mánadagur 18. november 2013síða 20

Mánadagur 18. november 2013 · Nr. 133 20 Sosialurin Hugskot og viðmerkingar – send sms til 225000 ítróttur fótbóltur Til háborðs millum frændir Føroyingarnir, sum vóru til dystin á Laugardalsvøllinum í Reykjavík fríggjakvøldið fingu eina uppliving fyri lívið. Teir upplivdu ein stuðul og stemning frá íslendsku viðhaldsfjøldini, sum nam innastu hjartarøturnar, og teir upplivdu eina stolta smátjóð, sum stríddist manniliga ímóti einum sterkum kroatiskum liði, og einum sponskum dómarasnobbi Heri Simonsen Føroyingarnir, sum høvdu ognað sær eitt atgongumerki til tann fyrra av tveimum av­ger­andi dystum millum Ísland og Kroatia, um hvør skal vinna sær eitt pláss í HM-enda­spælinum í Brasil kom­andi summar, vóru veruliga priviligeraðir. Tá vit lendu á flog­vøll­ inum í Reykjavík fríggjadag fyrrapart, kendi ein beina­ veggin spenn­ingin darra í luft­ini. Í útvarps­tólinum í bilinum, og í út­varps­ tól­unum, sum ljómaðu í kaffi­stov­unum í Reykjavík hoyrd­ist javnt og samt um dystin, sum skuldi spælast á Laugardals­vøllinum sama kvøldið. Tað var, sum alt Ísland helt ondini hendan dagin. Aldarinnar dystur Fekk ein Morgunblaðið, ella eitt annað íslendskt tíðinda­ blað í hondina gjørdist ein næstan risthentur, so stórur var spenningurin, sum var bygdur upp í íslendsku bløð­ unum. Spart varð ikki uppá tey stóru lýsingarorðini, sum skuldu útgreina hvussu stór­ ur dysturin millum Ísland og Kroatia í veruleikanum var. »Aldarinnar dystur« og »Størstu dystur frá upp­havi lands­liðsins« og onnur stór lýsingarorð vóru brúkt um uppgerðina á Laugar­dals­ vøllinum. Bløðini høvdu eis­ini skeiv­ ar vinklar um, at 400 yngri børn vóru sloppin at vitja íslendsku fótbólts­hetjur­nar, og vóru sloppin at taka eina mynd saman við teimum. Hitatjaldið, sum hevði hitað grasvøllin á Laugar­dals­vøll­ inum undan­farnu vikuna, fekk eisini nógva umrøðu í teim­um ís­lendsku bløðunum, og fríggja­dagin var tað ein stór løta, tá hitatjaldið var tikið av vøll­inum, og gartnar­ in kundi stað­festa, at gras­ vøllurin fór at halda til stór­ dystin. Upphiting í Laugardalshøllini Íslendingar og reykjavíkingar eru so hepnir, at teir hava eitt stórt ítróttarøkið í Laugar­ dalinum i Reykjavík. Laugar­ dals­høllin, sum liggur skamt frá Laugardalvøllinum er partur av hesum ítróttar­ økinum. Skipaðu við­halds­fólkini hjá íslendska lands­liðnum høvdu skipað sær ein fyribils mið­støð í Laugardals­høllini, har fólk kundu ognað sær turrikløð, troyggir, brøk­ur, húgvir og fløgg, og so­leiðis verða betri útgjørd at stuðla »strákunum«. Í Laugar­dals­høllini komu vit í tal við fleiri íslendingar, sum vóru sera fegnir at frætta, at føroyingar stuðla íslend­ ing­um í teirra ærufulla stríði at gerast tann minsta tjóðin nakran­tíð, sum vinnur seg í eitt HM-endaspæl í fót­bólti. Greinaskrivarin stað­festi yvirfyri íslendsku fjeppar­ unum, at ein samlaður sigur til Ísland yvir Kroatia hevði verið ein sigur fyri allar smá­ tjóðir í heiminum. Rómur frá dystarbyrjan Tað var rómur og stemningur frá dystarbyrjan. »Áfram Ísland« rungaði javnt og samt gjøgnum allan dystin. Á Laugar­dalsvøllinum hóm­ aðust 400 kroatiskir fjeppar­ ar, men tey komu ongan­tíð til orðanna, og tey hoyrdust ikki, tí tey vóru doyvd av tí mælsku íslendsku fjøldini, sum stóð fyrimyndarliga saman hetta søguliga fót­ bólts­kvøldið í Reykjavík. Íslendska fótbólts­sam­ bandið hevði fjørt eitt genialt trekk við at geva áskoðar­ unum eitt pappprent við teim­um íslendsku litunum, sum skuldi haldast uppi, tá lið­ini komu á vøllin. Á hinari síðuni var tann íslendski tjóð­sang­urin prentaður, so øll tann stóra fjøldin kundi sam­eint syngja tann vakra íslendska tjóðsangin: »O Guð vors lands«. Hetta lyfti áskoð­ ara­fjøldina longu áðrenn dysturin var bríkslað­ur í gongd, og tað hoyrdist aftur líka til dysturin var lokin. Spanski skemmarin Í allari hesar jaligu uppliv­ ingini var tó ein skemmari. Nevnliga spanski dómarin, Alberto Undiano, sum bevíst ella óbevíst lyfti tað kroat­ iska liðið. Einki skal takast frá Luka Modric og teim­um sterku kroatisku spælar­ unum, men teirra leikliga yvir­vág teir seinastu 40 min­uttir­nar av dystinum skyldaðist útvísingini av Ólafi Inga Skúlasyni, sum var ein­asta kortið, sum fall í dyst­inum. Møguliga var út­vís­ingin í lagi, men undir dyst­inum var ikki ein 50/50 avgerð, sum fall íslendingum í lut, og Alberto Undiano dømdi eitt ótal av fríspørkum til kroatarnar, men bert hendinga frí­spørk til ís­ lend­ing­ar. Tað er ófatuligt, at smátjóðir ferð eftir ferð skulu sleppa at uppliva arrogant­ar dómarasnobbar, sum vilja »síggja gott út« í eygunum hjá teimum størru lond­unum. Afturvendandi spurning­urin er nær hetta verður steðgað? Ein hjartaligur kroati Alberto Undiano megnaði tó ikki at oyðileggja heildar­ upp­livingina vit føroyingar høvdu á Laugardalsvøllinum fríggjakvøldið. Tá vit fóru av leikvøllinum var tað hjarta­nemandi at hoyra ein íslendskan og kroatiskan við­haldsmann práta saman. Tann hjartaligi kroatiski við­haldsmaðurin segði við íslendska viðhaldsmannin: – Sjálvandi vil eg, at Kroatia sleppur til HM-enda­ spælið í Brasil, men um tað kiksar hjá okkum, so fari eg at haldi við Íslandi í HM-enda­ spælinum. Eitt fan­tastiskt punktum fyri eina glæsiliga fótbóltsuppliving, har vit sótu til háborðs millum frændir. Áfram Ísland! heris@sosialurin.fo Heri Simonsen og Ivan Eginson Eysturland á Laugardalsvøllinum til dystin millum Ísland og Kroatia Privatmynd Mynd: Morgunblaðið Mynd: Morgunblaðið Privatmynd