fríggjadagur 28. mai 2004síða 10

Det Jydske Ensemble og Aldubáran fara 19. og 23. juni at framføra kompositiónir eftir m.a Sunleif Rasmussen og Kristian Blak NORÐURLANDAHÚSIÐ TILTØK JUNI 2004 KIRI TE KANAWA NÆRKAST FULLUM HÚSI Størsta navnið á Listastevnuni hevur selt væl hóast høga kostnaðin. Jethro Tull er útselt, og bæði Teitur og Celtic Tenors ganga væl Tað vakti ans, tá ið Listastevnan kunngjørdi, at atgongu- merkini til heimsgitnu operasangarinnuna, Kiri Te Kan- awa, kostaðu 950 krónur. Tað er prísurin fyri at fáa so stór nøvn hendan vegin, søgdu fyrireikararnir, sum sam- stundis vóru sera spentir um, hvussu føroyingar fóru at taka ímóti hesum. Nú kann staðfestast, at Kiri Te Kanawa helst syngur fyri fullum Húsi. Atgongumerkini eru farin javnt og samt um diskin í Norðurlandahúsinum, síðan farið varð at selja 1. apríl, og nú skulu fólk, sum ivast at fara, taka avgerð- ina, tí einans 100 atgongumerki eru eftir. Kiri Te Kanawa er heldur ikki hvør sum helst. Hon er høvuðsnavn á plakatuni, hvar hon so syngur, og verður mett at vera heimsins dugnaligasti operasangari í dag. Útselt er til hitt heimsnavnið hesaferð, sum er Jethro Tull, so tann kjansurin er farin. Teitur Lassen og Celtic Tenors, ið eisini eru kendir aðra- staðni enn í sínum heimlandi, hava higartil selt um tey 100 atgongumerkini síðan 1. apríl, so har er framvegis gjørligt at fáa góð pláss. TANN DEILIGA HAVN - ÆTLAN ELLA TILVILD Býráðsval er fyri framman og nógv verður at skifta orð um, til krossurin skal setast. Longu í juni verður hol sett á ein part av tí, sum hevur við høvuðstaðnum at gera, tí tá verður almennur fundur í Norðurlandahúsi- num um viðurskiftini í Havn. Undir yvirskriftini “Áh, tann deiliga Havn - ætlan ella til- vild” verðir fundurin skipaður við fýra evnum. Tey eru vinnulív og samferðsla, heilsa og røkt, mentan og menn- in, umhvørvi og trivnaður. Tónleikur og undirhald verða eisini á skránni. Fyriskipari er Suðurstreymoyar Tjóðveldisfelag og meira fæst at vita um tiltakið á www.tjodveldi.fo KÓR OG HORNTÓNLEIKUR ÚR DANMARK Kór og horntónleikur úr Danmark verður at hoyra í Norðurlandahúsinum í juni. GHM fær vitjan av Odense Senior Blæsere, og tey bæði orkestrini fara saman at hava konsert fríggjadagin tann 11. juni klokkan 19.30. Síðst í mánaðinum kemur vitjan syðst úr Danmark, tá ið Torsdagskoret, sum er blandað kór úr Flensborg, fer at syngja. Tann konsertin verður mikudagin 30. juni klokkan 19.30. Atgongumerki til konsertirnar eru at fáa í Húsinum. TILTØK JUNI 2004 Framsýningin “Veiðimentan” er á Etnografisk Museum í Stockholm til 23. september 2004 Framsýningin Atlantic Visioner (F) er í Mikkelberg, Suðurslesvig til 04. juli. Fríggjadagur 04. mars Kl. 16.00 Felagið fyri Hoyribrekað í Føroyum(FO) Evnisdagur. Nordisk Høreskadedes Samarbejdskomité Kl. 22.00 Mentanarnáttin 2004 - Summarframsýningin 2004 (FO) - letur upp Luttakandi listafólk eru: Aggi Ásgeirsdóttir, myndlist, Anker Mortensen, grafik/myndlist, Annie Heinesen, arkitektur/foto, Jógvan Biskopstø grafik/myndlist, Martin Nolsøe, videoinstallatíón, Svanhild Strøm, tekstil/installatión, Tummas Jákup Thomsen, grafik/installatión og Vígdis Petersen skulptur og glas. Leygardagur 05. juni Grundlógardagur - húsið er stongt! Mikudagur 09. juni Kl. 09.00 Prestafundur (FO) Fyrireikari er Marjun Bæk. Hósdagur 10. junu Prestafundur, framhald Fríggjadagur 11. juni Kl. 19.30 Konsert v/GHM (FO) og Odense Senior Blæsere (DK) Mánadagur 14. juni Kl. 18.45 Nordisk Søforsikring (DK) Fundur Mikudagur 16. juni Kl. 19.30 Suðurstreymoyar Tjóðveldisfelag (FO), Almennur panelfundur Leygardagur 19. juni Kl. 19.30 Summartónar 2004 - Konsert við Det Jydske Ensemle (DK) Atgongumerki verða seld í Kunningarstovuni í Havn og í Norðurlandahúsinum Mikudagur 23. juni Kl. 19.30 Summartónar 2004, Aldubáran (FO), konsert Atgongumerki verða seld í Kunningarstovuni í Havn og í Norðurlandahúsinum Týsdagur 29. juni Kl. 19.30 Jazzfestivalur: Kl. 19.30 Eivør Pálsdóttir (FO) Kl. 19.30 Spælimenninir (FO) Kl. 20.00 Enekk (FO) Kl. 21.00 Jussi Kannaste Quartet (FI) Kl. 22.00 New Jungle Orchestra (DK/SE) Atgongumerki verða seld í Kunningarstovuni í Havn og í Norðurlandahúsinum Mikudagur 30. juni Kl. 19.30 Konsert v/Torsdagskoret, blandað kór úr Flensborg (DK). Atgongumerki eru at fáa í Húsinum Norðurlandahúsið er opið gerandisdagar kl. 10.00-18.00 og sunnudagar kl. 14.00-18.00 NORÐURLANDAHÚSIÐ Í FØROYUM Telefon nr. 317900. Telefax nr. 319790 www.nlh.fo e-mail: nlh@nlh.fo New Jungle Orchestra er ein magnet á Havnar jazzfestival, sum heldur eina av sínum konsert- um í Norðurlandahúsi- num. Finski Jussi Kan- nasti og okkara egnu spælimenn, Eivør og Enekk vera eisini við tann 29. juni Í tjúgu ár stóð navnframi Brandur Øssurson á odda fyri Tórshavnar Jazz-, fólka- og bluesfestival. Í fjør takk- aði hann fyri seg, men í ár reisir ein nýggj festival seg úr øskuni við nýggjum bú- merki, nýggjum fyrireikar- um og nýggjum navni: Havnar Jazzfestival. Skráin er øðrvísi enn á jazzfestivalum flest. Her er eitt sindur av hvørjum: Diskotónleikur, vísusangur, fólkatónleikur, popp og rull- andi rockur. Áður var Norð- urlandahúsið karmur um festivalina, men í ár er Havnin øll skrýdd í fest- búna. Um allan býin Konsertirnar eru á ymsum støðum. Høvuðskonsertir- nar eru í Sjónleikarhúsi- num, tvær konsertir verða í Listaskálanum, og ein verð- ur í Norðurlandahúsinum. Havnar Jazzfestival varir í eina viku, frá mánadeg- num 28. juni til sunnudagin 4. juli. Konsertin í Norður- landahúsinum verður týs- dagin tann 29. juni. Tá spæla Eivør, Enekk og Spælimenninir úr Føroyum, Jussi Kannasti Quartet úr Finnlandi og New Jungle Orchestra mannað við tón- leikarum úr Danmark og Svøríki. Hetta eru øll nøvn, ið borga fyri góðum konsert- um. Spælimenninir seta lív í, Enekk setir lívið í perspek- tiv, og Eivør er sjálvt lívið. Finski Jussi Kannasti er ein úrmælingur á saxofon- ini, og New Jungle Or- chestra er eitt av allar- bestu jazzbólkunum í øllum Evropa. Jazzur í serflokki Vert er at dvølja við New Jungle Orchestra. Hesin bólkurin við Pierre Dørge á odda, hevur spælt síðan 1980 við nøkrum broyti- num í manningini ávegis. Tey spæla heimstónleik á hægsta stigi og eru í ser- flokki, siga jazzkøn. Tónleikurin er eitt blend av jazzi, asiatiskum, afri- konskum og evropeiskum tónleiki - og ørskapi yvirhøv- ur, leggja tey sjálv afturat. Tey skapa sítt egna uni- vers, sum gevur áskoðar- um eina bæði komiska og kosmiska uppliving. Bólkurin er best á palli, saxofonin spælir ein týðandi leiklut, og tey eru eyðkend fyri sína nýtslu av alskyns hjálparamboðum. Ein spæli- dós sum soloinstrument, ein gágguskel nýtt sum trompet og afrikonsk ella asiatisk ljóðbrongl slóða fyri, at konsertirnar gerast ógloymandi. Síðstu árini hevur New Jungle Orchestra spælt um allan heimin: New York, Buenos Aires, Singapore, Rom, Hamburg, Amster- dam, Bratislava, Lissabon, Athen, Warszawa, Madrid og Sydney eru bara nøkur úr rúgvuni. Og nú ríka tey ta fyrstu Havnar Jazzfesti- val. Listastevnan nærkast. Byrj- að varð longu 1. mars at selja til ávís tiltøk, men 1. juni byrjar atgongumerkja- sølan til restina av álvara. Umframt tey heilt stóru nøvnini á ársins Listastevnu er nógv annað spennandi á skránni. Jostein Gaarder, norskur barna- og ungdómsrithøv- undur, lesur og svarar spurningum í Norðurlanda- húsinum sunnudagin 8. au- gust. Vertur er Ivan Nicla- sen, og Jostein Gaarder sjálvur og Laura Joensen lesa. Kostnaðurin er 125 krónur. Sama dag verður kór- sangur í Húsinum við Rilke Ensemble úr Gøteborg. Tey syngja bæði upprunafør- oyskan tónleik eftir yrking- um hjá William Heinesen og norðurlendskar sangir. Tbilisi Municipal Theatre fara við marionettdukkum at framføra “The Battle of Stalingrad” á Meiarínum týsdagin 10. august kl. 19:30 og mikudagin 11. august kl. 19.30. Tá verð- ur kostnaðurin 150 kr. Mánadagin 9. august verður av sonnum ein fam- iljusýning, tá ið Ambrossia, sum er eitt sápubløðrusir- kus úr Spaniu, sýnir fram. Framsýningin verður í Norðurlandahúsinum klokk- an 19.30, og kostnaðurin er 125 kr fyri børn og 175 kr fyri vaksin. Fiddlers’ Bid er navnið á fingrafimum hetlendskum fólkatónleikarum, sum hava konsertir í Mentanarhúsi- num í Fuglafirði 12. august og á Platform í Havn. Kostnaður: 225 krónur. Eivør sleppur rættiliga at royna seg í einari írskari, íslendskari og føroyskari tónleikaframførslu í Norður- landahúsinum sunnudagin 15. august kl. 19.30. Kostnaður 375 krónur. Lesið meira á heima- síðuni listastevnan.com. Á Summarframsýningini síggjast verk eftir ung før- oysk listafólk, ið arbeiða við ymiskum lista- og náms- greinum Á fjórðu mentanarnáttini tann 4. juni, letur Havnin allar dyr á víðan vegg. Hetta sama kvøldið letur Norðurlandahúsið ársins Summarframsýning upp klokkan 22.00. Á framsýn- ingini verða fleiri av teimum spennandi ungu føroysku talentunum, kend og minni kend, við eitt nú myndlist, installatiónum, video- og teldulist. Framsýningin hevur und- irheiti “Føroysk list í global- um rúmi”. Dentur verður lagdur á, at nútíðar list arbeiðir ikki bara við sjón- sansinum men við øllum sansum í senn. Framsýn- ingin vísir, at listafólkini ikki eru fjøtrað av vanabundnum loysnum, men leita sær ávirkan uttan fyri egin lista- øki við eitt nú at brúka elek- tronisk amboð og at blanda saman ymsar listarligar málburðir. Luttakandi listafólkini arb- eiða við ymiskum náms- greinum, sum tey seta saman. Eitt nú hava Annie Heinesen og Vígdis Peter- sen arbeitt við einari felags verkætlan, har tær skoyta saman myndatøku, kunning- artøkni, høggmynd og byggilist. Við at taka mynd- ir av byggilist og seta tað saman við høggmyndum fæst ein nýggjur saman- hangur. Á framsýningini vera hesi listafólk at síggja við nýggj- um verkum: Aggi Ásgeirsdóttir (myndlist) Anker Mortensen (grafik/myndlist) Annie Heinesen (fotografi/arkitektur) Jógvan Biskupstø (tegning/formgivning) Svanhild Strøm (tekstil/installatión) Tommy Láadal Jensen (myndlist/installatión/video) Tummas Jákup Thomsen (installatión/myndlist) Vígdis Petersen (skulptur/KT) Framsýningin byrjar Ment- anarnáttina 4. juni klokkan 22 og endar ólavsøkudag. Summartónar: Aftur í ár verður klassiskur tónleikur eftir føroyskar tónasmiðir spældur á hásumri. Bæði Det Jydske Ensemble og Aldubáran framføra nýggjan føroyskan tónleik Tónleikur eftir Kristian Blak og Sunnleif Rasmuss- en er á skránni, tá ið Det Jydske Ensemble vitjar í Norðurlandahúsinum leyg- ardagin 19. juni. Sunleif Rasmussen hevur skrivað “Four Gardens” serliga til Det Jydske Ensemble, sum eisini spæla stykkini “Vienna la Nuit” og “Hogboy for otte instrumenter” eftir Kristian Blak. Harafturat spælir Det Jydske Ensem- ble Kvintett í g-mol opus 39 eftir Sergey Profokiev (1891-1953). Det Jydske Ensemble er mannað við yrkistónleikar- um við klassiskari útbúgv- ing. Ljómliðið hevur útgivið seks fløgur, og konsertirnar fáa góða sera góð ummæli. Tónleikararnir njóta at spæla, eru samanspældir og konsertirnar eru eitt upplivilsi fyri bæði eygu og oyru, verður sagt. Ljóðførini eru tey klassisku, og alt eftir hvørji stykki verða spæld, og hvør er við á konsertunum, eru tey floyta, obo, klarinet, horn, fagot, klaver, violin, bratch og cello. Sum vant spælir Aldubár- an eisini á Summartónum í ár, tann 23. juni. Aldubáran fleiri føroysk, og teirra mill- um er ein frumframførsla. Tað er Horntrio eftir Atla Petersen. Harafturat spæli Aldubáran “Preludium og Marsjur” eftir Kára Bæk, “Dancing raindrops” eftir Sunleif Rasmussen, “Ok- tett” eftir Igor Stravinsky og at enda “Skýrák” eftir Atla Petersen. Bernharður Wilkinson stjórnar. Aldubáran varð stovnað í 1995 av sjey ungum, før- oyskum tónleikarum. Síðan er bólkurin vaksin til níggju limir, sum spæla floytu, klarinet, fagott, trompet, trombon, violin, bratch, cello, guitar og klaver. Tað gevur nógvar møguligar samansetingar. Aldubáran spælir ofta nýggjan føroysk- an tónleik, men klassisk út- lendsk verk eru eisini ein fastur táttur á skránni. Summartónar hava tólv ár á baki, og er tónleika- stevnan fyri føroyskar tóna- smiðir. Síðan 1992 hava Summartónar verið ein pallur fyri klassiskan tónleik og samtíðartónleik í Føroy- um. Kjarnan av tiltøkum eru í Norðurlandahúsinum á há- sumri, men Summartónar skipa samstundis fyri kon- sertum í kirkjum, á slupp, í gjógvum og øðrum náttúru- konsertsalum. Summartónar hava ein avgerandi týdning fyri før- oyska kompositión, við tað at tónleikastevnan gevur fólkum møguleika at hoyra føroyskan tónleik framført av útlendskum ljómliðum og solistum eins væl og før- oyskum. Konsertin við Det Jydske Ensemble verður í Salinum í Norðurlandahúsinum leyg- arkvøldið 19. juni klokkan 19.30. Aldubáran spælir mikukvøldið 23. juni klokkan 19.30. Atgongumerki eru at fáa á Kunningarstovuni og í Norðurlandahúsinum. NÝGGJ JAZZFESTIVAL REISIR SEG FØROYSKIR TÓNASMIÐIR Í SUMMARSKRÚÐ NÚ BYRJAR ATGONGUMERKJASØLAN RÆTTILIGA MARGFELD SUMMARFRAMSÝNING C M Y K 19 18