mánadagur 11. november 2013síða 24

Mánadagur 11. november 2013 · Nr. 130 24 Sosialurin Hugskot og viðmerkingar – send sms til 225000 Tá bygdaráðið í Nes kommunu við­gjørdi fíggjarætlanina fyri 2014, vóru tað tríggir bygda­ráðs­limir, sum mæltu til at hækka skattaprosentið við einum prosenti - úr 20,5 upp í 21,5 prosent. Teir, sum vildu hækka skatt­in hjá borgarunum í kommununi við einum pro­ senti, vóru Mortan Høj­gaard, Jákup Olsen og Niclas David­ sen, sum allir eru nývaldir í bygda­ráðið. - Vit høvdu ein arbeiðsfund við Gjógv og soleiðis, sum vit skiltu meiningarnar tá, vóru fleiri enn vit tríggir samd um, at neyðugt er at hækka skatt­in við einum prosenti. Tað sigur Mortan Høj­ gaard, sum at enda var hin einasti bygdaráðslimurin í Nes kommunu, sum atkvøddi blankt, tá tað vísti seg, at skatta­prosentið fór at vera óbroytt, 20,5. Tað vóru annars teir tríggir, Mortan, Jákup og Niclas, sum høvdu uppskot um at hækka skattin við hesum eina prosentinum. Nærkast loftinum Mortan Højgaard vísir á, at skuldin hjá Nes kommunu nú nærkast loftinum, sum er ein álíkning, og tí heldur hann, at rættast hevði verið at lagt eitt prosent oman yvir skatt­in aftrat - fyri at goldið niðu­r skuld. - Vit hava íløgur, sum liggja á láni. Atløgusíða er bygd við nýggju saltgoymsluna, men enn er eftir at asfaltera økið. Bygdaráðslimurin vísir á, at spillivatnsætlanin, sum skal fullførast, krev­ ur eisini nógv, og í nýgg­ja barnagarðinum á Svanga­ skarði er einki gjørt í kjallara­ hæddi­ni. - Samstundis, sum vit soleiðis hava arbeiðir, ið liggja á láni, nærkast vit lofti­num, og tí hildu vit, at rættast hevði verið at lagt eitt prosent oman yvir skatt­ in aftrat. Mortan Højgaard heldur, at besta íløgan, sum ein kommuna kann gera, er at gja­l­da niður skuld. - Eg haldi tað vera ábyrgd­ ar­leyst av meirilutanum ikki at vilja leggja hetta eina prosentið oman á skattin, sig­ur bygdaráðslimurin. Tí vildi Mortan hækka skattin við einum prosenti - Eg standi við mítt og haldi, at vit áttu at hækkað skattin í skommununi við einum prosenti - fyri at gjalda niður skuld, sigur Mortan Højgaard, bygdaráðslimur í Nes kommuni Mynd: Vilmund Jacobsen Árliga jólasølan hjá Verkhúsinum Stíggi í Saltangará verður leygardagin 23. november frá klokkan 10 til 18. - Vit fara at selja hondgjørdar lutir úr træ, eitt nú krakkar, hillar, hjørtu og annað. Vit fara eisini at selja bundnar og seymaðar lutir, og her eru nissur, jólamýs, einglar, borðlappar og nógv annað forvitnisligt. Á Stíggi siga tey, at tá jólasølan verður, fara tey eisini at selja kaffi, rísalamande og eplaskivur, og tombola verður eisini á skánni. Stíggjur bjóðar til jólasølu Bergur Olsen, fuglafrøðingur, hevur grein í seinastu út­ gávun­i av Sjóvarmáli um gongd­ina við nebbasildini og støðu­ni hjá lundanum. - Nebbasildin, sum er besta føðin hjá lundanum, hevu­r svikið so dyggiliga, at stór­ur partur av lundanum verp­ur als ikki ella gevst at verma, áðrenn pisan er kom­ in út. Fuglafrøðingurin vísir á, at teir fáu lundarnir, sum halda á at verma, til pisan kem­ur út, hava ilt við at finna føði til pisurnar. - Tí doyggja pisurnar í hungri, tá tær eru nakrar fáar dagar gamlar. Men onk­ ur hendinga pisa kemur tó undan, leggur Bergur Olsen aftrat. Um neyvu kanningarnar, sum eru gjørdar av støðuni hjá lundapisunum, nevnir fugla­frøð­ingurin sum dømi, at lundar vóru inni í øllum teimum 14 reiðrunum, sum eftirlit var við í Byrgisbakka í Skúv­oy. - Lundi varp í 11 av teimum, so tað sá gott út. Men tað vísti seg skjótt, at lundarnir høvdu trupulleikar við at finna føði. Lundarnir skiftast um at liggja á, men summir komu ikki aftur til tíðina, tá teir skuldu loysa av. Bergur Olsen sigur, at viðhvørt rýmdi tann, sum lá á, áðrenn makin var komin aftur. - Eggið lá so einsamalt í fleiri tímar og viðhvørt dagar. Hvørja ferð lundi kom aftur til eitt egg, sum lá einsamalt, helt hann tó fram við at verma, sum um einki var, sigur fuglafrøðingurin. Greinin í fullum orðaljóði kann lesast í Sjóvarmál. Nebbasildin svíkir lundapisurnar Tað er hóttafall á, nú nebbasildin, sum er besta føðin hjá lundanum, svíkur so dyggiliga. Gamalt er at taka til "sum lundi á jólanátt", men nú er tað nebbasildin, ið er sum lundi á jólanátt “First Lego League” var í viku­ skifti­num, og vinnari gjørd­ist 7B í skúlanum á Argjahamri. Liðið kallað­ist “Lego Holics”, og liðleiðari er Erling í Liða. 81 rennarar luttóku í fyrstu TF-kappingini í vetur, 46 menn, 22 kvinnur, átta dreingir og fimm gentur. Runnið varð runt Agnið, og fyrireikararnir minnast ikki, at luttøkan áður hevur verið so stór. - Vit vóru tríggir í bygdaráðnum, sum hildu, at skilabest hevði verið at goldið niður skuld, nú kommunan nærkast loftinum til eina álíkning í skuld, samstundis sum arbeiði liggja á láni, sigur Mortan Højgaard, bygdaráðslimur í Nes kommunu