hósdagur 7. november 2013síða 12

Fríggjadagur 8. november 2013 · Nr. 129 12 Sosialurin Hugskot og viðmerkingar – send sms til 225000 Áki Bertholdsen Myndir: Tróndur G. Leivsson Eitt stórt øki, heilt frá Strond, niðan í Hoydalar, skal verða eitt grønur, friðsæl­ur blettur. Tað er ætlanin, nú skjøtil er settur á Føroya størstu frílendisætlan. Umhvørvisstovan, Søvn Landsins og Tórshavnar Kommuna hava gjørt eitt uppskot um, hvussu lendið skal skipast og tað varð lagt fram á borgarafundi í vikuni, har eini 100 fólk vóru møtt. Tróndur G. Leivsson, lands­skógarvørur, sigur, at ætlan­in fevnir um eitt øki upp á heilar 282.000 fer­met­ rar, sum røkkur heilt frá Strond, niðan í Hoydalar. - Hoydalar eru mitt í Havn­ini og nú er ætlanin at gera tað til eitt fríøkið hjá fólki við gøtum, plantum, fløtum, rørsluøki til kelidjór o.s.fr. Gøturnar verða ein týð­ andi partur í frílendinum, tí eitt netverk av gøtum leiða fólki runt í økinum. Tann stóra grasfløtan í Hoy­dølum hava tey hugsað at varðveita og hann kann so brúkast til leik og spæl av ymsum slagi og kanska til konsertir av ymsum slagi. Sílafisking Samstundis verður lagt upp til, at Hoydalsá skal verða ein savnandi partur í økinum. Tróndur G. Leivsson sigur, at Hoydalsá er við at vera gullrein aftur. Men teirra dreymur er at í framtíðini skal hon aftur verða tann frálíku sílaá, hon var fyrr, so at fólk kunnu fiska síl í henni. Hinvegin fevndi arbeiðs­ stetn­ingurin hjá teimum, sum hava gjørt uppskotið um frílendið, ikki um bygn­ ingarnar í Hoydølum. Men Tróndur G. Leivs­ son sig­ur, at sjálvandi síggja tey fyri sær, at bygningarnir onk­ur­svegna verða ein part­ ur í ætlanini. 10 milliónir Nevndin, sum hevur gjørt upp­skotið, hevur mett, at verður ein millión krónur sett av til ætlanina um árið í 10 ár, kann hon setast í verk, men tað krevst eisini ein hálv millión um árið til rakstur. Tað er landið, sum eigur lendið, men kommunan um­ situr býarætlanir, so Lands­ skógarvørurin sær fyri sær, at landið og kommunan eru felags um uppgávuna. Ætlanin er eisini at alm­ enningurin skala fáa høvi til at gera sínar viðmerkingar til ætlanina og at koma við hug­skotum um broytingar og um, hvussu lendið skal skip­ast. Viðmerkingar og upp­skot skulu vera Umhvørvisstov­ uni í hendi í seinasta lagi tann 1. desember. Gera ein friðsælan blett mitt í Havn Skjøtil er nú settur á at gera størsta frílendi í Føroyum