur at slepaa sær av við bóltin í fyrra hálvleiki, men í seinna hálvleiki var hann millum teir bestu. Hevði góð innlegg og tordi at leggja torførar avleveringar inn í brotsteigin. 3 Pól J. Justinussen: 4 Var ótrúliga sjónligur og kundi lættliga havt fingið eitt 5-tal, men tað knípur í smáspælinum, og tá bólturin skal innfyri. Skjót bara bóltin innfyri, ikki ivast, tí tað endar ov oftani at hann missur bóltin. 13 Rógvi Baldvinsson: 4 Var tann meiri sjónligi, sum fór upp at skalla og niður at takla. TAð kom hann nú bara væl frá, men hevði onkra ivasama avlevering tíðliga í dystinum. Breyt annars álopini hjá Kasakstan væl. 5 (▼út) (▼út) Súni Olsen: 2 (▲innsk.) Súni, Súni, Súni. Kom inn til deyðbóltarnar, men tíverri rakti hann teir ikki nóg væl. Tað sást eisini á andlitinum á honum, at hann veit at hann kann raka teir betri. Nú er bara eitt skot eftir Súni, so plaffa hann nú í mál móti Eysturríki! Páll A. Klettskarð: 3 (▲innsk.) Líkist meiri og meiri einum møgu­ ligum startara. Kemur inn og ger tað gott aftur hesaferð. Vinnur luftbóltar og leggur væl av. Fellur lætt inn á liðið. Var millimetrar frá at gerast ein føroysk lands­ liðshetja.