mánadagur 30. desember 2013síða 23

23 Mánadagur 30. desember 2013 · Nr. 148 Sosialurin Hugskot og viðmerkingar – send sms til 225000 ítróttur Fótbólturin heiðrar tey bestu. Tað sæst væl, at HB hevur havt eitt gott kappingarár. Sonni Ragnar Nattestad ger um seg í donskum fótbólti og fær nýggjan sáttmála. Bæði føroyska a-landsliðið og U21 landsliðið spæla sínar seinastu landsdystir hetta ári. Fleiri av okkara bestu avrikum verða framd í Danmark, har føroyingar gera seg galdandi í svimjing, flogbólti og fótbólti. Her heima á klettunm velur hondbóltsvenjari at takka fyri seg orsaka av sjúku. Talvlandsliðið ger um seg í smálanda kapping. november desember Fróði og Heidi best pál vinnur em-silvur Tróndur Arge Fróði Benjaminsen og Heidi Sevdal, bæði úr HB, verða kosin til ársins spælarar í før­oyskum fótbólti í 2013. Eitt kappingarár, sum byrjaði longu 2. mars og endar í novembur fyri fleiri av spælar­unum. Fróði Benjaminsen er 35 ára gamal, men hugurin er fram­vegis til fótbólt. Hann verður ársins spælari framman­fyri Christian R. Mouritsen og Páll A. Klettskarð. Hjá kvinnunum er Heidi Sevdal stóri vinnarin. Hon fær gullskógvin og vinnur heitið ársins áleypari og ársins spælari. Henni stendur í boðið at royna seg uttanfyri Føroyar. Tróndur Arge Pál Joensen vinnur EM silvur í stuttgeil í Herning. Lítið bendir á, at Pál fer at roynast so væl, tá hann ikki klárar seg so væl á 400 m teininum. Á 1.500 m teininum gongur tó nógv betri. Pál blívur numm­ar tvey og vinnur silvur. Tíðin er 14:35.99. Hann er fimm sekund frá gullinum, men verður eisini órógvaður av, at svimjihettan dettur av mitt í tí heila. – Eg eri so flóvur av mær sjálvum. Hatta má ikki henda, men tað hevði ikki avgerandi týdning fyri um eg bleiv nummar eitt ella tvey, sigur Pál Joensen. ■ Sonni Ragnar Nattestad fær debut í Superliguni fyri FC Midtjylland. Stutt seinni skrivar hann 5-ára sáttmála, sum er eitt greitt tekin frá felagnum, um at teir trúgva upp á miðverjan. ■ U21 landsliðið spælir sín seinasta dyst í hesum árinum. Talan verður um 5-2 tap fyri Írlandi. Gunnar Zachariasen skorar bæði málini fyri Føroyar. ■ A-landsliðið setur somuleiðis punktum, men her er talan um venjingardyst á Malta. Í hálvleikinum er malta á odda 3-0. Í seinna hálvleiki minka Hallur Hansson og Rógvi Baldvinsson um munin. ■ Rættilig rók tekur seg upp í HB, har Oddbjørn Joensen ikki heldur fram sum venjari. Á ársveitsluni verður eisini kunngjørt, at Fróði heldur ikki heldur fram. Tað verður seinni broytt. – Tað var ein misskiljing, sigur Fróði. ■ Kári Horn, venjari hjá kvinnunum hjá Neistanum, velur at gevast, tí hann hevur fingið staðfest sjúku, sum ger at hann skal verða meiri róligur. ■ Birgit Guttesen og Sofía Purkhús vinna seg í donksu flogbóltssteypafinaluna saman við Frederiksberg Volley, tá tær vinna dramatiska hálvfinalu á Brøndby. ■ Talv-landsliðið vinnur smálanda­ kapp­ing. Sigurin kemur í hús í kapping í Monaco. Føroyska liðið fær 16 stig og tað er fleiri enn nakað annað av hinum liðnum. ■ Brandur Hendriksson Olsen og U19 liðið hjá FCk vinnur í UEFA Youth League á Real Madrid, og vinnur seg víðari í Champions League líknandi kappingini. Brandur er millum tveir teir best spælararnar á vøllinum. árið ið fór Heidi Sevdal ársins spælari í kvinnudeildini Pál Joensen við EM-silvurmerkinum