hósdagur 12. desember 2013síða 38

nr. 144 · 13. desember 2013 6 VIKUSKIFTI mynd: ab.fo Hvat er títt starv? Sølumaður í Miðlahúsinum. Hvat er tað besta við starvinum? Nýggjar avbjóðingar og gott starvsfólk rundan um seg. Er tað strævi at arbeiða undir dead-line trýsti? Tað er ikki strævnari enn man ger tað til sjálvur, men tað kann ofta vera sera hektist. Tú er hondbóltsdómari, hvat er áhugavert við tí? Tú ert undir stórum trýsti allatíðina og tí trívist eg faktist væl við, stórar avbjóðingar har tú hevur eitt lítið sekund at taka avgerðina í. Tú kemur saman við nógvum nýggjum fólki. Hvønn tónleik dámar tær best? Eg haldi sjálvur at eg kann lurta eftir næstan øllum tónleiki. Hvat ger teg í góðum lag? Mínir fantastiska góðu vinir, og eg havi eina góða familju at koma heim til hvønn dag. Hvat ger tú í frítíðini? Sum oftast okkurt, sum hevur við fótbólt ella hondbólt at gera, og so eri eg saman við vinum. Hvørjum hyggur tú eftir í sjónvarpinum? Góðum filmum og so fótbólti. Hvussu eru tínir matvanar? Alt for ósunnir. Hvat er tín lívrættur? Lambakjøt, rómaeplir og brún sós frá babba. Dámar tær at gera mat sjálvur? Ja. Hvør bók liggur á náttborðinum? My autobiography by Sir Alex Ferguson. Mær dámar ikki poppmusikk. Men undantøk eru. Undantøk eru altíð, einki undantak uttan undantak. Og mær dámar als ikki tað slagið av hugnapoppi, har sum eitt fólk syngur og spælir gittar. Ikki so frægt, at slíkt singalone fær mítt elskaða land at nærkast kókipunktinum. Men so. Á Stroynum í drotningarinnar Keypmanna­ havn, við Storkanna gosbrunn, sat Peter Jones í sixpence, úr Liverpool (ja, Liverpool, mín sann), so segði hann, og gittar­ spældi og sang sínar perlur saman við The Lazy Bandits, við­hvørt tveir, viðhvørt fleiri enn tveir bandittar. Har í fyrijólakuldanum legði hann sínar verðsligu sálmar á gongugøtuna, so jólaskreytið hjá Illum fánaði og stoyptu storkarnir fóru á flog. Frálík løg og frálík orð og frálík framførsla við slíkum drive, kallast tað vist, at eg slapp ikki víðari fyrr enn hann var liðugur. Rúnabundin. Tey, sum vilja kanna, um eg reypi og/ella lúgvi, kunnu fara á Youtube. Har er Peter Jones. Og har skrivar ein, at hann hoyrdi Peter Jones á Stroynum fyri tíggju árum síðani, í 2003. Sanniliga ein garvaður gøtu­ sangari. Veit ikki, um hann og hansara bandittar eru har á Stroynum enn. Men tit, sum eru í Keyp­ manna­havn ella fara hagar. Gevið tykkum stundir, góðar stundir, at lurta eftir Peter Jones. Frá mær fær hann allar jólastjørnurnar. Latið okkum so fara til aðrar tónleikarar. Tey, sum uttan at rodna stjala tíð frá fólki. Í Reykjavík eru nógv skeinki­ støð, sum bjóða tónleik næstan hvørt kvøld. Eitt teirra hevur vanliga eina spennandi skrá. Men hon krevur forbannað gott tol. Tað havi eg ikki. Á hurðini stendur, at konsertin byrjar klokkan 21.00. Hóast farin eitt vet upp um tey trýss, eri eg framvegis so góðvarin, naivur og heim­føðis­ ligur, at eg haldi, at klokkan 21.00 er klokkan 21.00. Tað er 21 null null. Ikki 21 og okkurt nógv afturat. Klokkan 21.18 ella har á leið fer tann fyrsti, sum skal syngja ella spæla í kvøld, upp á pallin fyri at trýsta á tveir ella tríggjar knøttar og snara einum. So hendir ikki meira enn tað. Løtu seinni eru fleiri á pallinum, tøknimaðurin skilst og umboðs­ maðurin, sæst. Klokkan 21.47 fær onkur upp í lag at boða frá, at tøknin virkar ikki. Klokkan 21.53 eru øll, sum áttu at verið á pallinum klokkan 21.00, komin á pallin. »Orsaka, vit eru so sein, men vit høvdu tekniskar trupulleikar.« Gomorin og kyss meg. Slíkir tøkniligir trupulleikar áttu at verið staðfestir kl.20.18 og loystir kl.20.53. Sjálvandi. Hetta hendi tvey kvøld á rað. Triðja kvøldið gekk eg framvið. Klokkan var nakrar fáar minuttir yvir 21.00. Og á pallinum sótu tríggir gubbar og spældu djass. Men teir eru eisini allir seksti pluss minus ikki nógv. Og munurin millum okkum og teimum ungu er, at vit duga klokkuna. Vit ikki bara duga hana, vit virða hana eisini. Og tøknin, teldan, hevur ongantíð skyldina. Hana eigur vantandi fólkaskikkur. So leingi hallelujafólkið sigur seg eiga hjúnabandið, eigur eingin at sleppa at gifta seg, kynd hetta ella kynd hatta. Eingin, ikki bara børn undir 18 ár og samkynd. Hjúnaband er fjøturband, tjóður, leinkja, misskiljing, frælsis­skerjing. Tey flestu angra eis­ini, at tey lótu seg tøla. Spyrt tú meg, tað gert tú ikki, men svarið er kortini nei. Samkynd eiga ikki at sleppa at gifta seg. Eingin eigur at sleppa at gifta seg. Tað er veruligt frælsisstríð. Bara ein hóttur minniluti fær meira umrøðu enn tey samkyndu í Føroyum, pandabjørnin. Eg sigi sum Peter Jones í einum sangi: “We Don´t Care, What Other People Say.” Og til helvitis við jólunum. Umafturafturum høgni djurhuus Móðurmálsviðursløn 2012 Thomas Juul S. Thomsen lagt til rættis: Leo Poulsen Trívist undir stórum trýsti Tað sigur Thomas Juul Sólbjørnsson Thomsen, sum kortini ikki heldur, at tað er strævnari at arbeiða undir dead-line, enn ein sjálvur ger tað til. Hansara fantastiska góðu vinir og familjan gera hann í góðum lag, og á náttborðinum liggur bókin, »My autobiography« hjá Sir Alex Ferguson Gøtuperlur