hósdagur 2. januar 2014síða 20

nr. 1 · 3. januar 2014 10 VIKUSKIFTI Samrøða Niels Uni Dam nud@sosialurin.fo Heini Corfitz er í løtuni í upp­tøku­høl­ unum og arbeiðir við síni fyrstu útgávu sum solistur. Vit lántu hann eina løtu og sluppu í sama viðfangi at hoyra trý tey fyrstu løgini av útgávuni. Stílurin er følin melodiskur poppur, sungin við óvanliga ljósu røddini hjá Heina, ið fær tankarnar at leita móti enska bólkinum Suede. – Vit hava spælt tríggjar sangir inn, teir skulu miksast og vera givnir út sum download fyrst í komandi ári, greið­ur Heini frá. Fyrstu trý løgini eru gjørd saman við framleiðaranum Carsten Falkenlind, ið millum annað er kendur sum gittarleikari í danska tung­málms­ bólk­inum Mercyful Faith. Men her er altso ikki talan um tungmálm ella punk, hóast eitt samstarv millum Heina og Carsten Falkenlind kundi enda í teirri grøvini. Bleytur við aldrinum Løgini eru vøkur og popputt, og ljóða sera langt frá tí, ið vit hava hoyrt frá Heina áður. The Dreams er ein larmandi punk­rokkbólkur, og í bólkinum Raped in Reno, sum Heini hevur saman við beiggja sínum Eiriki, spæla teir eisini ordiligan rokk. Ja, sjálvt í Paradox, ið Heini var sangari í sum 16 ára gamal, var talan um larmandi punkrokk. Men nýggju løgini eru nakað heilt annað – Ja, eg eri nokk blivin bleytur við aldrinum, sigur 24 ára gamli Heini, men leggur afturat: – Nei, mær hevur altíð dámt væl tað melodiska, og eg eri farin at seta meira og meira prís uppá tað. Eg haldi, at tað byrjaði longu í Paradox, har tann seinasti sangurin, sum eg skrivaði var »inside of Me«. Hann er rættuliga melodiskur. Kinesiskt X-Factor Heini hevur arbeitt nogv við sínum løgum fyri at fáa tey optimal. Hann brúkti eisini tíð til at skrivað egið til­far í tíðini, tá hann spældi fulla tíð við The Dreams. Hann leggur heldur ikki skjól á, at fyri hann er tað mest týdningar­ mikið at fáa sín tónleik út. – Eg sat í Søborg og skrivaði kontri/ popp, tá vit arbeiddu við The Dreams. Chief 1, sum vit samstarvaðu við tá, royndi eisini at selja okkurt av mínum løgum. Millum annað vóru vit nokk so nær við at selja eitt lag til ein kinesiskan X-Factor vinnara ella okkurt tílíkt, sigur Heini. Hetta bleiv tó ikki til nakað, men Heini hevur arbeitt víðari við sínum tónleiki síðan tá, men tað er av tilvild, at tað er júst nú, at hann er farin undir at gera fyrstu útgávuna. – Ja, eg havi ein samstarvsfelaga, ið hjálpir mær og drívur á meg at fara at gera mítt egna projekt. Tað er eisini hann, sum fekk í lag samstarvið við Carsten Falkenlind og bookaði okkum upp­tøkuhølið. Nú er ætlanin, at vit skulu spæla restina av fløguni inn sjálvir. Á teim­um fyrstu trimum løgunum spæla Heini sjálvur og Carsten Falkenlind øll ljóð­førini. Men Heini ætlar sjálvur at spæla restina av løgunum inn. Hann hevur bæði spælt og undirvíst í øllum vanligum ljóðførum, og kann tí sjálvur spæla øll ljóðføri inn. – Í løtuni havi eg skrivað tey seinastu løgini liðug, og vit fara so undir restina av upptøkunum nú. Men tey fyrstu trý løgini eru heilt liðugt innspæld, vit hopa at tað kann vera við til at gera vart við projektið, tá tey koma út ókeypis. So kemur ein útgáva seinni komandi ár. Mentur sum sangskrivari Løgini, ið vera á útgávuni eru øll rætt­ iliga nýggj løg, ið Heini hevur skrivað seinastu tvey árini. Hann heldur, at har er hent so nógv í hansara lívi, sum hevur ment hann bæði tónleikaliga og sum tekstskrivara, tí hevur hann valt bert at taka nýggj løg við. – Hesi trý fyrstu løgini, hava ein reyðan trá, men tá øll fløgan er liðug, so er hon nokk so fjølbroytt, ikki alt er líka pent og popputt, sum hesi fyrstu løg­ini, heldur hann. Egið plátufelag Í sambandi við upptøkurnar hevur Heini sett á stovn egið plátufelag saman við einum samstarvsfelaga. Hetta er ein stað­festing av, at tað ikki longur er líka neyð­ugt at hava eitt stórt plátufelag aftan­fyri seg. Eitt nú verður nógv PR gjørt online og krevur ikki líka stórt net­verk sum fyrr. – Mín samstarvsfelagi hevur nógvar royndir, og vit kunnu gera avtalir um útbreiðslu við feløg, ið taka sær av tí, so tí er eingin orsøk til at hava eitt plátu­ felag við eisini, sigur Heini. Spottljósið er ikki vigtigt Heini gjørdist longu sum tannáringur kend­ur sum oddamaður í bólkinum Paradox. Hetta var, áðrenn hann gjørdist gittarleikari í fyrst The Dreams og síðan í Raped in Reno. Tí er nær­ liggj­andi at halda, at soloútgávan er ein longsul eftir at standa fremst í spot­ljós­ inum aftur, men hetta er ikki so, sigur Heini: – Nei, tað hevur ongan týdning, hetta snýr seg bara um at sleppa at innspæla míni løg, og so eisini at sleppa út at spæla tey fyri fólki. Upplivdi nógv við The Dreams Heini vil fegin sleppa út at spæla løgini í sambandi við útgávuna, og hóast hann býr í Danmark og ambitiónirnar eisini røkka útum Danmark. So vil hann eisini fegin heim at spæla fyri føroyingum. – Eg elski at spæla konsertir. Eg haldi, at tað var heilt fantastiskt, tá vit fóru á konsertferð við The Dreams og spældu 18 konsertir í 21 dagar í Týsk­ landi. Tað er soleiðis, at eg vil liva mítt lív. The Dreams er ikki ein serliga virkin bólkur í løtuni, og hevur bert spælt hendinga konsertir seinastu árini, onkur konsert er eisini á skránni kom­andi ár, Men annars er hetta ikki ein bólkur, sum limirnir leggja nógvar kreftir í fyri tíðina. Men Heini er hóast alt glaður fyri upplivingarnar, ið hann fekk við The Dreams. Serliga tað at spæla so nógvar konsertir var gott, heldur hann. Heini livur av tónleiki, av at undir­ vísa og at spæla, eitt nú fer nógv orka í bólkin Raped in Reno, ið er ein dansk/ føroyskur truckara rokkbólkur, ið Heini hevur saman við beiggja sínum Eiriki, ið eisini spældi við The Dreams. Bólk­ urin spælir egin løg, og hevur hóast bert fáar konsertir á baki, vakt somikið stóran ans, at teir nærkast einum plátu­ sátt­mála. Heini sigur, at hann heldur at besta lýsingin av bólkinum er, at teir spæla ektað Rock 'n Roll. bleiv poppari Orkumikli gittarleikarin í punkrokkbólkinum The Dreams er eisini ein følin sangskrivari, ið elskar tann góða melodiin Punkarin – Mær hevur altíð dámt væl tað melodiska, og eg eri farin at seta meira og meira prís uppá tað, sigur Heini Corfitz