mánadagur 21. oktober 2013síða 20

Mánadagur 21. oktober 2013 · Nr. 121 20 Sosialurin Hugskot og viðmerkingar – send sms til 225000 ítróttur fótbóltur Eftir lítlari løtu í 1. hálvleiki skoraði Víkingur trý mál, meðan tað vóru væl fleiri myrkabláir í verjustøðu, enn tað vóru ljósabláir í álopsstøðu Víkingur 3 (3) KÍ 0 (0) Jóannes Hansen Tey, sum høvdu roknað við, at klaksvíkingar í Sarpugerði í gjár fóru at seta tingini upp á pláss, vístu seg at hava rokn­að skeivt. Meðan tað undan frá­ferð­ ini um fjørðin valdaði óvissa, um KÍ eisini næsta ár verður partur av bestu deildini, so var trygd fyri hesum, tá ið spælararnir og fáu áskoð­ ararnir, sum hildu út til síðsta bríksl, fóru norður aftur. Men tað var avgjørt ikki avrikið hjá KÍ, sum var orsøk til, at atgongumerkini til bestu deildina eru tryggjað. Eftir lítlum korteri und­ an steðginum tryggjaði Vík­ ingur sær trivaligan 3-0 sig­ ur. Merkisvert var tað, at øll málini vórðu skorað í støð­um, har tað vóru fleiri klaks­vík­ ingar í egnum brots­teigi ella í verjustøðu, enn tað vóru heimamenn í álopsstøðu. Skotinum bilti einki, tá ið Hanus Jacobsen, sum man vera gott boð at vera ársins maður í Víkingi, eftir hálvan tíma av brotsteigarmarkinum smekkaði bóltin upp undir nettakið aftanfyri Meinhardt Joen­sen. Støðan var góð stað­festing av, hvussu iva­ samt verjuspælið hjá KÍ er. Eftir horna í vinstru vunnu gestirnir bóltin, sum varð beindur út frá. Høgri vongverjin hjá Víkingi, Bárður Hansen, legði innfyri aftur, og millum fleiri mót­ støðu­menn fekk Finnur Just­inus­sen høvi at temja og leggja bóltin aftur til Hanus, sum takkaði fyri, og so var stórur fagnaður millum heimafólkið. Víkinga leiðslu­mál­ið fult og heilt kortsluttaði gest­ irnar. Inntil tá hevði hug­ burðurin kenst góður, og hug­flogið í álopsspælinum hevði verið, sum tað so ofta fyrr í summar hevur verið fyrstu løtuna hjá KÍ. Tað eydnaðist at bróta ígjøgnum í borðunum, innleggini vóru vandamikil, og í tveimum ella trimum førum var tað um reppið, at Páll A. Klettskarð fekk stýrt bóltin í málið. Níggju minuttir eftir fyrsta málið var støðan 3-0! Upp­skriftirnar upp á tvey tey seinnu málini mintu í høvuðsheitunum um fyrsta málið. 2-0 málið skoraði mið­ vallarin Hans Jørgen Djur­ huus, eftir at Atli Gregersen av egnari hálvu hevði lagt bóltin flatt og langt fram á mótstøðuhálvuna. Ein av heima­monnunum hopp­aði um bóltin, og brádliga var veteranurin á miðvøllinum púra leysur innanfyri tveir mótstøðumenn. Triðja málið kom eftir hug­flogsríkt uppspæl í vinstru, har Filip Djordjevic og Hanus Jacobsen áttu sín lut. Tað endaði við, at Kaj Leo í Bartalsstovu legði innfyri, og millum tríggjar mótstøðuspælarar stakk Finnur Justinussen seg fram og stýrdi bóltin í málið. Trivaligi sigurin ber við sær, at steypavinnararnir í Víkingi nú eru á fimta plássi, og at teir í Trongisvági leyg­ ar­dagin hava møguleika at stað­festa hesa støðuna og harvið ein eyka heimadyst í 2014. Setningurin Eftir steðgin royndi KÍ fyrstu løtuna at oppa seg, og tað vóru einstakar nær við og næstan støður, men tá ið einki spurdist burturúr, fjaraði tað burtur, og sum tíðin leið varð talan um alt meiri tóm­ gongd, har møguleikin fyri ein­um heimamáli aftrat var eins stórur ella størri, enn at mun­urin skuldi tódnað. Álvur F. Christiansen hjá KÍ hevði bóltin á tvørtræn­ um aftanfyri Geza Turi, og í hinum endanum bjargaði Mein­hardt Joensen sera væl, tá ið Filip Djordjevic úr stuttari fjarstøðu royndi seg við fluktara. Longu nú ber til at ímynda sær, at Sigfríður Clement­sen og Víkingur hava møgu­leika næsta ár at lyfta seg longri upp á støðutalvuni. Tað er eisini møguleiki fyri, at KÍ næsta ár skal lyfta seg longri fram enn 8. plássið, sum nú er veruleiki, tí tað hevur hilnast so illa hjá TB. Um tað skal eydnast, so verður neyðugt at fáa skil upp á verjupartin. Tað eru bara fýra feløg, sum hava skorað fleiri mál í ár enn KÍ. Tølini siga, at tað í hinum endanum er heilt galið. 54 mál eru farin ígjøgnum. Tað er bara hjá 07Vestur, at mál­ verjin oftari hevur verið í mesk­unum. Setningurin hjá Eyðuni Klak­stein er fyrst og fremst at tetta í verjuni. Har bíðar eitt rættuliga stórt arbeiði, tí aftur í gjár sást, at tað lekur sum sáldið. joannes@sosialurin.fo Víkingur - KÍ 3-0 (3-0) 1-0: Hanus Jacobsen 31. 2-0: Hans Jørgen Djurhuus 36. 3-0: Finnur Justinussen 40. Dómari: Dagfinn Forná Um KÍ hevði brúkt meir tíð uppá at spæla fótbólt heldur enn at hevna seg inná Philip, so høvdu teir kanska havt fingi meir enn 1 stig ímóti Víkingi í ár  Besta SMS'ið um dystin í Triða Hálvleiki: KÍ fekk bert eitt stig ímóti Víkingi Ígjár tapti KÍ 0-3 ímóti Víkingi í Sarpugerði í Norðragøtu, og tað hevur í heila tikið ikki gingið væl ímóti Víkingi hetta kappingarárið. KÍ fekk sítt einasta stig ímóti Vìkingi við einum 1-1 javnleiki í Norðragøtu í 9. umfari. Í 18. umfari tapti KÍ á heimavølli við Djúpumýru við 1-2 ímóti Víkingi, so tað var ikki ímóti Víkingi, at KÍ bjargaði sær enn eitt ár í effodeildini. Tað lekur sum sáldið í Klaksvík Meinhardt Joensen Atli Danielsen Sørmundur Kalsø Jóhan Jacobsen Heðin á Lakjuni (Jógvan Isaksen, 64.) Kristoffur Jakobsen Henry Heinesen (Ivan Joensen, 57.) Álvur F. Christiansen ■ Heðin Klakstein (Ísak Simonsen, 75.) Hjalgrím Elttør Páll A. Klettskarð ■ Geza Turi Atli Gregersen Erling Jacobsen Bárður Hansen Hanus Jacobsen ■ Hans J. Djurhuus Jann I. Petersen (Heðin Hansen, 59.) (Martin Olsen, 76.) Kaj L. í  Bartalsstovu ■ Sølvi Vatnahmar (Gunnar Vatnhamar, 85.) Filip Djordjevic ■ Finnur Justinussen Savnsmynd: Álvur Haraldsen Tveir KÍ spælarar hava verið á vøllinum í øllum 26 landskappingardystunum í ár. Teir eru Heðin á Lakjuni, sum hevur spælt allar dystirnar á tamb, og Páll A. Klettskarð, sum eina ferð er skiftur inn, men annars hevur verið millum teir fyrstu ellivu. Eisini hjá Víkingi eru tað tveir spælarar, sum hava verið við í øllum 26 lands­kappingardystunum. Teir eru Finnur Just­inus­ sen, sum hevur spælt all­ar dystirnar á tamb, og Bárður Hansen, sum eina ferð er útskiftur í 2. hálvleiki. joannes@sosialurin.fo Hóast Víkingur við sigrinum í gjár lyfti seg fram á fimta plássið, so er málmunurin framvegis negativur. Undan ferðini suður til Trongisvágs hev­ur Víkingur 40 stig. Vík­ingarnir hava skorað 40 mál, og 41 mál eru farin ígjøgnum. joannes@sosialurin.fo