mánadagur 16. desember 2013síða 9

9 Mánadagur 16. desember 2013 · Nr. 145 Sosialurin Hugskot og viðmerkingar – send sms til 225000 PISA-kanning Botnurin skal leggjast í fyrsta flokki Undirvísingin er ikki løgd til rættis eftir Pisa- kanningum, staðfestir flokslærarin í 9. flokki í Sørvágs Skúla, sum heldur fast við sína námsætlan. Núverandi 9. floks næmingarnir kenna seg ikki aftur í kanningini, sum var gjørd av teimum, ið gingu í 9. Flokki skúlaárið 2011/2012 Ingolf S. Olsen – Um hesi børnini fóru til Pisa-kanning, og úrslitið hevði víst, at tey lítið og onki dugdu, so hevði eg mót­mælt. Tað sigur Marin Sigvalds­dóttir Bláberg, floks­lærari og føroyskt- lærari í 9. flokki í Sørvágs Skúla. Hon ivast stórliga í, um Pisa-úrslitið er rætt­ vísandi. – Árgangir kunnu sjálv­sagt vera ymiskir, men tað skal vera løgið, um tað stendur so illa til í veru­leikanum, sum kann­ingar­úrslitið vísir. Ein frá­greiðing kann vera mátin, kanningin verður gjørd upp á, sigur Marin Sigvalds­dóttir Bláberg. Øðrvísi roynd Hon vísir á, at Pisa-kann­ ingin er ein sonevnd multiple choice roynd, har hvør spurningur hevur fleiri svarmøguleikar, sum næm­ing­urin so skal velja ímillum. – Føroyskir næmingar eru ikki vanir við hatta slagið av royndum, og tað kann hava stóra ávirkan. Vit kunnu jú ikki vænta, at tú dugir at koyra bil fyri tað, um tú dugir væl at koyra skutara, sigur Marin Sigvaldsdóttir Bláberg. – Eg haldi, at nýggja royndin »Lesifatan«, sum Mentamálaráðið er komið við, minnir meira um mátan, sum Pisa brúkar, sigur floks­lærarin. Hon ætlar ikki at koll­ velta sína undirvísing orsaka av Pisa-úrslitinum. – Vit leggja dent á onnur ting enn Pisa ger, og eg ætli mær at fylgja okkara náms­ætlan fyri 9. flokk. Í før­oyskum merkir tað í høvuðs­heitum fyrisøgn, mál­læra og tekstgreining fimm tímar um vikuna, sigur Marin Sigvaldsdóttir Bláberg. Sørvágs Skúli telist millum teir smæstu fram­ halds­skúlarnar í land­inum við bert einum flokki á hvørjum stigi í fram­halds­ deildini. Fyrimunir og vansar Tað hevur bæði fyrimunir og vansar við sær, heldur flokslærarin í 9. flokki. – Akkurát hesin 9. flokk­ urin, sum eg havi nú, er nokk so javnur fak­liga, men annars tillaga vit undir­ vísingina eftir næminga­ tørvi eins og aðrir skúlar. Vit hava sjálvsagt ikki líka nógvir breytir sum teir stóru skúlarnir, men vit royna altíð at gera okkara besta at hava eitt fjølbroytt breytaútboð, sigur Marin Sigvaldsdóttir Bláberg. Hon heldur annars, at tað er skeivt at fokusera so nógv upp á 9. flokk, bara tí, at tað eru næmingar á hesum floksstigi, sum eru við í Pisa-kanningunum. – Byrjunarundirvísingin er tann grundleggjandi undir­vísingin, ið legg­ ur botnin fyri alla eftir­ fylgjandi undirvísing. Tað er í fyrsta flokki, at børnini læra at lesa, so har skal eitt stórt arbeiði gerast av lærarum, sum tíma sítt ar­ beiði. Tí undrar tað meg, at lærararnir í fyrsta flokki onga fyrireikingartíð hava, meðan vit lærarar í fram­haldsdeildini hava tað. Tíbetur fáa fyrsta floks-lærarnir eisini fyri­ reikingar­tíð frá næsta skúla­ári, sigur Marin Sigvaldsdóttir Bláberg. Tað eru serliga lesi­ førleikar­nir, ið eru í brenni­ deplinum í sambandi við føroysku Pisa-kanningina, men næmingarnir í 9. flokki í Sørvági kenna seg ikki aftur í vánaliga úrs­ litinum. Tey flestu siga seg lesa javnan av egnum huga og halda eisini, at úrvalið av føroyskum bókum er hampu­liga gott. – Um hesin børnini fóru til Pisa-kanning, og úrslitið vísti, at tey onki dugdu, so hevði eg mótmælt, sigur Marin Sigvaldsdóttir Bláberg, flokslærari hjá 9. flokki í Sørvágs Skúla Myndir: Álvur Haraldsen – Eg lesi nógv, bæði føroyskt og enskt. Mær dámar upp á ein máta betri at lesa enskt, tí enskt er meira fjølbroytt enn føroyskt, sigur Birna Joensen, ið eftir 9. flokk ætlar sær eitt ár til Írlands sum skiftisnæmingur fyri at blíva enn betri til enskt Teitur Anderson er ósamdur við restina av floks­feløgunum í 9. flokki í Sørvágs Skúla um, at føroysku lærubøkurnar eru góðar. – Danskar lærubøkur eru nógv lættari at skilja enn føroyskar, sigur hann Rannvá Skaalum Petersen ivast eitt sindur í, um hon skal taka 10. flokk, áðrenn hon fer í holtur við studentsprógvið, men annar er hon als ikki í iva um sínar framtíðarætlanir. – Eg fari at lesa jura, sigur hon – Stílarnir vóru lættari upp á tann gamla mátan, men vit læra meira nú, tá vit gera meira burtur úr greining, sigur Hilmar Gudmundsen um broyttu undirvísingina og próvroyndirnar í føroyskum framhaldsdeildini. Hilmar ætlar sær til skips eftir loknan 9. flokk at vita, um sjólívið er nakað fyri hann. Er tað tað, væntar hann at fara at lesa til skipsførara – Eg kundi væl hugsað mær eina útbúgving sum tíðindafólk, í øllum førum vænti eg at skula útbúgva meg í Danmark, og tí fari eg á eftirskúla í Vejle eftir 9. flokk fyri at læra meg danska málið betri, sigur Katrina Davidsen