mánadagur 18. november 2013síða 18

Mánadagur 18. november 2013 · Nr. 133 18 Sosialurin Hugskot og viðmerkingar – send sms til 225000 ítróttur Pætur Albinus Dómaraleiðarin hjá FSF, Lassin Isaksen, sigur, at dómara­hópurin sum heild er væl nøgdur við kappingar­ árið, sum júst er av, og at fót­bólts­glaðu Føroyar hvørki hava verið raktar av nógvum útsettum dystum ella rok­miklum avgerðum hjá dómar­unum. – Tað hevur verið lítið av trupulleikum í mun til árið fyri, tá ið nógvir dystir vórðu fluttir. Tað mest umráðandi er, at tað hava ikki verið tey heilt stóru málini at tosað um – tó so, at nakrar støður hava verið. Vit hava tikið støður­ nar upp og eftirmett hvussu tær skulu gerast betur. Í summ­um avgerðum hava vit verið samdir og stuðlað, men í summum hava vit ver­ ið ósamdir og hava tosað um hvussu slíkar støður vera gjørdar rættar í framtíðini, sigur Lassin Isaksen, Vit spurdu hann, um tað er nakað, sum hann metir kundi verið gjørt betri. – Ein avbjóðing hjá okkum er hvussu vit fáa sum mest burturúr samskiftistøknini. Vit hava nakrar støður, sum vit meta kundu verið loyst­ ar betur. Hvussu kunnu vit nýta samskiftistólini í einum dómarabólki til at døma so nær tí besta, sum tilber, verður aftur ein arbeiðs­ setn­ing­ur fyri komandi kappingarár, staðfestir Lassin. Nevndu samskiftistólini verða meiri umrødd seinni í greinini. Manningin á góðari leið Eitt nú hondbóltur hevur havt stóran tørv á nýggjum dóm­ar­um í ár, men hesin trupulleiki hevur ikki verið eins stórur hjá fótbóltinum. – Vit hava nóg mikið av dómarum í Effodeildini, men tað hava verið heldur fáir hjálpar­dómarar. Talið hevur verið rímiligt, men tá ið av­ boð koma vera tað nógvir, ið koma at døma nógvar dystir. Við dómarunum er trupul­ leikin tann øvugti. Fleiri halda, at teir hava fingið ov fáar dystir, men vit eru tryggir við tað og vit hava havt avloysarar tøkar um skaðar hava gjørt um seg, sigur Lassin, og fer síðani at tosa um næstbestu mans­ deild­ina. – Vit kundu ynskt ein størri hóp av føstum dómar­ um í 1. deild. Vit brúka ov ofta Effodómarar. Tað hevði verið betri, um nakrir 1. deildar­ dómarar fingu fleiri dystir. Um tað vóru eini 8-10 dóm­ arar, sum høvdu dømt fast, so hevði tað verið bæði betri og lættari at arbeitt, heldur Lassin. Í 2. deild hjá monnum, U18 og 1. deild kvinnum hevur støð­an verið hampilig, sum Lassin sjálvur tekur til. – Tað hevur staðið rími­ liga væl til, men ímillum hev­ur staðið á. Í summum pørtum av landinum eru nógv­ir dómarar og summum pørtum ov fáir – fyri ikki at siga eingin – og tískil mugu nakrir ferðast langt. Tað er harmiligt, men tað ætla vit at gera nakað við. Vit mugu royna at skapa áhuga í øki­ num saman við feløg­unum, sum jú eisini hava abyrgd av tilgongdini av dómarum, stað­festir Lassin. Fokuspunkt gera mun Undan hvørjum kappingarári hava úrmælingadómarar eitt vikuskiftisskeið, har teir eitt nú taka nøkur fokuspunkt, sum teir kalla tað, ígjøgnum. Her verða ætlanir lagdar um at forða fyri ávísum, sum hevur víst seg at vera ein trupul­leiki. Í ár hava teir eis­ ini havt okkurt fokus­punkt. – Vit løgdu út við at revsa leikarar, sum seinka upp­ aftur­tøku av leiki, t.d. við at stilla seg fyri ella sparka bóltin burtur. Tað hevur ging­ið væl, vísa hagtølini yvir hvat kort hava verið givin fyri í ár, sigur Lassin. Lassin heldur, at boð­skap­ urin hevur verið hampiliga væl skiltur millum leikarar, og metir tað vera gleðiligt, at dómarar hava havt áleið somu linju á hesum økinum og revsingarnar hjá teimum ymisku dómarunum hava verið javnar. Gjørt um seg uttanlands Føroyar hava í løtuni ein FIFA-dómara, nevniliga Petur Reinert, og hevur hann fingið fleiri áhugaverdar altjóða upp­gávur. Eitt nú hevur hann fingið ein A-landsdyst, og hesin dystur var ikki hvør sum helst. Dysturin var nevniliga ímillum granna­londini Litava og Lettland. Umframt hetta hava føroyskir dómarar fingið dystir uttanlands um­vegis eitt norðurlendskt dómara­sam­starv, sum hevur riggað væl í nøkur ár eftir hond­ini. Londini, sum eru við í hes­um sam­starvi, eru Føroyar, Ísland, Danmark, Noreg, Svøríki og Finnland. Støðið í ymisku londunum ger, at føroy­ingar aloftast døma næst­bestu deildina í fótbóltur dómarunum fótbólts-­ Gott ár hjá Ógvuliga fáir dystir hava verið fluttir í mun til onnur ár, dómararnir hava fingið munandi fleiri uppgávur uttanlands og lítið av rumbli hevur verið um dómararnar í ár. – Tað hevur verið lítið av trupulleikum í mun til onnur ár. Tað mest umráðandi er, at tað hava ikki verið tey heilt stóru málini at tosað um – tó so, at nakrar støður hava verið. Vit hava tikið støðurnar upp og eftirmett hvussu tær skulu gerast betur, sigur Lassin Isaksen, dómaraleiðari Jan á Líðarenda, Þóroddur Hjaltalín, Petur Reinert og Regin Egholm í Litava