hósdagur 14. november 2013síða 38

nr. 132 · 15. november 2013 6 VIKUSKIFTI mynd: Álvur Haraldsen nýttir upp á bókina. So tað hevur fylt rættiliga nógv seinasta árið, sigur Páll Nolsøe. Tað er kortini við eitt sindur av blandaðum kenslum, at handritið nú er latið av hondum. – Sjálvandi eri eg fegin um, at nú er komið á mál, men hinvegin er ringt at sleppa heilt, tí tá er møguleikin fyri smávegis rættingum eisini farin, sigur Páll Nolsøe. Serliga ringt var tað í tíðini upp til prentingar. – Men tú má bara lata fara, og tá bókin er farin til prentingar, gerst einki meira, sigur Páll Nolsøe. Spennandi Bókin hevur verið leingi á veg, og sig­ast má, at talan er ikki um nakran faldara. – Nei, bókin er rímiliga drúgv, 466 síður, sigur Páll Nolsøe. Og hann er ikki bangin fyri, at les­ ar­in fer at tveita bókina frá sær, áðrenn hann er komin í helvt. – Tað eri eg ikki bangin fyri. Tað er eisini ein av grundunum til, at eg lat eitt forlag geva bókina út. Fleiri velja egið forlag, men eg vildi fegin hava eitt feed-back, og tað var eisini tí, at eg lat fólk rundan um meg lesa hana. Tá fekk eg at vita, at hatta og hatta mátti skrivast um aftur, men eg fekk tað kenslu, at tey hildu bókina vera spenn­andi, sigur Páll Nolsøe. Hann hevur eisini lagt seg eftir at skriva, so bókin gjørdist spennandi. – Søgugongdin er skjót, og viðhvørt byrjar tú eitt petti inni í kapitlinum. Tú skal jú alla tíðina minnast til, at talan er um eina krimi, og ein krimi skal vera spennandi, sigur Páll Nolsøe. Hann heldur, at lesarin tekur detek­ tiv­brillurnar á nøsina sjálvur. – Tað er hetta, sum ger krimisøgurnar serligar, tí tær taka lesaran við, og tú kanst nakað annað við krimisøgum, enn við øðrum søgum, sigur Páll Nolsøe. Hann heldur, at tað ber til at bjóða les­aranum av. – Hemmingway hevur tað, ið hann kallar ísfjalla skaldskap, har nógv ligg­ ur millum linjurnar, og tað er hetta, ið krimiskaldskapurin kann. Men sam­ stundis er tað av týdningi, at tú hevur tempo í skaldskapinum, so tað ikki gerst tungt at lesa, sigur Páll Nolsøe. Lesarin skal hinvegin hava ilt við at sleppa bókini. – Og tað er hetta mínar aftur­meld­ ingar siga, nevniliga at bókin er spenn­ andi, sigur Páll Nolsøe. Gongur fyri seg í Havn Hann heldur, at tað er minst líka spenn­ andi at vita hví sum hvør. – Tað er eisini tí, at søgugongdin skiftir millum uppkláraran, Einar Meyer, og brotsmannin. Tú sleppur ógvuliga langt inn í høvdið á drápsmanninum, og tað er eisini tað, ið ætlanin alla tíðina hevur verið. Harvið verður drápsmaðurin eitt slag av høvuðsfiguri, sigur Páll Nolsøe. Somuleiðis sleppur tú eisini langt inn í høvdið á politimonnunum. - Tú finnur út av hvat rørist inni í høvdinum á høvuðspersóninum, Einar Meyer. Hann hevur eisini sínar myrku síður, sum koma fram, meðan hann jagstrar hendan drápsmannin í Havnar gøtum, sigur Páll Nolsøe. Krimisøgan fer fram í Havn. - Fyrst og fremst, men har verða gjørdir avleggjarar til onnur støð í landinum, og tú fær flash-backs út í heimin, men søgan fer fyrst og fremst fram í Havn, sigur Páll Nolsøe. Og tað er við fríum vilja. - Eg eri jú uppvaksin í Havn, og eg helt tað hava týdning at skapa eitt stað, tú kanst kenna aftur. Vit kenna jú summarið við mjørka og regni, og mjørkin hevur hetta dulda við sær. Knapp­liga verður alt uttan um teg kámt, sigur Páll Nolsøe. Tinganes ikki nevnt Allir persónarnir í søguni eru óveru­ ligir. – Tað er nakað, eg oftani verði spurdur, men tað kann eg bert staðfesta, at teir eru allir íspunnir. Sjálvandi er tað soleiðis, at tá tú skrivar um menniskju, mást tú fáa íblástur frá øðrum menn­ iskjum, og tað er tað sama við Einar Meyer, sum sikkurt kann minna um fleiri fólk, sigur Páll Nolsøe. Sjálvandi slepst ikki undan, at onkrir figurar minna um onkur menniskju. – Men tað er ikki tað týdningarmesta at fáa ein ávísan persón við í søguna, tað er meira týdningarmikið at fáa per­ sónin við, sum passar til myndina, sigur Páll Nolsøe. Tað er nakað, ið ikki slepst undan, at fólk kenna onkran aftur í persónunum í bókini. – Starvsfelagar hava spurt, hvør er við í bókini, men nei, har er eingin veruligur persónur við, sigur Páll Nolsøe. Og starvsfelagarnir arbeiða, eins og Páll Nolsøe sjálvur, úti í Tinganesi. – Tinganes er als ikki við í søguni, og aftur er søgan byrjað langt áðrenn eg kom til Føroya og eitt arbeiði í Tinga­ nesi. Hinvegin, hevði eg byrja søguna í dag, hevði Tinganes uttan iva havt ein leiklut, tí tað egnar seg ógvuliga væl sum ein pall til eina krimi, sigur Páll Nolsøe. Politikkur er makt, og makt ávirkar menniskju. – Eg skal í hvussu er ikki avvísa, at skrivi eg eina krimisøgu aftrat, kundi hon gott gingið fyri seg í politiska lívinum. Hinvegin er mín fyrsta bók ikki komin á gøtuna enn, so eg skal í hvussu er hava ein støðg, áðrenn eg fari í holt við nakað nýtt, sigur Páll Nolsøe. Kanska nýggja bók Hann hevur tó ikki heilt mist mótið um at fara undir sína næstu bók. – Nú skal eg fyrst fáa hesa bókina aftur um. Vit mugu jú minnast til, at hon er ikki komin út enn. Eg havi kort­ini fingið at vita frá forlagnum, at bókin verður liðugt prentað týsdagin 19. november, so eg rokni við, at hon verð­ur í handlunum 20. ella 21., sigur Páll Nolsøe. Hann sigur, at hann væl kann ímynda sær, at hann fer undir eina nýggja krimi, men nøkur ting skulu fáast upp á pláss, um tað skal henda. – Tað letur seg ikki gera at skriva eina krimi eftir arbeiðstíð og um viku­ skiftini, so talan má vera um at hava frí í longri tíð. Ikki tí, eg merki, at eg havi havt gleði av at skriva hesa bókina, annars hevði eg ikki gjørt tað, sigur Páll Nolsøe. Hann heldur, at hann fyrst má koma fyri seg aftur, men kanska um eitt hálvt ár ella um eitt ár kundi tað komi upp á tal at farið undir eina nýggja bók. – Tað kann eg væl ímynda mær, sigur Páll Nolsøe. Hann hevur verið hugtikin av motiv­ inum hjá drápsmonnum og endurgevur fyrrverandi ovastan hjá ferðaliðnum, Bent Isager-Nielsen. – Hann sigur, at í roynd og veru kunnu øll fólk drepa. Fólk kunnu koma í støður sum fær tey at drepa. Meðan nøkur heilt fáa hava mestsum ein íborna trá eftir at skaða og myrða. Tað eru nakrir ávísir faktorar, ið fáa hesa tráina fram í fólki, og tað kann vera upp­vøksturin ella umhvørvið, ymiskt, og tað haldi eg er áhugavert, sigur Páll Nolsøe, sum verður á gøtuni við fyrstu bók síni mikudagin ella hósdagin í komand viku. – Eg trúði, at tað kundi klárast eftir trimum mánaðum, men tað var langt frá nóg mikið. So tað hevur fylt rættiliga nógv, serliga hetta seinasta árið, sigur Páll Nolsøe