mánadagur 30. desember 2013síða 29

5 Mánadagur 30. desember 2013 · Nr. 148 Sosialurin Brot og bitar úr árinum, ið fór 2013 mars Landsins størstu kommunur liggja hesa vikuna í stjórnarloysi. Burtur­ sæð frá eini fimm avboðum, so eru allir kommunalpolitikarar í lima­ kommununum hjá Kommunu­ sam­skipan Føroya, KSF, farnir til Íslands á skeið. Undantikin er Vága Kommuna, sum er somikið nýggj í selskapinum, at tey ikki eru við hesa­ferð. – Vit eru 84 fólk í ferðalagnum. Kommunalpolitikarar og kommunu­ stjórarnir í limakommununum, sigur Eyðun Christiansen, aðal­ skrivari í KSF. Kommunusamskipanin sam­ skipar túrin, sum kommunurnar tó í hvør sínum lagi bera sín part av kostnað­inum av. Endamálið við túrinum er, sambært KSF, at brynja og styrkja kommunustýrislimir í teirra ar­ beiði og leikluti sum kommunu­ politikarar. Nývaldir og afturvaldir kommunustýrislimir skulu hesa vikuna fáa innlit í grundleggjandi reglur um rættindi og skyldur hjá einstaka politikaranum, eins og løgfrøðiligar ásetingar um saman­ spælið millum politikarar og fyri­ siting. Hóast farið verður til Íslands at halda skeið, so verða tað innanhýsis skeiðshaldarar, ið skulu lata politikararnar í til uppgávuna at stýra landsins kommunum næstu fýra árini. – Jú, tað verða fólk frá okkum, sum halda skeiðið, sigur Eyðun Christiansen og peikar á Bárð Larsen, løgfrøðing hjá KSF, komm­ unu­stjórarnar og seg sjálvan. Rokningin Sambært aðalskrivaranum í Kommunusamskipanini liggur kostnaðurin um 7.000 krónur fyri hvønn. Tá er flogferð, uppihald og matur íroknað. 7.000 krónur kuvert­in fyri 84 fólk gevur 588.000 krón­ur í beinleiðis útreiðslu til teir átta kommunukassarnar hjá lima­kommununum í KSF. Men afturat hesum kemur so, at flestu kommunustýrislimir eru burtur úr sínum starvi hesar skeiðsdagar. Aðalskrivarin í KSF hevur ikki nakra fasta mannagongd at vísa á í hesum sambandi. Men taka vit sum dømi, at hvør politikari fær 1500 krónur um dagin í endurgjaldi og útistøðupeningi fyri mista ar­beiðs­ tíð, so gevur tað 630.000 krónur aftur­at. Tilsamans gevur hetta 1.218.000 krónur. Fyri kommunustjórarnar og flestu borgarstjórar í Kommunu­ samskipanini er galdandi, at tey frammanundan eru í fullum starvi hjá sínari kommunu. Men her tekur tó hinvegin, at tey tí brúka alla sína arbeiðstíð uppá íslandstúrin. Sambært Kommunusam­skip­an­ ini hevur tað týdning, at bæði nýggir og eisini afturvaldir kommunal­ politikarar eru við. Hetta er fjórðu ferð, at Kommunusamskipanin skip­ar fyri slíkum túri, stutt eftir at nývalt býráð hevur tikið við. Tí er tað somuleiðis fjórðu ferð, at onkur kommunalpolitikari er við fyri at læra seg at vera kommunal­ politikari. – Vit halda tað hava týdning at øll eru við. Bæði fyri at samansjóva politikararnar og fyri at tey nýggju kunnu læra frá teimum gomlu og øvugt, sigur Eyðun Christiansen. Heim til børnini Tað er ikki altíð er so lætt at vera mamma og sita í løgtinginum til drúgv orðaskifti. Tvær løgtingskvinnur máttu fara av løgtingsfundi av privatum orsøkum í vikuni. Onnur teirra var Rigmor Dam, sum skuldi heim til barna­føðingar­ dag. Hin var Bjørt Samuelsen, sum eisini noyddist av fundi av privatum orsøkum. Tær »clearaðu« við onnur løgtingsfólk, so privatu upp­gávurnar ikki fingu ávirkan á atkvøðu­greiðslur. Vandi við at raka skaphár Tey seinnu árini er tað vorðið alt meiri vanligt, at fólk raka skaphárini burtur, men tað er ikki heilt vandaleyst. Í einum vísindatíðarriti skriva franskir húð­granskarar, at vandin fyri húðvirus veksur, tá fólk koyra skaphárini av kropp­inum. Teir siga, at tey seinastu tíggju árini hava læknar staðfest nógvar tilburðir av poxvirusinum Molluscum contagiosum ella MCV, sum gevur pirrur ella bløðrur. Virusið smittar við, at fólk nema við hvørt annað og við kynsliga samveru. Norrøna fekk fleiri at sigla Tað vóru tey, sum hildu tað vera ørskap at seta Norrønu í siglingina um Suður­ oyar­fjørð, meðan Smyril var í dokk seinastu vikurnar. Men greitt er, at sjáldan hava so nógv ferðast um fjørðin. Bæði familjur, skúlaflokkar, eldrasambýli og onnur hava gjørt útferð til Suðuroyar. Summi eru farin suður ein dag, koyrt runt í oynni, gist umborð og eru so farin norður aftur dagin eftir. Onnur gjørdu dagstúr. Serliga um vikuskiftið ferðaðust nógv milllum Vág og Havnina við Norrønu. Finnist at Magna Arge – Tað er ómetaliga óheppið, at stjórin í Atlantsflog upplýsir fyri útlendskum fjølmiðlum, at óreglusemið í flúgvingini er ein stór orsøk til, at úrslitið hjá Atlantsflogi ikki er frægari í fjør, enn tað er. Tað staðfestir Johan Dahl, landsstýrismaður í vinnumálum í eini viðmerking, sum illa kann uppfatast øðrvísi enn ein atfinning ímóti Magna Arge, stjóra í Atlantsflogi. Á aðalfundinum hjá Atlantsflogi í fríggjadagin vísti Johan Dahl á, at nógv orka verður løgd í lokka útlendsk ferðafólk til Føroya. Tí fýltist hann á, stjórin í Atlantsflog upplýsir fyri útlendskum fjølmiðlum, at óreglusemi hevur verið ein orsøk til, at fíggjarliga úrslitið hjá felagnum ikki er betri. Nærum fullsett flogfar við nýggjum og royndum kommunal­politik­ arum fór fyrra­ partin til Íslands at halda skeið fyri sær sjálvum. Skeiðið skal brynja og styrkja politikar­ar­nar til at vera politikarar Politikarar ferðast fyri 1,2 milliónir – Skulu vit hava javnrætt ímillum kynini og javnrætt í samfelagnum, er tað eisini neyðugt at hava javnrætt fyri menn Katrin Kallsberg, forkvinna í Javnstøðunevndini – Tað er betri at vera ein stórur fiskur í einum lítlum akvarium, enn at verða ein lítil fiskur í einum stórum akvarium. Erika Hayfield um ein av fyrimununum við at búgva í Føroyum