mánadagur 4. november 2013síða 20

Mánadagur 4. november 2013 · Nr. 127 20 Sosialurin Hugskot og viðmerkingar – send sms til 225000 ítróttur fótbóltur Heri Simonsen Sannur hátíðardámur var í fundarhølinum í ÍSF-hús­ inum fríggjakvøldið, tá Venj­ara­felagið hevði sett fólki stevnu, sum skuldu heiðr­ast hetta kvøldið. Áki Johansen, Mattias Davidsen og Annfinn Danielsen frá venjara­felagnum stóðu fyri handanini. Hetta er triðja árið, at venjarafelagið skipar fyri hesi serligu løtuni, har heiðurslønir verða latnar. Áki Johansen, næstformaður í Venjarafelagnum heldur, at hetta varpar eisini ljós á felagið. Áðrenn kappingin byrjaði gjørdi felagið eisini vart við seg við einari venj­ ingar­kapping, og Áki helt, at tað var eisini hóskandi, at felagið gjørdi vart við seg, aftaná kappingin var liðug. Albert best hjá monnum Albert Ellefsen, høvuðs­venj­ ari hjá ÍF var av sínum starvs­ feløgum valdur at verða besti venjarin í mansdeildini. Albert duldi ikki, at hann var fegin um heiðurin, og at tað er nakað heilt serligt at fáa eina viðurkenning frá monn­ unum, sum fáast við sama yrkið. Albert er eisini glaður og nøgdur um endastøðuna hjá ÍF í effodeildini, og hann vónar at fáa snikkað ein hóp saman, sum aftur kann verða við í oddastríðnum komandi ár. Poul best í kvinnudeildini Poul G. Olsen hjá EB/Streymi fekk heiðurin at verða valdur til tann besta venj­ar­an í kvinnu­deildini. Poul G. Olsen hev­ur saman við felags­lið­ num, EBStreymi/Skála havt eitt rimmar kappingarár í tí fremstu kvinnudeildini, har felagsliðið næstan fylgdi teimum 14 faldu meistar­ unum hjá KÍ til dyrnar í FM-stríðnum. Poul var sera fegin um heiðurin frá sínum starvsfeløgum innan venjara­ yrkið. Hann hevði vónir til eitt gott kappingarár hjá EBStreymi/Skála, men, at tað skuldi ganga so framúr við einum øðrum plássi var meir, enn hann hevði kunnað vónað. Meinhard besti unglingaleikarin Venjarafelagið hevur valt ein framtíðar leist við tveim­ um talentprísum, fyri at varpa størri ljós á tað stóra talentarbeiðið, sum verð­ur gjørt kring landið, og eis­ini fyri at geva stórum fótbólts­ talentum eitt stórt herða­ klapp. Meinhard E. Olsen, sum bert er 16 ára gamal, og sum hevur spælt heilar 18 U17 landsdystir var kosin at verða besti unglingaleikarin. Meinhard hevur verið eyð­ sýndur á U18 liðnum hjá NSÍ, sum vann FM, og hann hevur fingið møguleikan í fimm dystum hjá effodeilds- liðnum hjá NSÍ. Meinhard vónar at gera meira vart við seg í effodeildini komandi ár. Tá U17 landsliðið vann 1-0 á San Marino í einum EM undan­kappingardysti í Georgia skeyt Meinhard sigurs­málið. Bartal besti dreingjaleikarin Í HB verður ikki dult, at Bartal Wardum er eitt tað størsta talentið teir eiga. Venjarafelagið hevur eisini borið eyga við hetta, og Bartal Wardum var kosin at verða besti spælarin í dreingja­ deildini. Oddbjørn Joensen hevur eisini givið Bartali nakrar minuttir á tí besta lið­num hjá HB í ár. Bartal var eisini sera eyðsýndur, tá HB vann steypafinaluna hjá U16 dreingjum á Tórsvølli, tá teir í einum minniligum dysti vunnu 6-4 á NSÍ, aftaná longda leiktíð. Bartal, sum er av góðari hondbóltsætt sigur, at hann valdi fótbóltin, tí fótbólturin hevur fleiri størri altjóða avbjóðingar at bjóða honum. Jonhard er »Ársins eldsál« Tann heiðurin, sum Venjara­ felagið lat, sum hevur givið eina mest endurljóð kring landið, er heiðurin, sum var latin til Jonhard Hansen úr NSÍ, sum var kosin at verða »Ársins eldsál«. Jonhard hev­ur ótroyttiliga lagt eitt ótal av tímum í NSÍ, har hann bæði hevur verið sam­ skipari, venjari, liðleiðari og nevndarlimur. Jonhard, sum hevur verið í gongd í eina fjórðings­øld fegnast um heiðurin. Hann leggur tó eina við, at hann ætlar at stríðast fyri NSÍ minst 10 ár aftrat, áðrenn hann fer at trappa niður. Á in.fo ber til at síggja kykmyndir av øllum handanum hjá Venjara­ felagnum. Har ber eisini til at hoyra ljóðsamrøður við teir, sum vóru heiðraðir í ÍSF- húsinum fríggjakvøldið. heris@sosialurin.fo Venjarafelagið hevði eina hátíðarliga løtu í ÍSF-húsinum fríggjakvøldið, har virðislønir vóru latnar til ársins venjarar hjá kvinnum og monnum. Eisini vóru talent-virðislønir latnar til ársins spælarar í dreingja- og unglingadeildini. Ein virðisløn var eisini latin til »Ársins eldsál« Albert og Poul ársins venjarar Mynd: Álvur Haraldsen