leygardagur 29. mai 2004síða 6

10 Nr. 101 - 29. mai 2004 Nr. 101 - 29. mai 2004 11 Vøtnini millum samgongu og andstøðu eru um at skiljast. Í byrjanin var alt at kalla idyllur, og andstøðan fekk eitt uppskot fyri og annað eftir samtykt á tingi við atkvøðunum hjá samgong- uni. Andstøðan setti politisku dagsskránna og fekk til hetta góða hjálp frá vælmeinandi ting- monnum úr samgonguni, sum av einum erligum hjarta royndu eftir tí breiðu semjuni. Tað sá eisini út sum, at tað skuldi verða and- støðan, sum avgjørdi, hvussu fíggjarlógin skal síggja út. Tá álitið frá fíggjarnevndini kom fyri dagsins ljós, vísti tað seg, at andstøðan hevði sett so nógv og so greflig fingramerki á upp- skotið, at tað gjørdist landsstýrismonnum sam- gongunnar ovboðið. Tá fyrrverandi fíggjar- málaráðharrin so omaná alt fór í sjónvarpið og segði uppskotið vera sítt uppskot, fleyt bikarið yvir. Málið fór aftur í fíggjarnevndina, og endin gjørdist, at uppskotið hjá samgonguni varð samtykt við nøkrum av hjartamálum andstøð- urnar. Nú er so vent í holuni, og andstøðan er farin í frontalálop á samgonguna. Tað kunnu vera fleiri orsøkir til hetta. Ein orsøkin kann vera tann heilt einfalda, at teir hundrað dagarnir nú eru lidnir. Hetta plagar vanliga at merkja, at friðingartíðin hjá einum landsstýri er av. Hetta kann eisini stava frá frustratiónum av, at tað ikki eydnaðist at taka samgonguna av ræði í fíggjarnevnindi. Ella, at tað við øðrum orðum er vorðið greitt, at tann sera framfýsni semju- søkjandi politikkurin hjá andstøðuni nú er miseydnaður. Andstøðan sær nú vandan fyri at verða sett heilt út í myrkrið av eini samongu, sum hevur ein so stóran meiriluta aftan fyri seg, at henni ikki nýtist at samstarva. Tað er her vit helst skulu finna orsøkina til at samgongan knappliga finn- ur seg sjálva undir álopi, tað verið seg av stór- málum sum ES og NATO ella av einum hvørj- um tíðindaskrivi, sum verður lagt út sum, at landsstýrismenn ella løgmaður ynskja at blaka torvmold í eyguni á fólki. Hetta er eitt kreppu- tekin hjá andstøðuni, og tí eigur hon at ansa sær, at hon ikki loypir heilt framav. Landsstýrið eigur eisini at ansa eftir, at tað ikki einvíst nýtir sín stóra meiriluta móti andstøðuni. Tann breiða semjan er altíð sterkasta loysnin, um tað væl at merkja er sitandi samgonga sum setir politisku dagsskránna. DAGSINS MEINING Sosialurin Vøtnini skiljast VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Durita Simonsen durita@sosialurin.fo Gudny Langgaard gudny@sosialurin.fo Finnbjørg Nattestad finnbjorg@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Heini í Skorini heini@sosialurin.fo Rúna Sivertsen runa@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Hans Kárason Mikkelsen hans@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Kaj Leo Johannesen Sambandsflokkurin "Drop bloktilskudet til Færøerne" var boðskapur- in, sum Hermann Oskars- son, formaður í búskapar- ráðnum hevði at bera dønum í tíðindasendingini hjá Danmarks Radio týs- morgunin í hesi vikuni. Tíðindakvinnan endurgav formannin í búskaparráð- num fyri at siga, at "det er 1 mia. kroner direkte ud af danske skatteyders lommer og er bare til besvær for Færøerne, som de sidste ti år har sendt pengerne vid- ere til udlandet". At fáa slík boð frá "for- manden for Færøernes øko- nomiske råd", má vera skelkandi fyri danskar skattgjaldarar og politikar- ar, tí tá sagt verður, at peng- arnir verða sendir víðari til útlond, so kann tað skiljast sum um at føroyingar ikki hava brúk fyri pengunum sjálvir, og tí geva teir burtur til onnur at brúka. Men so- leiðis er veruleikin sjálv- sagt ikki. Føroyingar hava brúk fyri blokkstuðlinum, um vit skulu varðveita tær tænastur, sum føroyska samfelagið hevur at bjóða sínum borgarum. Eingin endastøð Pengar hava tann løgna eginleika, at teir enda onga- staðni, men eru alla tíðina í umferð. Tað at vit arbeiða og fáa løn útgoldna, er í sær sjálvum ikki tað sum gevur okkum mat í munnin, men tað at vit keypa matvørður fyri pengarnar (tað vil siga lata pengarnar frá okkum aftur), ger at vit kunnu eta okkum mett. Hetta er eisini galdandi fyri bæði blokkstuðulin og aðrar pengar, sum koma inn í føroyska samfelagið. Pengar sum vit vinna fyri útflutningsvørur verða eis- ini "sendir av landinum" aftur, men tað merkir ikki, at teir eru óneyðugir ella "bare til besvær for Fær- øerne", sum Hermann Oskarsson sigur um blokk- stuðulin. Vit fáa bæði vørur og tænastur fyri pengarnar, tá vit gjalda við teimum. Búskaparráðið Uppgávan hjá búskaparráð- num er at ráðgeva um bú- skaparlig viðurskifti og tí er tað umráðandi, at úttalilsini frá ráðnum hava somikið við veruleikan at gera, at tey sum skulu hava ráðgev- ingina megna at fylgja við. Sambandsflokkurin átek- ur sær ongan rætt til at ávirka búskaparráðið polit- iskt, men flokkurin stendur spyrjandi yvirfyri hesum úttalilsinum, og vil tí spyrja, um búskaparráðið og tess limir veruliga halda, at ein milliard, sum ikki verður brúkt, kemur inn í føroyska samfelagið, og at vit onga nyttu fáa burturúr hesi milliardini áðrenn hon fer av landinum aftur? Jógvan Arge býráðslimur Eitt kærumál hjá minnilut- anum í Tórshavnar Býráð er endað við, at kommunala eftirlitið hevur skorið út í papp, at tað er kommunu- stýrið sjálvt, sum er játt- anarmyndugleiki í peninga- málum, og hesin myndug- leika kann ikki latast eini býráðsnevnd. Minnilutin varnaðist fyri einum góðum ári síðani, at býráðsmeirilutin var farin undir eina nýggja manna- gongd, sum hevði við sær, at býráðið sjálvt ikki fekk høvi til at taka støðu til stórar byggiætlanir av barnagørðum, skúlum og øðrum byggingum. Málini vórðu viðgjørd og avgreidd í avvarðandi nevndum og komu ikki fyri býráðið. Samstundis varð ein roynd gjørd at gera eina mannagongd, sum als ikki hevði sjálvt býráðið inni í málsviðgerðini, men bert umsitingina og sernevndir- nar. Hetta hildu vit í minni- lutanum vera heilt burtur- við, og av tí, at meirilutin forðaði okkum beinleiðis at fáa hesi málini avgjørd í sjálvum býráðnum, vendu vit okkum til kommunala eftirlitið við fyrispurningi um, hvussu kommunulógin skuldi skiljast. Har stendur klárt og greitt, at kommunustýrið er játtanarmyndugleiki - og ongin annar - og hetta hevur kommunala eftirlitið nú útgreinað í einum svari á kæru okkara. Kommunala eftirlitið skrivar m.a.: "at einstøku íløgurnar í barnagarðar, vøggustovur og aðrar stovnar skulu viðgerast og samtykkjast av býráðnum, tá fíggjarætlanin ikki hevur tikið støðu til ítøkiligu íløg- urnar ella ikki nóg neyvt hevur tikið støðu til hesar. Ein nevnd kann sostatt ikki játta pening ella seta arbeiðir í verk, sum komm- unustýrið ikki staðiliga hevur játtað pening til - annaðhvørt á sjálvari fíggj- arætlanini ella seinni. Tílík mál, sum verða viðgjørd í nevndunum, skulu sostatt leggjast fyri kommunu- stýrið til avgerðar". Í próvførslu okkara løgdu vit eisini dent á, at komu slík mál ikki fyri sjálvt býráðið á almennum fund- um, so høvdu borgarnir als ongar møguleikar at vita, hvat fór fram í býráðnum á hesum økjum, tí nevndar- fundirnir eru fyri læstum hurðum. Her vóru sostatt hvørki opinleiki ella gjøg- numskygni. Somuleiðis løgdu vit dent á, at tað kundi ikki vera rætt, at meir enn helvt- in av býráðnum kundi hald- ast uttanfyri so týðandi av- gerðir, sum hesar. Býráðs- nevndirnar hava sum kunn- ugt fimm limir av teimum trettan býráðslimunum. Nú hava vit so fingið hetta upp á pláss og ætla at halda okkara kós fram móti opinleika og gjøgnum- skygni til frama fyri øll í Tórshavnar Kommunu. Pengar hava onga endastøð Stórsigur til minnilutan Laila av Reyni Barbara Jacobsen Fyrst í mars mánaði hoyrdu vit dagrøktarar sum slatur, at stórar broytingar verða á dag- røktarøkinum. Bygnað- urin í dagrøktini skal broytast, vit skulu »splittast at« og knýtast at ymiskum stovnum. Tað frættist eisini, at onkur stovnsleiðari av- gjørt ikki var áhugaður í at fáa okkum inn, tí tað var tað als ikki pláss fyri. Vit dagrøktarar tosaðu aftur og fram. Hettar slaturið kundi ikki koma av ongum, men undar- ligt, at vit ikki eru tiknar við upp á ráð. Hví fund- ast við stovnsleiðarar, tá tað eru okkara størv talan er um? Hvør kennir dag- røktina betur enn vit, um broytingar skulu gerast? Vit vóru hóast alt positiv- ar: Kanska skipanin, sum nú er, krevur ov nógv av hvørjum einstøkum? – Sum er ynskja vit meira vitjan av økispedagogum enn tær hava tíð til, og kanska sleppa vit endi- liga at avspáka (okkara arbeiðsvika er uppá 48 tímar og 45 min.). Vit skuldu á vanligan økis- fund 9. mars, so vit vænt- aðu at frætta meira tá. Rætt var – telefonketan gekk áðrenn fundin: »Tað var umráðandi, at allar møttu, tí vit skuldu hoyra um »Tankar« um broytingar í dagrøktar- skipanini«. Vit komu á fundin og fingu sjokk: Tórshavnar kommuna ætlar at »av- vikla« dagrøktina til au- gust. Tað hevði verið ein arbeiðsráðstevna 19.-20. februar fyri stovnsleið- arar (hví vóru vit ikki eisini bjóðaðar við?) við evninum: Størri saman- hang millum dagrøkt og stovn. Hettar er tað fyrsta vit dagrøktarar fáa at vita um hesa »ætlaðu« stóru broyting. Vit blivu bólk- aðar og vóru bidnar um at koma við viðmerking- um og spurningum til glarðurnar vit høvdu sæð. Tað var nógv tosað í bólkunum, tí summar vóru heilt ørkymlaðar »Hvussu kann hettar lata seg gera? Vita tey ikki, hvussu smábørnini hjá okkum eru nú?« (Á ein- ari glarðu stóð um felags tiltøk sum t.d. útferðir, jólaveitslur og tunnu- sláttur). Okkara børn eru umleið 1 ára gomul. Innaftur at spyrja – nú var eingin ivi. Hettar vóru ikki »Tankar«, her skal okkurt álvarsligt gjøgnumførast. Flestu spurningar kundu ikki svarast, tí ein arbeiðs- bólkur var settur at ar- beiða við málinum, so trivnaðarstjórin (vit ivast í um býráðið veit, hvat trivnaður er, hóast stjóri er á økinum) visti einki konkret. Leiðarin í dag- røktini er ikki við í ar- beiðsbólkinum, og tað er eingin ivi um, at hon hev- ur fingið ógvuliga vána- liga viðferð, tí tað kom fram sum svar uppá onk- ran spurning, at eingin leiðsla var – altso leiðar- in og økispedagogar vóru so at siga uppsøgd á fundinum. Vit fingu at vita, at teir fáu dagrøkt- arar sum verða eftir, skulu arbeiða út frá stovnunum, og restin eru »tryggjaðar« starv aðra- staðni á barnaansingar- økinum hjá Tórshavnar kommunu. Aftaná fundin hildu vit áfram at tosa um allar broytingarnar. Onkur hevði lítið og einki fingið við, so sjelk- að var hon. Vit eru sikrar í, at fakfelagið hjá okk- um fór ikki at finna seg í slíkari viðferð! Hvør fær arbeiði hvar? Vit eru allar ósikrar – hvat við lønini? Onkur ætlaði at siga upp aftaná fundin, men sum altíð tekur man »hen- syn«. Hvat við børnun- um? Hetta er so bundið arbeiði, man sigur ikki upp uttan víðari. Vit høvdu roknað við, at onkur stovnsleiðari fór at úttala seg til bløðini. Er tað pláss fyri okkum á stovnunum? (4 barna- vognar afturat). Hvat siga stovnsleiðarar til at »skula« seta dagrøktarar í starv framum onnur??? Vit hava frætt, at vit ikki verða tiknar fram um. Hvussu halda tit at vit føla okkum í løtuni??? Politikkarar – hvat halda tit??? VIÐMERKINGAR Býráðið er ótrúligt! Virgar T. Dalsgaard Nú harra Høgni Hoydal er komin niður aftur á danska Fólkatingið, hevur hann á vanliga narcissistiskan hátt saman við teimum báðum grønlendsku fólkatings- kollegunum kallað saman eitt valalið av dønum, sum hann á knortlutan hátt og við vanliga bombastiskum orðalagi vil hava at hjálpa sær móti føroyingum og føroyska landsstýrinum. Naivir danir skulu heila- vaskast til loysingarmenn av útnyrðingsmonnum! Henda fjákuta norðurat- lantiska alliancan millum føroyingar og grønlend- ingar er bæði vanærislig og hartil ein eyðmýkjandi stór skomm! Tá ið Hoydal ikki fær sín vilja við føroysku veljarun- um, ja so krýpir hann heilt eftir tí gomlu loysingar- receptini beint undir danska skjúrtufaldin og skal bidda sær stórdanska hjálp til at trumfa síni sjón- armið ígjøgnum. T.d. hevði hann boðið sjálvum stjór- anum fyri Danska Natio- nalbankanum (sic) at skifta orð um framtíð Føroya. Hvat hugsar ein slíkur maður fyri sær? Er debattin um føroyska parlamentar- ismu nú flutt inn í danskan valutapolitikk? Við allari respekt fyri frú Bodil Nyboe Andersen, – men hvat í allari víðu verð veit hon um føroyskan politikk, og við hvørjum mandati skal tann neyðars kvinnan úttala seg? Hví skal henda sakleysa kvinna gerast gísli og kastibløka millum Hoy- dal og føroysku mótstøðu- menn hansara? Men ikki nóg mikið við hesum danska kransakøku- figuri, nei, nei hann hevði harafturat sjálvandi boðið einum íslendskum profess- ara sum talara – hetta tykist at vera fastur siður hjá fullveldisprofetum – men álvaratos, hvat rakar før- oyskur politikkkur íslend- ingar? – Lat teir fáa skil í egnum húsi, og lat teir royna at berja seg burtur úr síni fíggjarligu armóð – »fyrimyndarlandið«, sum hevur lægstu lønir í øllum Norðureuropa, og annars livir av mannminkandi amerikanskum blokkstuð- uli fyri eina ivingasama militerstøð! Tað er ein landaskomm, at harra H.H. absolutt vil blanda grønlendskan og føroyskan politikk saman – vit hava snøgt sagt einki til felags, – præmissurnar eru fundamentalt ólíkar, men tað hevur eydnast harra Hoydali upp á minni enn seks ár at billa summum dønum inn, at grønlend- ingar og føroyingar eru »eitt feitt«! Endiliga hevði H.H. boð- ið tí permanenta harra Her- manni Oskarssyni, okkara »leiðandi« hagdrongi vid. Hesin sjáldsami »økonom- ur« kom við sínum vanligu ábyrgdarleysu úttalilsum um blokkin, úttalilsir, sum vísa, at maðurin antin ikki respekterar ella dugir ta lítlu tabellina. Hann loypir lætt og elegant um alla multiplikatoreffekt og setir paritetiskt virði millum blokkpening og føroysku fíggjarlógina. Tá er hann ikki meira seriøsur enn tann láturligi tjóðveldis- økonomurin, harra Jóannes Eliassen, sum ferðaðist sum trúboðari hjá H. H. við Hvítu Bók um alt landið á sinni. Sum økonomur er Oskarssonurin púra óseri- øsur, og kann ongantíð takast fyri fult – ikki bara eftir henda fundin, men eisini fyri sín politiserandi facon, síðan hann gjørdist leiðari av polit-bureau (bú- skaparráðnum)! Ófatuligt, at ein tílíkur maður kann sita í embætisstarvi og møsna og dumma seg ferð eftir ferð, antin hann so er albanskur statskapitalistur ella karráur og ultralibe- ralur Friedmanns-apostul! Men vit leggja til merkis, at eingin – heldur ikki fíggjarministarin Bárður Nielsen – var boðin frá føroyska landsstýrinum – hetta er avbera forvitnisligt. Hvør gevur harra H.H. mandat til at skipa fyri religiøsum vekilsismøti um loysing, uttan at nakað beinleiðis umboð er fyri føroysku stjórnina? Grammur danskur gulldrongur Harra Høgni Hoydal fær 116.000 kr um mánaðin – hetta er ein av dýrastu politisku dreingjum okk- ara, og við slíkari inntøku, heldur hann kanska, at hann noyðist at markera seg, so fólk halda, at hann ger okkurt lítið fyri lønina! Tí so mikið kunnu vit, ið hvussu so er, øll semjast um, at hesa astronomisku lønina er hann als ikki verdur, ikki í nær ella nám- indu!. Vit duga væl at síggja, at tað er møtimikið hjá mann- inum at vála desperatur í politisku oyðimørkini men tó er hann við danska loys- ingarfundinum vassaður ov langt út í illoyalan absurdi- tet. Tað tilkemur ikki før- oyskum fókatingsmonnum at tjakast um politisku framtíð Føroya, hvørki við frelstar danir, íslendingar ella grønlendingar – tað hava hvørki Oskarssonur ella Hoydalur moralskt mandat til, nei, tað skulu føroyingar gera sjálvir heima í Føroyum! Lítið borðbært er, at ein maður, sum vinnur meira um mánaðin, enn ein før- oysk fiskavirkiskona ger upp á eitt hálvt ár, skal troysta sær at tosa við út- lendingar um loysing og fullveldi, sum fyrst og fremst vil skerja føroysku lág-inntøkurnar uppaftur meira! Men harra H.H. og hansara akademisku líkar verða valla skerdir í fyrstu atløgu! Hesum áttu før- oysku politiserandi trúboð- ararnir at upplýst sínum íslendsku, grønlendsku og stórdonsku vinum eitt sindur um! Loysingarrørsl- an hevur altíð dult sum mansmorð, hvussu full- veldið fer at skerja korini hjá teimum ringast støddu! Fullveldismissionerar, hag- dreingir og aðrir playboys fáa nokk onga neyð – slíkir flóta altíð omaná! Vit vóna, at Føroya landsstýri gevur harra Høgna og hinum norðurat- lantisku frellunum ein hóskandi og væl uppibor- nan »lúsing« og eina sera hvassa átalu fyri at vága sær at flyta føroyskan inn- anlendispolitikk niður á politiskt-religiøsan stór- danskan vekilsisfund á Christiansborg. Kann Høgni Hoydal ikki markera seg á annan og meira civiliseraðan hátt, er tað nógv betri, at hann heldur fram at snorksova ella bara njóta tað frálíka vakra danska landslagið og tað undurfagra og lýggja várveðrið, sum beint nú er komið! Tað áttu nú eins og fyrr at verið góð líkindi fyri eina »imperialistiskt plág- aða tjóðveldishetju« at dusa sær í skemtiliga, spennandi og várkáta bý- num Keypmannahavn, tá ið árslønin er umleið 1,4 milliónir krónur av kúgandi donskum gulli, sum verður supplerað við fríari telefon, fríum faksi, fríari teldu, skrivstovuhaldi, skrivara og skattafríum donskum borð- fæi! Sjálvt ikki tann klassiska fríggjadagsbønin hjá fundamentalistunum í tjóð- veldisflokkinum hevur nakrantíð verið so fjaður- sár, innantóm og endamáls- leys sum hetta tápuliga vekilsismøti hjá Høgna Hoydali, sjálvt um hann sjálvur heldur, at hann hev- ur fingið nakrar deyðlúgv- aðar danir umvendar til loysingarmenn. Tey fáu, sum vitnaðu, virkaðu, sum um tey ikki rættuliga vistu, hvørja grammofonplátu, tey skuldu lira av fyri at tekkjast Høgnaliðinum! Tó eru hópin nógv, ið enn fáliga spyrja – hví varð hetta møtið hjá fundamen- talistisku fullveldissektini hildið á danska Fólkating- inum í Danmark og ikki í Mekka, nei orsaka meg í Reykjavík, har teir hava so nógvar reystar íslendskar loysingarvinir? Hví leggja íslendingar ikki bæði gist- ingarhús og Alting til; hví fíggja hesir fullveldisvinir ikki við tí sterku íslendsku krónuni – hví skulu danir altíð gjalda, tá ið tjóðveld- ismenn skulu upp at flagsa, reypa og hava dýran gorr- ingarfund? Fjákut og fundamentalistiskt vekilsismøti á Christiansborg Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. C M Y K 11 10