hósdagur 17. oktober 2013síða 28

Fríggjadagur 18. oktober 2013 · Nr. 120 Sosialurin Hugskot og viðmerkingar – send sms til 225000 28 Hilmar Jan Hansen Ein javnleikur og níggju tap, umframt fýra vunnin og 29 tapt mál, so málúrtøkan var minus 25 mál. Tað er status, nú gjørt verður upp eftir enn eina HM-undankapping og landsliðið heldur frí í nakrar mánaðir, til lutakastið til næstu EM-undankappingina verður í februar mánaði. Seinasti dysturin var ímóti okkara »vinartjóð«, sum vit næstan mugu rópa Eyst­urríki, eftirsum tað var við einum ávísum dysti ímóti eysturríkarum í Landskrona, at alt byrjaði. Men hesaferð høvdu gestirnir lisið betur uppá enn í 1990, tá teir taptu 1-0, og í 2008, tá tað endaði 1-1, men hinvegin vóru teir ikki so góðir og sannførandi, at tað kundi rættvísgera, at teir vunnu heili 3-0. Longu í fyrstu føroysku roynd­unum, sum kundu kom­ið eftir hornaspørk og frí­spørk inn ímóti eystur­ ríkska brotsteiginum, sóu vit, at føroysku spælararnir stóðu einki aftan fyri gest­ irnar, tá tað snúði seg um luftspælið framman fyri mál­ inum. Men allíkavæl fekst einki burtur úr tí. Tá eysturríkararnir løgdu seg á odda eitt gott korter inn í dystin, var tað slett ikki uppiborið, hóast teir høvdu havt onkra skotroynd og í tí eina førinum høvdu noytt Gunnar Nielsen út í fulla longd, tí føroysku spælararnir høvdu frá byrjan spælt fult upp til gestirnar og víst góðan vilja og hug at stríðast. Ein long sending frá Martin Harnik kom fram ímóti føroysku miðverjuni, har eingin sá út til at taka ábyrgd av bóltinum, sum slapp at halda fram innum, og har fór 30 ára føð­ing­ar­ dags­barnið, Andreas Franz Ivan­schitz, stormandi eftir bólt­inum, men fekk ikki tam­ arhald á. Júst tað sá út til at snýta Gunnar í føroyska mál­inum, ið fekk bóltin inn undir seg og ikki fann hann nóg skjótt aftur, og so hevði Ivanschitz prikað bóltin síð­ stu sentimetrarnar um mál­ strikuna til 1-0. Reistust aftur Hetta var sum ein spann við køldum vatni at fáa om­ an yvir seg, men tíbetur var hetta ikki nakað, ið skaddi ella skelkaði før­oyska lið­ið. Gamaní, vóru eyst­ur­rík­ar­ar­ nir nógv á bóltinum fyrstu løtuna eftir málið, men so fót­ aðu okkara menn seg aftur og høvdu restina av fyrra hálvleiki fleiri góðar royndir á málið hjá Eyst­urríki. Fyrstu veruligu skot­ roynd­ina hevði Christian Lam­hauge Holst miðskeiðis í fyrra hálvleiki eftir eitt horna­spark, tá bólturin kom útaftur til hansara og hann gjørdi sær stóran ómak fyri at halda skotinum niðri. Men heldur tjúkt var fyri, og so fekk málverjin hjá eyst­ urríkarunum, Heinz Lindner, at enda tveitt seg niður og hildið bóltinum. Allarbesta føroyska møgu­ leikan í fyrra hálvleiki átti Pól Jóhannus Justinussen fimm minuttir fyri stegðin, tá hann úr vinstru síðu høgdi til við nógvari ferð og góðari kós, men Heinz Lindner fekk við sínum bestu kynstrum bjarg­að og koyrt bóltin út til horna­spark. Súni Olsen, sum spældi sín seinasta landsdyst, royndi sítt allar­besta fyri at fáa endað lands­liðsárini við ein­um allarseinasta máli, og fleiri frísparksmøguleikar vóru eisini. Tann kanska besti kjansurin var í sein­asta min­uttinum í fyrra hálv­ leiki, tá Føroyar fingu frí­ spark nakrar metrar uttan fyri brotsteiginum og eitt sindur úti í vinstru síðu. Súni fekk sær renningarlop og smekkaði til, men bólturin fór beint omanfyri. Føroysku spælararnir høv­du reist seg væl eftir 1-0 málið og kundu saktans verið farnir til hálvleiks við einum javnleiki, men Lindner í má­linum hjá Eysturríki var – tíverri fyri okkum – klárur hvørja ferð, um royndirnar vóru innan fyri málkarmin. Nógv neyvari Í steðginum mundu tey flestu hava gott mót, hóast tað sá eitt sindur ivasamt út við verju­kempuni, Jón­asi Þór Næs, sum bleiv liggj­ andi á vøllinum og helt um knæið. Tað vísti seg, at hann var klárur aftur eftir hálv­ leikssteðgin og væl og virð­ iliga helt dystin út. Føroysku spælararnir vístu framvegis stórt yvir­ skot og dirvi treyt heldur ikki, og teir báðir fremstu, Páll A. Klettskarð og Hallur Hanus­son, sum høvdu tusk­ að vøllin tunnan í fyrra hálv­ leiki, gingu eisini undan við hvør sínari skotroynd fyrsta korterið, uttan at teir tó fingu hótt eysturríkska málið. Hinvegin vóru eyst­ur­ rík­ararnir munandi meira bein­leiðis og so nógv neyvari í sínum atsóknum, og á korterinum fekk fram­ úr-skarandi spælskiparin hjá teimum, David Alaba, enn einaferð hildið Gunnar Nielsen heitan, umframt at málskjúttin hjá teimum eisini hevði roynt seg. Allíkavæl var talan ikki upp á nakran máta um nakra eysturríkska yvirvág, so flestu okkara høvdu vón um, at ein útjavning kundi fara at koma. Tvørturímóti fekk Eysturríki tvey mál innan Høvdu betri At tað týskvøldið endaði við 3-0 sigri til Eysturríki, sigur ikki so øgiliga nógv um sjálvan dystin, tí trý mál vóru eysturríkararnir undir ongum umstøðum betri enn føroyingarnir. Men við tí endaði ein undankapping, sum hevur verið lítið øðrvísi enn aðrar, og har vit einki fingu burturúr, at ein av okkara javnlíkum var í okkara bólki