mánadagur 4. november 2013síða 19

19 Mánadagur 4. november 2013 · Nr. 127 Sosialurin Hugskot og viðmerkingar – send sms til 225000 ítróttur fyri, at eg eri við hús aftur fyrrenn klokkan 19.30. Tá klári eg akkurát at vera við til at siga børnunum góða nátt og at leggja tey at sova, sigur Jónhard Frederiksberg, sum er skipsføraralærdur. Tað verður tosað um, at tú saman við øðrum, sum fyrr hava spælt á Skála, skal vera við til at lyfta barn­dóms­ felagið, sum nú er aftur í bestu deildini. Hvat sigur tú til tað? – Eg sigi einki. Higartil havi eg ikki tosað við nakran, og tíðin vil vísa, hvussu tað verður. Men sjálvandi er tað spennandi og hugaligt, at ungu menninir her á Skála hava megnað at lyfta liðið upp aftur í bestu deildini. Tað haldi eg er flott, og sjálvandi vita tey á Skála, at hetta er stór avbjóðing. Men um eg yvirhøvur fari at spæla, og hvar eg møguliga fari at spæla, tað dugi eg ikki at siga nakað um enn. Higartil havi eg trivist væl alla staðni, har eg havi verið, og tað er týðuligt, at tað er menning í feløgunum og í fótbóltinum. Mistu á stokkinum Jónhard Frederiksberg hevur verið við til at vinna tvey FM heiti. Tað fyrra var í 2007 ella fyrsta árið, tá ið hann spældi við NSÍ, og tað seinna var í fjør, tá ið hann umboðaði EB/ Streym. – 2007 var eitt gott ár í NSÍ. Vit vóru í 4-3-3 leikskipanini, og avtalurnar og uppgáv­ur­ nar vóru ógvuliga neyvar og greiðar, bæði á vøllinum og uttanfyri vøllin. Serliga eftir summarsteðgin vóru vit tríggir, sum vóru í fremstu røð. Hinir vóru Hjalgrím Elttør og Christian Høgni Jacobsen. Vit báðir Hjalgrím vóru í borðunum, og Christian Høgni var mið­ fram­herji, men vit skiftu og reikaðu nógv. Seinnu árini hevur tú verið vongverji. Hvussu ber tað til? – Kanska var tað eitt sindur tilvildarligt. Pauli Poulsen var venjari hjá NSÍ, og í vinadystunum var tað ikki heilt upplagt, hvør skuldi vera høgri vongverji. Tað fall so á meg, og har havi eg verið síðani burtursæð frá í fjør. Tá spældi eg við EB/Streymi. Gert Hansen var eitt sindur skaðaplágaður. Tá ið hann ikki var við, var eg høgri vongverji, men annars var eg í hinum borðinum. Tað var um reppið, at tit á Skála tað eina árið vunnu FM heitið? – Tað minnist eg ógvuliga væl. Tað var í 2005. Eftir 10. flokk var eg til skips, og eg legðist uppi aftur í 2002. Tá var Skála júst flutt upp í bestu deildina. Fyrsta árið endaðu vit á 8. plássi, í 2003 endaðu vit á 9. plássi og vóru í endaspæli, áðrenn tað var greitt, at vit høvdu endurvunnið plássið í deildini, og so glapp. Í 2004 vunnu vit bronsu, og í 2005 vóru vit leingi við í kappingini um gullkrónurnar. B36 vann FM við 54 stigum, og HB, vit og NSÍ fingu 50 stig. Vit vunnu aftur bronsuna, og sjálvandi kendist tað sum eitt sindur av einum vónbroti, tá ið tað leingi var so tætt við. Tað var ikki minst í Runavík, at avgerðin fall, tá ið tú skoraði øll trý Skála málini í 3-3 javnleikinum? – Tann dystin minnast øll á Skála. Hetta var í fjórði síðsta umfari, og vit vóru frammanfyri bæði 2-1 og 3-2. Bogi Gregersen og eg vóru í álopinum. Lykla­støð­an var, tá ið Bogi fór um koll í gjøgnum­broti í brots­teig­ inum. Vit hildu, at tað var brots­spark, men dómarin sá tað ikki, og linjuverjin segði seg heldur ikki at síggja støð­una. Vit vóru vónbrotnir eftir síðsta bríkslið og 3-3 úrslitið. Seinni vísti tað seg, at vit kiksaðu á Tvøroyri, har TB vann 1-0 og á heimavølli ímóti GÍ. Tann dysturin endaði 2-2. Tað var ta ferðina, at GÍ í eina løtu var flutt niður. Vit skoraðu til 2-1, tá ið tíðin var um at vera farin, men í evstu løtu í tíðini, sum dómarin hevði lagt aftrat, javnaði GÍ til 2-2, og harvið tryggjaðu altíð stríðsfúsu og áhaldandi gøtumenninir sær møguleikan í endaspæli at varðveita plássið í bestu deildini, og tað eydnaðist teimum. Altjóða royndirnar Jónhard Frederiksberg er skrá­settur at hava umboðað Før­oyar fjúrtan ferðir. Longu áðrenn hann í 2007 flutti av Skála og til NSÍ, sum spenti bogan nógv fyri at vinna fyrsta FM heitið, hevði Jónhard spæld trettan lands­ dystir. Jónhard tosar einki um tað, men tað er neyvan langt við síðuna av at siga, at tá vóru tað pengarnir, sum fluttu spælararnar av Skála, har tað hevði verið lokali sam­leikin, sum leingi var drív­megin. Ikki fyrrenn í summar fekk veteranurin aftur lands­ liðsboð: – Tað var, tá ið landsliðið 7. juni skuldi spæla í Írlandi. Jónas Tór Næs hevur seinnu árini verið óførur høgri vong­verji. Júst tá var hann so mikið skaddur, at tað bar honum ikki til at spæla. Tað kom óvart á, at Lars Olsen sendi boð eftir mær, og eg hevði heldur ikki roknað við, at eg skuldi verða millum teir fyrstu ellivu. Men soleiðis var tað. Vit taptu 3-0, men tað var spennandi at vera við. Jónhard Frederiksberg hevur spælt tólv europeiskar dystir fyri feløgini, sum hann hevur umboðað. – Eg havi altíð verið bitin av fótbóltinum, og eg kann ikki annað enn takka fyri alt tað, sum eg havi fingið í sam­bandi við fótbóltinum. Hvussu tað verður í fram­ tíðini fáa vit at síggja um nakrar vikur. joannes@sosialurin.fo fótbóltur Spælari Felag Dystir Min. Fróði Benjaminsen HB . . . . . . . . . . . . . . . . . . . . . . . . . . . . . . 27 2411 Christian R. Mouritsen HB . . . . . . . . . . . . . . . . . . . . . . . . . . . . . . 27 2400 Øssur Dalbúð ÍF . . . . . . . . . . . . . . . . . . . . . . . . . . . . . . . 27 2411 Jónhard Frederiksberg NSÍ . . . . . . . . . . . . . . . . . . . . . . . . . . . . . . 27 2430 Kristian Joensen NSÍ . . . . . . . . . . . . . . . . . . . . . . . . . . . . . . 27 2385 Andy Ó. Olsen NSÍ . . . . . . . . . . . . . . . . . . . . . . . . . . . . . . 27 2215 Leif Niclasen EB/Streymur . . . . . . . . . . . . . . . . . . . . . . 27 2367 Niels Pauli Danielsen EB/Streymur . . . . . . . . . . . . . . . . . . . . . . 27 1574 Finnur Justinussen Víkingur . . . . . . . . . . . . . . . . . . . . . . . . . . 27 2430 Bárður Hansen Víkingur . . . . . . . . . . . . . . . . . . . . . . . . . . 27 2412 Heðin á Lakjuni KÍ . . . . . . . . . . . . . . . . . . . . . . . . . . . . . . . 27 2430 Páll A. Klettskarð KÍ . . . . . . . . . . . . . . . . . . . . . . . . . . . . . . . 27 2380 Hjalgrím Elttør KÍ . . . . . . . . . . . . . . . . . . . . . . . . . . . . . . . 27 2362 Andras Gango 07Vestur . . . . . . . . . . . . . . . . . . . . . . . . . 27 2430 Tór-Ingar Akselsen 07Vestur . . . . . . . . . . . . . . . . . . . . . . . . . 27 2408 Jovan Radinovic-Panic 07Vestur . . . . . . . . . . . . . . . . . . . . . . . . . 27 2390 Ibrahima Camara 07Vestur . . . . . . . . . . . . . . . . . . . . . . . . . 27 2370 Holgar Durhuus 07Vestur . . . . . . . . . . . . . . . . . . . . . . . . . 27 2179 Petur G. Dalbø 07Vestur . . . . . . . . . . . . . . . . . . . . . . . . . 27 1890 Flestu lands­kappingar­ dystir í 2013 Jónhard Frederiksberg NSÍ . . . . . . . . . . . . . . . . . . . . . . . . . . . . . . . . . . 2430 Finnur Justinussen Víkingur . . . . . . . . . . . . . . . . . . . . . . . . . . . . . . 2430 Heðin á Lakjuni KÍ . . . . . . . . . . . . . . . . . . . . . . . . . . . . . . . . . . . 2430 Andras Gango 07Vestur . . . . . . . . . . . . . . . . . . . . . . . . . . . . . 2430 Bárður Hansen Víkingur . . . . . . . . . . . . . . . . . . . . . . . . . . . . . . 2412 Fróði Benjaminsen HB . . . . . . . . . . . . . . . . . . . . . . . . . . . . . . . . . . . 2411 Øssur Dalbúð ÍF . . . . . . . . . . . . . . . . . . . . . . . . . . . . . . . . . . . 2411 Tór-Ingar Akselsen 07Vestur . . . . . . . . . . . . . . . . . . . . . . . . . . . . . 2408 Christian R. Mouritsen HB . . . . . . . . . . . . . . . . . . . . . . . . . . . . . . . . . . . 2400 Flest minuttir í landskappingini 2013 Mynd: Álvur Haraldsen