mánadagur 25. november 2013síða 8

Mánadagur 25. november 2013 · Nr. 136 8 Sosialurin Hugskot og viðmerkingar – send sms til 225000 Ingolf S. Olsen Vit hava eina sjúkrahúslóg, sum Løgtingið hevur sam­ tykt, og sum sigur, at vit skulu hava trý sjúkrahús í Før­oyum. Tí er tað burturvið áhald­andi at tosa um nakað annað ella at royna brongla lógina við at krevja eina leiðslu fyri øll sjúkrahúsini. Tað heldur Heri Ellings­ gaard, stjóri á Klaksvíkar Sjúkra­húsi, sum eisini vil halda fast um, at tey smáu sjúkra­húsini skulu hava teirra sergreinar. Ortopedi síðani 1971 – Tað má verða ein beinleiðis avleiðing av lógini og polit­ iska ynskinum um trý sjúkra­hús, tí skulu tey smáu sjúkra­húsini hava nakran møgu­leika at yvirliva og fáa læknar í starv, so mugu tey hava ser­greinar, sigur hann og minnir á, at Klaksvíkar Sjúkra­hús byrjaði upp á ortoped­skurðviðgerðir longu í 1971. – Tað bleiv gjørt her, tí tey vildu ikki hava sergreinina í Havn, sigur sjúkrahússtjórin í Klaksvík. Men sjúkrahúsini mangla eina greiða politiskt grund­ festa ætlan at arbeiða eftir, heldur hann. – Politikararnir mugu eftir hollari fakligari ráðgeving gera av, hvørjar viðgerðir, vit sjálvi skulu megna í Før­oy­um, hvørjar viðgerðir, vit skulu keypa okkum ser­lækna­hjáp til uttaneftir, og hvørjar við­ gerðir, vit ikki skulu hava, men heldur senda sjúklingar­ nar av landinum at fáa. Eg haldi, at samstarvið millum sjúkra­húsini riggar væl, men vit mangla hetta amboðið til at fáa alt sjúkrahúsverkið at virka væl, sigur hann. Egna eftir læknum Heri Ellingsgaard hevur somu hugsan sum Tummas í Garði um, at tað ræður um at bera seg rætt at fyri at fáa sum mest burtur úr støðuni, nu um­leið 100 føroyingar eru í ferð við at útbúgva seg til lækna. – Júst fyri teir vil tað hava stóran týdning at vita, hvøj­ um viðgerðum vit leggja okk­ um eftir at hava her heima. Sum er er útboðið lítið, og vit mugu taka teir serlæknar, vit kunnu fáa. Men um ein hópur av føroyskum læknalesandi fær at vita, hvørjar viðgerðir føroysku sjúkrahúsini ætla at satsa upp á, so skal tað undra meg nógv, um ikki fleiri teirra fara at tilrættisleggja teir sergreinaval eftir tí, sigur hann. Sjúkrahússtjórin í Klaks­ vík tekur undir við sjónar­ miðunum hjá sínum yvir­ lækna, Jákupi Petersen, um, at tað er nærleikareglan, sum er til­verugrundarlagið hjá teim­um smáu sjúkrahús­ unum. – Tað verður tosað um saman­leggingar og felags leiðslu, men kanska skuldu tað heldur verið fimm sjúkra­ hús. Smá sjúkrahús tætt at sjúk­lingunum geva eis­ini fleiri praktiskar møgu­leikar og fyrimunir, eitt nú kunnu vit bjóða mobila laboratorie­ tænastu, har vit fara út til eldri fólk at taka til dømis blóð­royndir. Hetta kunnu vit gera, tí økið er avmarkað og fólka­grundarlagið lítið, sigur Heri Ellingsgaard. ingolf@sosialurin.fo Heri Ellingsgaard, stjóri á Klaksvíkar Sjúkrahúsi, heldur, at tað er gott við eitt sindur av kapping millum sjúkrahúsini, men manglar stýringsamboð, tí politikararnir ikki hava tikið støðu til, hvat sjúkrahúsverkið skal, og hvat tað ikki skal sóknast eftir greiðari ætlan Sjúkrahússtjóri sjúkrahús Ronnie Midjord, sjúkrahússtjóri á Tvøroyri, heldur ikki, at Suðuroyggin hevði klárað seg uttan egið sjúkrahús, tí fjarstøðan til meginøkið er ov stór til at kunna dúva upp á Landssjúkra­húsið. Suðuroyar Sjúkrahús hevur í fleiri ár bjóðað seg fram at gera skrálagdar skurðviðgerðir fyri Lands­sjúkra­húsið, men haðani hoyrist onki, sigur sjúkrahússtjórin Serlig støða í Suðuroy Ingolf S. Olsen Ronnie Midjord, stjóri á Suðuroyar Sjúkrahúsi , hevur ilt við at skilja, at Tummas í Garði, fyrrverandi læknastjóri á Landssjúkrahúsinum, tosar um, at tey hava ov mikið at gera í Havn, meðan væl út­ búnir serlæknar hava lítið at gera í Suðuroy. – Vit hava bjóða okkum fram í fleiri ár at gera plan­ lagda kirurgi, at taka tær smærru skurðviðgerðirnar fyri at minka um tær ræðu­ liga longu bíðitíðirnar, men vit hoyra ikki eitt orð aftur. Men hetta er bert eitt tekin um, at tann skipanin, sum vit hava, ikki verður rætt út­nyttað, sigur stjórin á Suðuroyar Sjúkrahúsi. Lívsneyðugt sjúkrahús Hann vil ikki hoyra taling um at leggja sjúkrahúsini saman. – Vit hava ein stjóra fyri øll sjúkrahúsini, nevni­liga aðal­stjóran í Heilsu­mála­ ráð­num, og tað riggar fínt. Og tað samstarvið, sum vit skulu hava sambært sjúkra­húslógini, riggar eis­ ini fínt. So eg síggi onga orsøk at broyta tað stóra upp á leiðslu­bygnaðin, sigur Ronnie Midjord. Í hansara eygum er tað ikki bert nærleikareglan, ynskið um at tað skal vera stutt millum sjúkling og sjúkra­hús, ið rættvísger eitt til­búgvið sjúkrahús á Tvøroyri. – Eg dugi ikki at síggja, hvussu man skuldi klára seg her suðuri uttan eitt sjúkra­ hús. Vit liggja ov langt frá Havnini til at Lands­sjúkra­ húsið kann taka sær av bráð­tørvandi viðgerð her. Jú, eg veit, at vit hava eina tyrlu­ tilbúgving, men nær hevur tyrlan seinast gjørt eitt fólk frískt? Tað er ikki altíð, at hon kann flúgva, serliga ikki um veturin. Vit hava tríggjar- fýra akuttar innleggingar um dagin, so ímynda tær, um tyrlan skuldi flogið hvørja ferð í staðin. Nei, tað eru absolutt læknafakligar for­treytir fyri at hava eitt sjúkrahús her við tí fjarstøðu, vit hava til meginøkið, sigur Ronnie Midjord og borðreiðir við enn einum argumenti: – Tú sigur, at tú ringir suður, tí tað er ov langt at koma higar sjálvur. Soleiðis er tað í øllum lutum, men fjar­støðan er galdandi báðar vegir. Tað er ikki bara sum at siga tað at senda fólk um Suður­oyarfjørð og tann langa teinin til Havnar, tá okk­urt feilar teimum. – Sjóvegis sambandið er eis­ini sera svikaligt. Nú í vetur avlýsa teir í heilum, og um siglingin annars er norm­ al, so mugu fólk taka heilar arbeiðsdagar burtur úr, um tey skulu eitt ørindi norðan­ fjørðs, sigur hann. Eisini tilvild í Havn Atfinningarnar um tilvildar­ ligar sergreinar á teimum smáu sjúkrahúsunum varpar hann eisini norður aftur um Suðuroyarfjørð. – Vit kunnu ikki velja sjálvi, hvørjar serlæknar vit fáa. Vit kunnu sjálvi ikki henta fruktirnar av træ­num, men mugu standa á vøll­inum og við kurvini lofta teimum, ið detta niður. So­leiðis er tað her, men soleiðis er tað sanniliga eisini á Lands­ sjúkra­húsinum. Ser­grein­ arnar har eru eisini til­vildar­ ligar. Tí tað er líka mikið, um vit tosa um Tvøroyri, Klaks­ vík ella Havnina, øll sjúkra­