hósdagur 28. november 2013síða 40

nr. 138 · 29. november 2013 8 VIKUSKIFTI LURTA LES & UPPLIV lagt til rættis: Eyðun Klakstein V4 – afturtrá við Hermanni og øðrum Á nýggjari fløgu ber til at enduruppliva stuttligar skemtileikir frá søgu­ligu undir­halds­ sendingini í Útvarp­inum Nú um dagarnar kom út nýggj tvífløga við skemti frá V4. Á fløguni eru stívliga tveir og ein hálvur tími við stuttligum skemtileikum frá størstu undir­halds­sending í Føroya søgu nakrantíð. Fyrsta V4-sendingin varð send 29. november í 1969. Í fyrstani varð sent úr Læraraskúlahøllini, høllini í Hoydølum og úr høllini á Landssjúkrahúsinum. Seinni fóru tey út á bygd við V4. Sendingin helt fram líka til miðskeiðis í sjeytiárunum; men hæddarpunktið var fyrst í sjeytiárunum. Tað hevur serstakliga verið torført, tá ið farið varð á bygd, tí ferðasambandið var ikki so gott, sum tað er nú. Tað mátti tí eitt gott fyri­reikingararbeiði gerast, áðrenn farið varð. Um t.d. sendast skuldi leygarkvøld úr Suðuroy, mátti farast fríggjakvøld, og onkuntíð komu tey heimaftur við leigaðum skipi sunnunátt. Tað setti stór krøv til V4-manningina, sum mátti nýta stóra orku og tíð til at gera hesar útvarpssendingar, og vit mugu minnast til, at flest­øll av V4-manningini høvdu onnur størv, sum skuldu røkjast mána­dag til leygardag. V4-toymið 1969-73 Vit kunnu siga, at V4-manningin var sum eitt toymi Skemtarar vóru í høvuðsheitum: Oskar Hermannsson, Olivur Næss, Elin Mouritsen, Óli Kurt Hansen, Heri Smith og Hermann Jacobsen. Niels Juel Arge kom við hug­skot­inum til sendingina. Hann var høvuðsmaðurin, ið bant toymið saman. Fyri tí tøkniliga stóðu sum oftast Milson Zachariassen, Finnbogi Johannesen, Marius Rein og Jóhan Isholm. Tann síðst­nevndi loysti eisini trupul­ leikan við at finna vinnaran til V4-dráttin sama leygarkvøld, sum sendingin varð send. Dalle, Palleba, Fossadun og øll hini Á fløgunum eru 33 skemtileikir, har Hermann er bindiliðið í øllum upp­tøkunum. Ein upptøka er við Dalla. Sjey brot eru við Palleba og Fossadun, sum ávika­vist Hermann og Olivur spældu. Umframt leiklutin sum Fossadun, hoyra vit Olivur í 18 øðrum leikum. Hera Smith hoyra vit fimm ferðir. Umframt teir eru: Oskar Hermannsson, Elin Mouritsen, Óli Kurt Hansen, Sonne Smith, Gunvør Jensen, Flemming Samuelsen og Eyðun Johannesen, Niels Juel Arge og Ívar Iversen. Offrini vóru m.a. kend fólk og býráðið í Havn Hermt verður eftir kendum per­són­um t.d. Jákupi Frederik Øregaard, Erlendi Patursson, Atla Dam, Jóhan Nielsen, Pouli Petersen, Zakariasi Wang og lands­læknanum Hanusi Debes Joensen. Býráðið í Havn er eisini frammi í onkrum leikum. Tað var nógv stuttligt sum hendi í býráðnum í Havn, og orðadrátturin har var mangan skemtiligari enn í løgtinginum. Í býráðnum sótu persónar, sum vóru rættiliga Maðurin hvørki leikar í ella rópar – hann ger tónleik, sigur Teitur Lassen um Knút Háberg Eysturstein Fýra trúboðarar, sum fóru út at virka fyri hálvari øld síðani, fara at tala í Betesda um vikuskiftið Monty Python við fimm pensiónistum gera comeback – og alt varð útselt eftir 43,5 sekundum! Teitur Lassen, sum er kendur tónleikari bæði her heima og ymsa­staðni uttanlands, hevur um­mælt útgávu hjá einum øðrum før­oyskum tónleikara. Tað ger hann á listablogginum Listin. Og Teiti Lassen dámar væl út­gávuni hjá Knúti, sum bæði kann hoyrast á plátu og fløgu. – Eg havi eina vinylplátu og hon er skríggjandi reyð og gjøgnum­ skygd. Tað riggar væl. Og hon er 180 gramm, tað vil siga, at hon helst ljóðar betri enn tær vanligu pláturnar, ið viga minni. Gott at byrja við vitanini um, at her hevur mann roynt at gera nakað við góðskuna, her hevur man gjørt meira burturúr enn neyðugt. Tað er finesse. Tað er definitiónin uppá at vera kul, skrivar Teitur Lassen. – Tað tykiskt, sum at øll á hesi útgávuni eru samd um, hvussu hon skal vera. Tað hevur eyðn­ast Knút at gera eina meiri upp­ lyft­andi útgávu. Alt í alt er tað nokkso stramt og fast, men tað er nokk eitt val, sum er tikið. – Knút er vorðin vaksin og er komin víðari við tónleikinum, síð­ani barndómin í samkomuni. Hesin tónleikurin er ikki lættur at finna í tí dagliga. Tó rokni eg við, at Knút kanska verður meira vanligur at hoyra um nøkur ár, tá ið fleiri føroyingar hava tikið sær stundir til at lurta eftir hon­ um. Maðurin hvørki leikar í ella rópar. Hann ger tónleik. Og tað er gott, skrivar Teitur Lassen í um­mælinum á listablogginum. Óli á Grømma Jacobsen, Páll Poulsen, Hans Sivertsen og Jógvan Purkhús vóru ungir menn, tá ið teir fyri 50 árum síðani fóru úr Betesda í Klaksvík og út í heim at virka sum trúboðarar – í fyrstu atløgu til Íslands. Øll árini síðani hava hesir virkað undir mongum ymiskum viðurskiftum og í ymiskum londum. Um vikuskiftið verða teir fýra menninir – og hjúnafelagar teirra – savnaðir í Betesda í Klaksvík, har tey hava skipað fyri einari trúboðarastevnu. Stevnan byrjar seinnapartin leygardagin og heldur fram leygarkvøldið og sunnudagin. Ungdómsstevnan U-2013 er eisini í Klaksvík um vikusskiftið, og har fara trúboðararnir eisini at luttaka. Millum annað skulu teir leygarkvøldið sita í paneli og svara spurningum. Næsta summar ger legendariski enski skemtibólkurin Monty Python comeback á palli. Monty Python eru annars eisini kendir frá sjónvarpi og filmum, og teirra skemtileikir og skemt annars er tiltikið. Tað verður framvegis víst, tosað um og endurgivið. Tí er tað eisini ein trygg kassasuksé, at Monty Python aftur fara at skapa sær fyri fólki – og pengum. Almenni prísurin fyri atgongu­ merkini varð settur til millum 300 og 1000 krónur fyri eitt setur – og tey eru 20.000 í tali í O2 Arena í London, har spælast skal. Tað varð hørð kapping um atgongu­merkini, og alt varð út­ selt eftir 43,5 sekund, sambært bretskum miðlum. Á svarta marknað­inum eru prísirnir lagt síðani farnir upp um 20.000 krónur fyri ein sess – og tað verður verri enn. Ella enn betri fyri tey, sum ætla sær at selja og ikki hyggja. Men hóast onkur einstøk fólk kunnu skora túsundtals krónur upp á atgongumerki, so verða tað teir fimm í Monty Python, sum verða teir stóru, fíggjarligu vinnararnir. Og tá ið fólk hava flent eftir teimum í tveir tímar, kunnu teir flenna allan vegin í bankan. Men tað skal nú als ikki úti­ lokast, at tað verður hvørt oyrað vert at fara í O2 Arena at flenna at John Cleese, Terry Jones, Michael Palin, Eric Idle og Terry Gilliam. Teitur gevur Knúti gott ummæli Trúboðarar vitja heima Gomlu gubbarnir skora kassan Niels Juel og Olivur Næss