týsdagur 10. desember 2013síða 21

21 Mikudagur 11. desember 2013 · Nr. 143 Sosialurin Hugskot og viðmerkingar – send sms til 225000 MEST er størsta skipasmiðusamtak í Føroyum. MEST samtakið fevnir um skipasmiðjurnar á Skála og í Tórshavn, framleiðsluverksmiðjuna í Runavík og dóttirfelagið PAM Offshore Services, sum hevur starvsfólk í oljuvinnuni serliga í Noregi. Felagið hevur nýmótans verkstaðir, stóra goymslu við sølu og framkomna tekni- og verkfrøðingastovu. Yvir 400 starvsfólk eru í starvi í MEST-samtakinum, og kundar okkara eru bæði føroyskir og útlendskir. Sostatt er MEST eitt av størstu framleiðslufeløgunum í landinum. ARBEIÐSØKI Sum verkætlanarleiðari fært tú ábyrgdina av størri og smærri umvælingar- og umbyggingaruppgávum. Tú hevur tætt samskifti við kundar, starvsfelagar í fyritøkuni og feløg, sum vit samstarva við. Verkætlanarleiðarin hevur ábyrgdina av: • At gera tilboð, fyrireika og skipa uppgávur í tøttum samstarvi við kundan og starvsfelagar • At tryggja, at arbeiðið verður avgreitt sum avtalað við kundan til ásetta tíð og kostnað • At góðskan á arbeiðinum er sum avtalað • At gera upp, eftirmeta og avhenda uppgávur Starvsstaðurin er á høvuðsdeildini hjá MEST í Havn, men verkætlanarleiðarin kemur at arbeiða í øllum samtakinum alt eftir hvar verkætlanirnar eru. Verkætlanarleiðarin vísir til leiðaran fyri Verkætlanar-og teknistovudeildina. TÍN VANGAMYND Tú hevur útbúgving innan verkfrøði ella aðra hóskandi útbúgving, so sum maskinmeistari, og hevur viðkomandi arbeiðsroyndir. Tú hevur hollan kunnleika til skip, skipsútbúnað og størri verkætlanaðir. Tú arbeiðir sjálvstøðugt, ert jalig/ur og dugir at samstarva. Tú heldur tíðarfreistir, arbeiðir við nærlagni og hevur fíggjarligt skil. Tað er ein fyrimunur, at tú dugir væl føroyskt og enskt. Tú dugir væl at samskifta og hevur góðar KT førleikar. Tað er ein fyrimunur, um tú hevur royndir við KT forritum, sum t.d MS Project, AutoCAD, Inventor og Ansys. STARVIÐ, LØN OG SETANARTREYTIR Talan er um eitt fjølbroytt og áhugavert starv við stórum fakligum og persónligum avbjóðingum í einum mennandi umhvørvi. Løn og setanartreytir eru í samráð við leiðsluna. Starvið verður sett skjótast gjørligt. MEIRA AT VITA Ynskir tú fleiri upplýsingar um starvið, ert tú vælkomin at seta teg í samband við Sunvard Joensen, leiðara av Verkætlanar- og teknistovudeildini, tlf. 791136. UMSÓKN Umsókn við prógvum, CV og møguligum ummælum, skal vera okkum í hendi í seinasta lagi 2. januar 2014 og sendast við telduposti til: sunvard.joensen@mest.fo MEST – J.C. Svabosgøta 31, Postboks 65, 100 Tórshavn – Tel.: 301100 – www.mest.fo ROYNDUR VERKÆTLANARLEIÐARI TIL MEST