hósdagur 12. desember 2013síða 16

Fríggjadagur 13. desember 2013 · Nr. 144 16 Sosialurin Hugskot og viðmerkingar – send sms til 225000 Mánadagin 16. desember verð­ur Marner Mortensen stjóri í Norðoya Sparikassa fimmti. Marner er ættaður úr Sørvági, men tað eru meiri enn tredivu ár síðani, at hann fór úr føðibygdini og eftir árini í Hoydølum flutti norður­eftir. Mamman, Mary, er av Lang­gaard fólkunum í Leir­vík, og pápin er Hans Morten­sen úr Sørvági. Tey eiga fimm børn: Herluf (1956) í Havn, Robert (1958) í Havn, Marner (1963), Petur Arni (1966) í Havn og Jonna (1968) í Hellebæk í Danmark. Marner er giftur Gudny fødd Olsen og ættað úr Árnafirði. Tey eiga trý børn: John (1984) og Mary (1991), sum bæði eru í Keypmannahavn, og Rúni (1997). Áðrenn Marner fór í Hoy­dalar, arbeiddi hann eitt skifti á skrivstovuni hjá Bur­meister&Wain, sum setti nýggjan motor upp á Sundi. Beinanvegin eftir at HF húgvan var komin á høvdið, fór Marner at arbeiða hjá Com Data, har hann var í tíggju ár. Á nýggjárinum í 1996 varð hann settur í starv í Norðoya Sparikassa, har hann arbeiddi í fyrisitingini og var teldumaður. Tá var Jó­ annes Poulsen stjóri í Spari­ kassanum. Marner fór skjótt eftir, at hann var komin í Spari­kassan, undir HD lestur í roknskapi og fíggjarstýring á lærda háskúlanum í Aar­ hus, har hann leyk prógv í 2001. Tá ið Eyðfinn Reyðberg var stjóri, var Marner vara­ stjóri samstundis, sum hann hevði ábyrgdina fyri rokn­ skapinum, og síðani á græk­ aris­messu í 2010 hevur hann verið stjóri í Norðoya Spari­ kassa. Tá ið hann varð settur í stjórastarvið, vóru tað iva­ leyst mong, sum ikki komust við stillføra mannin, sum ikki hevði verið nógv alment frammi. Dámligi sørvingurin í Klaksvík er nágreiniligur og miðvísur og ógvuliga ar­ beiðs­samur. Tað leypir ikki so nógv tíð av, men áhugamálini eru nógv og víðfevnd. Hann er tónleikaáhugaður og spælir uppá, hann hugnar sær saman við øðrum klaksvíkingum í innandurafótbólti, og honum dámar at koyra motorsúkklu. Marner er náttúrumenniskja. Honum dámar væl at kava, hann gongur á fjall í Árna­ firði, og honum líkar væl at ganga í fjøllunum. Abbabørnini fylla rímu­ liga nógv. Eldri sonurin, John, er giftur Erlu Hansen av Kambs­dali, og tey eiga tvær gentur: Súsanna (2010) og Olivia (2013). Føðingardagurin verður hildin leygardagin 21. de­ semb­er, tá ið øll eru væl kom­in í Skálan at heilsa upp á Marner. J 1. desember fekk Silas tvíburðasystrar. Tær vigaðu 2600 gr og 2900 gr báðar vóru 48 cm langar. foreldrini eru Katrin Dam og Sonny Johansen. Tey búgva á Eysturbrúgv í Keypmannahavn. 25. november fingu Elly Lind Jóanesarson, Runavík, og Magnus H. Olsen, Skálavík, ein son. Hann var 55 cm langur og vigaði 4050 gr. 8. desember fingu Salua Manai og Hanus R. Jensen, eina dóttur. Hon var 50 cm long og vigaði 3550 gr. 2. desember fekk Signhild Sofía Høj Joensen, Strendur, ein son. Hann var 54 cm langur og vigaði 3715 gr. 3. desember fingu Eline og Rasmus Hammer, Tórshavn, ein son. Hann var 55 cm langur og vigaði 3540 gr. 6. desember fingu Sigfríður Abrahamsen og Randi Sólsker, Eiði, eina dóttur. Hon vigaði 3500 gr og var 50 cm long Marner Mortensen 50 ár Føðingar