hósdagur 17. oktober 2013síða 26

Fríggjadagur 18. oktober 2013 · Nr. 120 26 Sosialurin Hugskot og viðmerkingar – send sms til 225000 ítróttur fótbóltur Jóannes Hansen FIFA styrkislistin sigur, at Týskland eigur næststinnasta liðið í heiminum. Samantalda virði á teimum átjan í týska hóp­inum er umleið 350 milliónir krónur. Týskvøldið var stórveldið á heimavølli ímóti føroyingunum. Tað bar til at fylgja við á Eurosport, og undan dystarbyrjan mundu tey vera mong, sum stúrdu fyri málveitslu og av­ hølv­ing. Føroyski liðformaðurin, Gilli Sørensen, sigur soleiðis: – Eg hugsaði áðrenn dystin, at hetta var møgu­ leikin fyri størsta U-21 tapi nakrantíð. Men Bill sannførdi okk­ um undan dystarbyrjan um, at hetta var møguleikin hjá okkum. Allir trektu uppá smíli­bondini, men sam­ stundis kveikti hetta nakrar tankar. Alheimurin hevði møgu­ leika at fylgja Gilla og hans­ ara monnum. Teir gjørdu so av­gjørt ikki føroyskum fót­ bólti fyri skommum. Eftir at finski dómarin hevði bríkslað fyri síðstu ferð, var kenslan, at avrikið hevði verið fram­úr, og at tað var so sera harmu­ ligt, at føroyingarnir einki stig vunnu. Tvær ferðir vóru teir á odda, og tíðliga í 2. hálv­ leiki varð enn eina ferð stað­ fest, at dómarar síggja ikki so væl, sum onnur gera tað, tá ið stórveldi bróta reglar­ nar. Týski miðverjin og lið­ formaðurin, Robin Knoche, nýtti sólarklárt neyð­ brems­una ímóti Gunnari Zachariasen, sum var um at koma í brotsteigin, men dóm­arin tagdi. Hvussu tað hevði myndast, um føroyska liðið síðsta stóra hálva tíman hevði verið yvirmannað, fæst ongan­tíð at vita. Nú endaði tað 3-2 til Týsk­land. Hetta var fjórði sig­urin á rað hjá Týsklandi, sum hevur málmunin 12-2. Góða føroyska avrikið verð­ ur undirstrikað av, at tað eru bara Føroyar, sum hava skorað ímóti Týsklandi, sum 6. september vann 3-0 í Føroyum, og sum eisini hev­ ur spælt ímóti Írlandi á úti­ vølli (4-0) og Montenegro á heimavølli (2-0). Mótstøðumenninir Týsku spælararnir umboða feløg í bestu og næstbestu heimligu kappingini, og onkrir spæla í bestu deildini aðra­staðni í Europa. Tað er sann­líkt, at teir komandi árini fara at vera við til at manna besta landsliðið hjá Týsk­landi, og at teir harvið fara at vera við í stríðnum um EM heitið í Fraklandi í 2016 og HM heitið í Russlandi í 2018. Uttan mun til, hvussu tað fer at gangast teimum, so verður tað partur av við­ før­inum hjá teimum, at týs­ kvøldið 15. oktober 2013 vóru teir um reppið at vera partur av í altjóða fótbólti kanska mest óvæntaða úrslitinum nakran­tíð. Dygdirnar millum teir ellivu, ið vóru valdir at um­ boða fleiri enn 80 milliónir týskarar, áttu at verið nóg góðar at vinna trivaligan sigur á føroysku unglingunum, sum umboðaðu 48 túsund før­oyingar. Góður hugburður og stórt sjálvsálit Gilli Sørensen og hansara menn tóku boðini frá venj­ ar­unum við sær á vøllin. Í verju­partinum var liðið væl skipað. Tað var stutt mill­ um keturnar, og harvið vóru holini fá og smá hjá heima­ monn­unum, sum royndu seg í skjótum smáspæli og við longum sendingum úr ein­um øki og í annað. Hendinga ferðina vóru týskararnir leysir, men tá vísti Teitur M. Gestsson evnini í málinum, sum eru neyð­ug, um nakað skal spyrj­ ast burturúr í so stórari av­ bjóð­ing. At tað hekk væl saman í verjuspælinum gekk ikki út yvir framrættaða partin. Í staðin fyri at sparka nógv og langt, so varð ofta saman­ spælt hugflogsríkt og neyvt, og ferð eftir ferð vóru fleiri føroyingar frammarlaga á mótstøðuhálvuni. 1-0 málið var úrslit av fínum uppspæli millum Gunnar Zachariasen og Brand Olsen - 17 ára gamla FCK spælaran, ið var framúr á miðvøllinum – og Árna Frederiksberg, sum eitt sindur úr høgru lyfti bóltin upp um Borussia Mönchengladbach málverjan. Málið bar økt sjálvsálit við sær, men tað kendist sum vátur vøttur, tá ið heima­ liðið stutt undan steðg­inum javnaði eftir horna. Heldur enn at verða niður­spældir í 2. hálvleiki, svaraðu føroy­ ing­arnir aftur. Mið­verjin Hørður Askham skoraði til 2-1 við fluktara úr stuttari fjar­støðu eftir langt innkast úr vinstru frá Gilla Sørensen, og stór­veldið var eina løtu heilt groggy. Hóast heimastrýst, so varð­veitti føroyska liðið góðu liðskipanina í verjuspælinum og hugflogið í álopspartinum. Tí var tað so sera harmuligt, at tað eydnaðist týskarum at skora til 2-2 og 3-2. Í fyrra før­ inum eftir at Bárður Hansen varð skupmaður um koll, og í seinna førinum eftir gott ein­ mans­avrik. Allur heimurin var vitni til, at Føroyar síðsta korterið stríddust fyri sigrinum og í hvussu so er at vinna eitt stig, og at tað var stórveldið, sum vardi og sparkaði burtur so­leiðis, sum føroyingar ofta hava gjørt tað. Kanska var tað møguleikin at vinna alt, ið var orsøk til, at tað endaði soleiðis, sum tað gjørdi. Men tað skuggar ikki fyri veruleikanum, at týs­kvøldið vóru týskarar og føroyingar saman við øll­um teimum, ið fylgdu við á Euro­ sport vitni til, at lítlu Føroyar eiga framúr dugna­ligar fót­ bólts­spælarar, sum av før­ oyskum venjarum mynda lið, ið ikki smæðist burtur. Í fótasporunum hjá íslendingum Um sama mundið, sum før­ oyska U21 liðið stóð seg so væl í Týsklandi, megnaði Ísland 1-1 á úvivølli ímóti Noregi. Tað úrslitið ber við sær, at Ísland nú skal spæla tveir dystir um pláss í HM enda­spælinum í Brasil í juni- juli næsta summar. Uppskriftin hjá íslend­ing­ um at røkka so langt er, at nógvir av teimum, sum eru á liðnum, fyri stuttum hava roynt seg á U21 landsliðnum, sum í HM kappingini í Dan­ mark fyri tveimum árum síðani bara var eitt mál frá at røkka hálvfinaluni. Tá ið HB og ÍBV spældu í summar sást, at ís­lendsk­ur liðfótbóltur ikki er stór­vegis fremri enn tann før­oyski. Allur heimurin var eygnavitni, tá ið U21 liðið vísti framúr avrik á útivølli ímóti Týsklandi, sum er næstovast á FIFA styrkislistanum, og sum var meiri enn heppið at vinna fótbólt Besta PR nakrantíð fyri føroyskan