mánadagur 30. desember 2013síða 34

Mánadagur 30. desember 2013 · Nr. 148 10 Sosialurin Brot og bitar úr árinum, ið fór 2013 august – Hatta var so ótrúligt, at eg kann ikki seta orð á tað. Signar í Homrum upplivir óvanliga stóran fagnað, tá ið hann framførir á Summar Festivalinum – Vit eiga at ansa eftir, at vit ikki brúka nógvar pengar og ov langa tíð upp á at yvirútbúgva fólk. Vit skulu heldur útbúgva fólkið til tað, vit liva av. Elsebeth Mercedis Gunnleygsdóttir, løgtingskvinna Karl Johansen er 59 ára gamal og løgreglumaður. Síðani 2010 hevur hann verið sýslumaður í Norðoya sýslu. Ein av uppgávunum hjá einum sýslumanni er stíla fyri grindadrápi og hava eftirlit við, at rakstur og dráp fara fram eftir reglunum. Fyri hetta arbeiði fær sýslu­maðurin tvey prosent av samlaða skinnatalinum. Grind í øllum sýslunum Summartíð er feriutíð, eisini hjá sýslumonnum. Meðan aðrir hava verið í feriu, hevur Karl Johansen verið sýslumaður fyri ikki einans Norðoya sýslu, men eisini verið virkandi sýslumaður fyri bæði Eysturoyar sýslu og Sandoyar, Vága og Streymoyar sýslu – tað vil siga fyri allar Føroyar uttan Suðuroyar sýslu. Soleiðis hevur hann havt ábyrgd­ ina av hvørjum einasta grindadrápi, sum hevur verið í sýslunum norðan fyri Suðuroynna í summar. Og grindaboð hava ofta ljóðað, tí Karl hevur verið í grind í øllum fimm sýslunum, hann hevur havt ábyrgdina av hetta tíðarskeiðið. Býtt 4838 skinn – Eg havi býtt 655 grindahval, sum svara til 4838 skinn. Gangi eg eftir lógini, so hevði eg fingið 13 hval ella 97 skinn, og tað hevði verið ein løta at etið alt tað, skemtar Karl, men leggur so aftrat: – Nei, tað er eingin livandi kjans­ ur, at eg klári at herberga øllum hesum. Karl hevur tískil býtt út. - Fyrst tók eg til mín sjálv, síðani fór tað til familjuna, versynir og ymisk onnur, men tað var skjótt, at eg mátti fara longur út, greiðir Karl frá, sum síðani hevur latið grind til millum annað sjúkrahúsið í Klaksvík, Zarepta og starvsfelagar, sigur Karl. Hann upplýsir eisini, at tað hava aðrir sýslumenn eisini gjørt, tí annars endar tú við alt ov nógv­ari grind. – Eg mangli í øllum førum ikki grind, og tað komi eg heldur ikki til, so eg má bara royna at býta út, tí annars hevði eg endað við ómeta­ liga nógvum likkjum, sigur Karl flennandi. 72 børn færri í skúla Sambært fyribils næmingatalvuni hjá Mentamálaráðnum, sum Skúlablaðið hevur fingið hendur á, eru 72 færri næmingar farnir í 1. flokk í nýggja skúlaárinum, 2013-14, enn seinasta skúlaár. Til samans eru 678 børn farin í 1. flokk hetta skúlaárið. Í 2012-13 var talið 750. 151 næmingar í frískúlum Tríggir frískúlar eru í Føroyum, Frískúlin Keldan í Skálabotni, Frískúlin í Havn (sum er á Velbastað) og Frískúlin við Hoyvíkstjørn í Havn. Næmingatalið í Frískúlanum í Havn er vaksið úr 44 upp í 47, og við Hoyvíkstjørn er tað minkað úr 57 niður í 43. Í Frískúlanum Kelduni vóru til samans 34 næmingar skúlaárið 2012- 13. Har eru 50 hetta skúlaárið. Kúgað til at tiga Í Nærverkinum er vanlig mannagongd, at starvsfólk, sum gera vart við vánaligar umstøður hjá starvsfólkum ella brúkarum, verða sett á svartalista og fáa ikki starv aftur. Tað kom fram á fundi, sum felagið Eldramálið skipaði fyri. Á fundinum skuldi fyrilestur verða um »hví starvsfólk flýggja úr heimarøktini«, men tá ið fyrilesturin skuldi haldast, mátti forkvinnan boða frá, at fyri­ lestrar­haldarin vildi kortini ikki halda fyri­lesturin av ótta fyri uppsøgn. Sum sýslumaður hevur Karl Johansen býtt 655 hval í ár. Fyri tað hevur hann fingið 13 hval, tí tað tilskilar lógin honum. - Eg havi ongan livandi kjans at herberga øllum, sigur hann Fekk sjey tons av grind Karl lat grind til eitt nú Zarepta og sjúkrahúsið í Klaksvík Ein ótrúlig kensla Livar Nysted úr Hvannasundi hevur gjørt enn eitt bragd. Hann og tveir aðrir mans hava róð 6500 kilometrar um Indiska Havið – úr Australia til Mauritius. Og tað gjørdu teir efitr 57 døgum. – Kenslan kann ikki sigast við orðum, men tað er ein ótrúliga góð kensla, segði Livar, tá ið hann kom í land í Mauritius. – Eg eri ógvuliga móður og troyttur, men tað er ein góð møði.