mánadagur 25. november 2013síða 22

Mánadagur 25. november 2013 · Nr. 136 22 Sosialurin Hugskot og viðmerkingar – send sms til 225000 Vilmund Jacobsen Í næstum kemur út nýggj og spennandi bók. Bókin umrøður hendingina, tá trolarin Sundaberg sakk í 1972. Heitið á bókini er “Tá Sundaberg sakk”, og tað er Birgir W. Høgnesen, sum hevur skrivað, og Forlagið á Tumbakka gevur hana út. Tað var ein hvøkkur fyri allar Føroyar, tá tað frættist í Útvarpi Føroya, at trolarin Sundaberg hjá Kjølbro var sokkin í Ný Foundlandi. Við vóru 38 mans. Allir vórðu bjargaðir, og eingin fekk likamligt mein av skipsbrotinum. Í bókini verður fylgt við skipinum frá tí, at tað verður bygt á skipasmiðju í Týsklandi í 1952, til tað søkkur í 1972. Talan er um trolaran Nordhav 5, Jóannes Fonsdal og Sundaberg, sum er sama skip. Høvuðsparturin er um, tá Sundaberg sakk, men fylgt verður eisini við skipinum frá tí, at tað verður bygt, til vestmenningar keypa skipið frá norðmonnum. Ein partur er eisini um, tá vestmenningar áttu trolaran, og til teir mistu hann, og J.F.Kjølbro keypti skipið. Bæði parturin um Jóannes Fonsdal og um Sundaberg eru uppbygdir soleiðis, at samrøður eru við nógvar menn, sum hava verið við trolaranum. Heilt nógvar samrøður eru við menn, sum vóru við lagnutúrin í 1972 og við onkran, sum var við í bjargingini tann 7. mai 1972. Nakrir manningarlistar frá Jóannesi Fonsdal í 1955, eins og avrokningar eru frá Sundabergi. Alt hetta verður sera væl og nágreiniliga lýst í bókini, sum er prýdd við nógvum myndum, sum bæði eru í litum og svart/hvítum. Bókin fæst til keyps kring alt landið umframt á heimasíðuni: www.ok.fo fyri 300 krónur. Sitatir úr bókini Nakrar endurgevingar úr bókini eru hesar - * "Tað gekk væl at koma í gummibátarnar. Vit komu rættiliga skjótt leysir av søkkandi skipinum, men gummiroykurin av bátinum var so ramur, at menn byrjaðu at spýggja. At enda høvdu vit allir spýð” * "Okkara ørindi vóru ikki at keypa bilar, nei, hann seldi finspritt. Dunkar, sum tóku 11 litrar. Benni kom við formaningum um ikki at drekka, men einki forboð” * "Tá vit báðir standa har og eru komnir í buksur og eg í annan stivlan, tá brestir hurðin inn móti okkum, eg fekk hana í ryggin. Nú fleyt kamarsdúrkið í sjógvi. Nú skiltu vit, at her var álvari í útpurringini”. 38 mans av søkkandi skipi Tað er Birgir W. Høgnesen, sum hevur skrivað bókina um, "Tá Sundaberg sakk" Vilmund Jacobsen Tá jólaskipið kemur á Sand seinnapartin leygar­dagin hin 30. novem­ber, verður hesin jólamaðurin ikki við. Hann legðist uppi, tí hann var so ringur av sjóverki. Síðan jóla­ mað­urin legðist uppi, hev­ur hann hild­ið til Hand­an Rygg - ella Hand­an fyri Rygg, nær­indis Gróthúsvatni áveg­is av Sandi til Søltu­víkar. Á trøðni er lítil smátta við lítlari hugna­ligari lon, og her er eisini uppíbygt seyða­hús. Jólamaðurin við Grót­hús­vatn veit nógv at siga, og hann plagar at hava vitj­an av børnunum í barna­ garði­num á Sandi. Jólamaður við Gróthúsvatn Vilmund Jacobsen Jólaborðhaldini eru byrjað, og leygarkvøldið skipaði ung­manna­felagið Royndin í Nólsoy fyri vælmøttum jóla­ borði í felagshúsinum. Úr Nólsoy verður sagt, at hetta var eitt sera hugna­ligt kvøld við góðari buffét, nógv­ um og góðum undirhaldi og sangi. Í Nólsoy búgva stívliga 200 fólk, og tá út við 100 fólk eru við til eitt slíkt jólaborð, kann ikki sigast annað enn, at undirtøkan er rættiliga góð. - Sjálvt borðhaldið vardi í einar fýra tímar, og tað tókt­ ist ikki, sum fólk høvdu hug at gevast við at syngja. Í Nólsoy verður sagt, at dans­urin, sum helt fram alla náttina, var góður, og samanum tikið var hetta eitt sera hugnaligt kvøld í Nólsoy. Tað hevur annars ikki verið so nógv lív í úti í Nólsoy sein­astu árini, men nú hava nóls­oy­ingar sett sær fyri at skipa fyri fleiri tiltøkum. Jólaborðið leygarkvøldið er onnur veitslan í Nólsoy í heyst. Seint í september skip­ aðu nólsoyingar fyri náta­ veits­lu, og her vóru fleiri enn átt­ati fólk við. 100 fólk á veitslu í Nólsoy Fólk eru í skellilátri, nú jólamenninir kika út á Malarenda fyri at vita, um teir síggja nøkur konufólk svimja har úti Eivør Pálsdóttir spæl­ir og undirheldur á barna­konsert í Norð­ ur­landa­húsinum á bóka­døg­um Ein lítil mánaði er eftir til jólaaftan. Her síggja vit vestaru síðu á hølunum, har musikkskúlin í Klaksvík heldur til. Her verður vant til konsertirnar, sum næmingarnir í musikkskúlunum skulu luttaka í. Í næstum kemur út bókin "Tá Sundaberg sakk", sum klaksvíkingurin í Vestmanna, Birgir W. Høgnesen, hevur skrivað. Rithøvundurin hevur áður givið út bók um Kap Farvel Jólaborðið, sum ungmannafelagið Royndin í Nólsoy skipaði fyri leygarkvøldið, fekk stóra undirtøku. Lagið var gott, og fólk hugnaðu sær til langt út á náttina