hósdagur 12. desember 2013síða 17

17 Fríggjadagur 13. desember 2013 · Nr. 144 Sosialurin Hugskot og viðmerkingar – send sms til 225000 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, og Bjørg Róin, lærari á Føroya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin.fo, og so svara Holger og Bjørg tær her í Sosialinum. Umsóknarfreistir á hægri útbúgvingum Danskt CPR.nr. og Nem-ID Spurningur um bústað i DK Spurnarsíðan Spyr og fá svar um útbúgvingar. Allar. Allastaðni. Spurningur: Hey! Eg ætli mær undir víðari útbúgving í Danmark í summar. Havi frætt, at tað kann vera sera ringt at fáa íbúð, so eg ætli mær at vera í góðari tíð at søkja. Eg ynski at sleppa at búgva á einum kollegii. Mín trupulleiki er, at eg ikki veit, um eg sleppi inn til tað, sum eg ynski mær, og heldur ikki, hvar eg vónandi sleppi at lesa tað, sum eg so gjarna vil. Eg ætli mær at søkja á fleiri universitet. So hvussu skal eg bera meg at viðvíkjandi tí at søkja kollegii í góðari tíð, tá eg ikki fyrr enn seinast í juli fái at vita, hvar eg vónandi sleppi at lesa. Kunnu tit geva mær nøkur ráð? Takk fyri! Svar : Ja, tað kann vera sera trupult at finna bústað í Danmark og serliga í teimum størstu býunum. Sum tú sjálv skrivar, ræður tað um at vera í góðari tíð. Okkara ráð: - Skriva teg upp til íbúð so nógvastaðni sum gjørligt, so tíðliga sum gjørligt. Tað kann vera upp til eitt ár áðrenn útbúgvingarbyrjan. Tá tú søkir, skalt tú skriva, nær tú ætlandi byrjar útbúgvingina. Fært tú tilboð um eina íbúð í einum býi, har tað seinni vísir seg, at tú ikki sleppur at lesa tað, sum tú hevur ynskt, takkar tú nei til tilboðið um íbúð (onkur annar verður glaður). - Hugsa eisini um aðrar íbúðarmøguleikar, t.d. privata leigu, búfelagsskap og lutaíbúð. Um hesar møguleikar kanst tú lesa í t.d. bløðunum bæði í Føroyum og í Danmark. Í Danmark m.a. í “Den blå avis”. Góðar leinkjur um kollegiir í Danmark finnast á ug.dk á “Om at finde bolig”. Millum annað eru hesar adressur : ungdomsboliger.dk kollegierneskontor.dk boliger.dk/kollegier.php Vónandi eydnast tað tær at finna eina íbúð! Vinarliga Holger og Bjørg Umsóknarfreistirnar at søkja um upptøku á hægri útbúgvingum eru rættiliga ymiskar frá landi til lands og viðhvørt eisini í landinum frá einum útbúgvingarstovni til ein annan. Set teg í samband við lærustovnarnar og fá meira at vita um freistir og umsóknarmannagongdir. Men minst til altíð at kanna freistirnar í góðari tíð, t.v.s. eitt ár áðrenn lestrarbyrjan, og gloym ikki at kanna upptøkukrøvini samstundis. Føroyar Freistin fyri kvotu 2 á Fróðskaparsetri Føroya er 15. mars. Søkir tú um kvotu 2, er tað samstundis ein umsókn umvegis kvotu 1. Freistin fyri kvotu 1 á Setrinum er 1. juli. Tekniski skúlin í Havn tekur í 2014 upp til byggitøkningur, klædnaatstøðingur og tilvirkis-útbúgvingur, ið tekur 2 ár og upptøka verður juni 2014. Framleiðslutøkningur hevur upptøka juni 2015. Handilsskúlin í Havn tekur upp til telduatstøðingaútbúgvingina og HD 1. part + HD 2. Part + Akademiútbúgvingina. Allar hava umsoknarfreist 1. juli 2014.. Danmark Freistin fyri kvotu 2 er 15. mars kl. 12.00. Søkir tú umvegis kvotu 2, er tað samstundis ein umsókn umvegis kvotu 1. Umsóknarbløðini eru tøk umleið 1. februar. Um tú ikki hevur NemID, skalt tú undirskriva og senda eina váttan við posti til hvønn einstaka stovn/útbúgving, ið tú søkir inn á. Henda váttan kemur fram, tá tú endaliga hevur góðkent tíni útbúgvingarval. Tað skal vera frammi innan 15. mars klokkan 12.00, fyri at tín umsókn á optagelse.dk skal vera viðgjørd. Freistin fyri kvotu 1 er 5. juli kl. 12.00. Umsóknarblaðið kann útfyllast online á optagelse.dk. Noregi Vanliga er freistin 15. apríl. Les meira á samordnaopptak.no Svøriki Vanliga er freistin 15. apríl. Les meira á antagning.se Ísland Tað er eingin felags upptøka til íslendskar lærustovnar. Freistirnar eru ymiskar frá stovni til stovns og umsóknarbløð fáast frá lærustovnunum. Til dømis er freistin 5. juni fyri norðurlendskar studentar, ið ætla sær at lesa á Háskóla Íslands. Finnland Umsóknarfreistirnar eru ymiskar frá stovni til stovns. Vanliga eru umsóknarfreistirnar til hægru útbúgvingarnar (kandidaatti/kandidat) millum januar og mai. Stóra Bretland Føroyingar verða roknaðir sum EU- íbúgvar í Stóra Bretlandi. Til ber at søkja gjøgnum UCAS.com. Tað er møguligt at søkja frá 1.9. árið fyri lestrarbyrjan og mann søkir sum einstakur lesandi. Við leinkið “Apply” er møguligt at finna góða vegleiðing. Vanliga umsóknarfreistin fyri hægri lesnað í Stóra Bretlandi er 15. januar, men fleiri lærustovnar velja at umhugsa umsóknir fram til 30.juni, um pláss eru tøk. MINST TIL at umsóknarfreistirnar til Oxford og Cambridge umframt lækna, djóralækna og einstakar aðrar útbúgvingar eru 15. oktober árið fyri, sum tú ætlar tær at byrja. Harafturat krevja fleiri lærustovnar innan læknavísindi í Stóra Bretlandi, at nýggj lesandi hava meldað seg til eina roynd (BMAT ella UKAT) ella at lesandi hava søkt og fingið dispensatión fyri eina tílíka roynd í seinasta lagi september árið fyri lestrar byrjan. Onnur lond Ofta verður umsóknin send beinleiðis til útbúgvingarstovnin og oftani kann tað vera eitt hálvt ár fyri lestrarbyrjan, men tað kunnu vera tøk pláss heilt fram til lestrarbyrjan. Einstøk universitet, millum annað tey heilt kendu og virdu í USA hava umsóknarfreist eitt heilt ár fyri lestrarbyrjan. Set teg í samband við lestrarvegleiðarar ella Admissions Service á staðnum, sum tú ætlar at søkja til. Ella set teg í samband við Altjóða Skrivstovuna, so kann vegleiða teg um tú ivast í onkrum. Hvussu fær mann danskt CPR.nr. og Nem-ID, tá ið mann skal lesa uttanfyri Føroyar? Lestur í Danmark: Tá mann sum føroyingur flytir til Danmarkar, skal mann fyrst og fremst fara til Borgerservice-skrivstovuna á kommununi, sum mann flytir til, og boða frá flytingini til kommununa. 1a. Um mann hevur danskt CPR.nr. kann mann fáa Nem-ID beinanvegin, um mann ikki hevur tað. 1b. Um mann ikki hevur danskt Cpr.nr., fær mann tað so skjótt mann boðar frá flyting til eina danska addressu, og so kann mann fáa Nem-ID. Tað kann t.d. brúkast til almennar stuðulsskipanir sum t. d. SU, sum mann kann søkja talgilt um gjøgnum “minSU”. Lestur uttanlands: 2. Um mann skal lesa uttanfyri Danmark og hevur danskt CPR. nr. í sínum passi og hevur havt addresssu, sum er skrásett í Folkeregisteret í Danmark, kann Nem-ID útflýggjast fyri 200 kr. á donsku sendistovuni í tí landinum mann er. Mann kann eisini fáa Nem-ID undan fráferð úr Føroyum gjøgnum Ríkisumboðið. 3. Um mann ikki hevur danskt CPR.nr. skal mann fyrst søkja SU-styrelsen um góðkenning av útbúgvingini og uppptøku á útbúgvingini, sum mann skal hava góðkenda. Síðani skal mann søkja um SU-stuðulin á einari pappírsumsókn og upptøkubrævið skal leggjast við. Eitt avrit av passinum og eitt “Tro og love”-oyðublað skulu sendast saman við umsóknini til SU. So syrgir SU fyri at seta seg í samband við SKAT í Danmark, sum gevur tær eitt danskt CPR.nr. Fyri at fáa Nem-ID noyðist studenturin at møta persónliga hjá Borgerservice í einari danskari kommunu. Hav neyðugu skjølini við so sum CPR.nr. og pass. Við Nem-ID kann mann samskifta við SU ígjøgnum “minSU”. Mann kann gott fáa bæði SU-stipendium og SU-lán við pappírsumsóknum (uttan Nem-ID), men tað tekur longri tíð enn við Nem-ID. Minst til at seta teg í samband við SKAT í Danmark og fyribilsskráset teg (fyri at sleppa undan at gjalda ov nógvan skatt) og send eina skattaváttan, ið tú fært frá TAKS í Føroyum, til SKAT í Danmark. Vinarliga Holger og Bjørg Nýggj bók – LES OG LÆR í FØROYUM 2014 - frá FUR (Føroya ungdómsráð) um útbúgvingarmøguleikar í Føroyum, er komin í heyst og kann keypast í bókahandlunum fyri 35 kr. Umsóknarfreist til UCAS í UK er 15. januar NORDPLUS-skipanirnar hava umsóknarfreist 1. mars. Aktuelt