hósdagur 5. desember 2013síða 10

Fríggjadagur 6. desember 2013 · Nr. 141 10 Sosialurin Hugskot og viðmerkingar – send sms til 225000 tíðindi Vilmund Jacobsen Mánadagin var Sosialurin inni á gólvinum hjá Vørn, har Elmar Højgaard, leiðari á Fiski­veiði­eftirlitinum, vísti okkum høvuðskort yvir trol­ frið­ing­ar og aðrar frið­ing­ar á land­grunninum. Saman við kortinum eru við­merkingar um, hvørji av hes­um økjum eru friðað per­ ma­n­ent - og hvørji øki eru opin ein part av árinum. Í onkrum av hesum økj­ um eru korallir, sum skulu verjast, men talan er um lutfalsliga fá øki, ið eru stongd, tí koralbotnur skal verjast. Flestu øki eru so­ leið­is stongd, tí politiski myndug­leikin ynskir tað - antin sambært lógini um vinnu­ligan fiskiskap ella í øðr­um kunngerðum, sum eru galdandi fyri ávísu økini. Nógv er stongt Meðan vit hyggja at korti­ num yvir friðingar á land­ grunni­num, spyrja vit Elmar Højgaard, um tað er rætt, sum ført hevur verið fram, at umleið 40% av land­ grunni­num meira ella minni perma­nent er friðaður fyri trol­veiði. - Nú havi eg ikki rokn­að neyvt upp á, júst hvør pro­ sent­parturin við friðaðum økj­um er, men tað man fara at passa rættiliga væl, at umleið 40% av land­grunni­ num er friðaður fyri trol­ veiði. Leiðarin á Fiski­veiði­eftir­ liti­num sigur, at tá talan er um sjálvan landgrunnin, verð­ur vanliga hugsað um dýp­ið, sum røkkur niður á um­leið 200 metrar. Millum grunn­ar­nar eru tó einstakir djúp­ari geirar. - Aftrat hesum friðingum, sum kortið vísir, lýsa vit eisini av og á bráðfeingisfriðingar í 14 dagar, tá staðfest verður, at ov nógvur smáur upsi er í troli­num yvir eina tíð. Elmar Højgaard vísir á, at fyri umleið einum ella hálvum øðrum ári síðan lýsti eftirlitið javnan bráð­feingis­ frið­ingar, tí partrolarar fingu nógvan smáupsa í veiðini. - Einstakar bráð­feingis­ frið­ing­ar eru eisini lýstar í hes­um árinum, men ikki nær til so nógvar sum undanfarin ár. Tað vísir seg, at nøgdirnar av smáum upsa í veiðini hava ikki verið so stórar í ár sum eitt nú í fjør. Leiðarin á Fiski­veiði­eftir­ liti­num heldur, at smá­u­psin, sum var ein trupul­leiki í veiðini, er vaksin í hes­um tíðarskeiði, og tí eru trupul­ leikar­nir minni í dag. - Men, vit fáa framvegis javnan fráboðanir um, at smá­upsi er uppi í veiðini, tó at hesar eru nógv færri, enn tær vóru, tá fráboðaninar vóru flestar. Ikki ólógligt at fiska Elmar Højgaard vísir á, at tað er ikki ólógligt at fiska og landa upsa, sum er smærri enn 55 sentimetrar, men tað er brot á fiskiveiðireglurnar, um skipini eftir hvørt hál sær ikki boða eftirlitinum frá, tá 30% ella meira av talinum av fiski ikki røkkur mát. - Tað er heldur ikki so­ leið­is, at vit lýsa bráð­feingis­ veiði­bann, hvørja ferð pro­ sent­parturin fer um hetta mark, men vit fylgja neyvt gongdini, og gerst trupu­l­ leik­in ov stórur, verður lýst veiði­bann í 14 dagar. Leiðarin sigur, at tað er munur á, tá nøgdin av smá­ um upsa fer beint yvir há­ mark­ið - og tá talan er um stórar og afturvendandi nøgd­ir, sum ikki røkka mát. - Vit royna ikki at vera ólaga­ligir og ei heldur at leypa fram av, nú so nógvar leið­ir á landgrunninum fram­ man­undan eru stongdar fyri trolveiði, sigur Elmar Høj­ gaard. Leiðarin á Fiski­veiði­eftir­ litinum hevur annars onga almenna meining um, hvørt tað kanska hevði verið betri fyri landgrunnin og fiska­ stovn­ar­nar, um skipini í tíð­ar­skeiðum sluppu inn í stongdu leiðirnar at fiska. - Eg havi ikki førleikan at meta um, hvørt tað kanska hevði tænt fiskastovnunum, um botnurin av og á var ”velt­ur” eitt sindur - í mun til, at hann í løtuni ikki verður nortin við troli. Royndir við rist Elmar hevur fylgt við teim­ um royndum, sum eru gjørdar eftir upsa við skilji­ rist í trolinum, og hann held­ ur, at royndirnar eru áhuga­ verd­ar, og at hesar kanska kunnu lata upp fyri nýggj­ um veiðimøguleikum á land­ grunni­num. - Nú verður tað upp til landsstýrismannin í fiski­ vinnu­málum og fiski­frøði­ ligu ráðgevingina at meta um, hvørt royndarveiða í størri mun skal loyvast í stongdum økjum, sigur Elm­ ar Højgaard, leiðari á Fiski­ veiði­eftir­litinum. Umleið 40% av landgrunninum er uttan trolveiði - Vit lýsa ikki bráðfeingisveiðibann, hvørja ferð prosentparturin av smáupsa fer um markið, men vit fylgja neyvt gongdini, og gerst trupulleikin ov stórur, verður lýst veiðibann í 14 dagar. Vit royna ikki at vera ólagaligir og ei heldur at leypa fram av, nú so nógvar leiðir á landgrunninum frammanundan eru stongdar fyri trolveiði, sigur Elmar Højgaard, leiðari á Fiskiveiðieftirlitinum Smáupsin, sum var ein trupulleiki, er vaksin, og tí eru trupulleikarnir minni í dag Elmar Højgaard hevur fylgt við teimum royndum, sum eru gjørdar eftir upsa við skiljirist í trolinum, og hann heldur, at royndirnar eru áhugaverdar, og at hesar kanska lata upp fyri nýggjum veiðimøguleikum Mynd: Vilmund Jacobsen Kortið vísir trolfriðingar á landgrunninum, harav fleiri av hesum friðingum eru permanentar. - Jú, tað man líða væl, at umleið 40% av landgrunninum er friðaður fyri trolveiði, sigur Elmar Højgaard, leiðari á Fiskiveiðieftirlitinum