mánadagur 6. januar 2014síða 13

13 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 misskiljing Jón Brian Hvidtfeldt - Jú, vit hava meira og meira at gera á læknavaktini. Tað staðfestir Marjus Dam, komm­unulækni og formaður í Kommunulæknafelagnum. Marjus Dam vísir á, at tá Læknavaktin byrjaði í 2007 vóru umleið 7000 áheitanir, sonevndar kontaktir, til skipanina um árið. Síðani eru Sandoyggin og Suðuroyggin komin við, men talið av brúkarum liggur nú um 21- 22.000 um árið. Sambært Marjus Dam er eitt vaksandi trýst á Lækna­vaktina. Skipanin er soleiðis bygd upp, at ein kommunulækni er á vakt frá klokkan 16 til midnátt, og ein kommunulækni kem­ur síðani á vakt frá mid­nátt til klokkan 08 um morg­unin. Harafturat er ein sjúkra­ røktar­frøðingur á vakt frá klokk­an 16 til klokkan 22 á kvøldi. – Her hava vit merkt eina skerjing síðani í vár. Sjúkrarøktarfrøðingurin var á vakt frá klokkan 16 til midnátt, men síðstu tveir tímarnir av hesi vaktini eru spardir burtur, hóast Kommunulæknafelagið staði­liga hevur mótmælt spar­ing­ini, sigur Marjus Dam. Felagið hevur verið á fundi, bæði við sjúkrahússtjóran og landsstýrismannin í heilsumálum um hesa spar­ ing­ina, men til fánýtis. - Vit meta tað at vera eitt greitt avtalubrot móti okkum kommunulæknum, tá leiðslan skerjir tímarnar hjá sjúkrarøktarfrøðinginum, sigur Marjus Dam og heldur fram: - Sparingin er sera óhepp­ in, tí hon stressar systemið. Læknavaktin hevur ofta sera nógv at gera, og tá sjúkra­ røktarfrøðingurin skal fyrr heim, so verður meira trýst á læknan, sigur Marjus Dam. Hvør er avleiðingin av tí? - Allastaðni, har fólk arbeiða undir trýsti, økist vandin fyri feilum. Læknar eru eisini menniskju, svarar Marjus Dam. Sambært formanninum í Kommunulæknafelagnum hevur verið nógv sam­skifti millum felagið og sjúkra­ húsleiðsluna um Lækna­ vakt­ina og sparing­arnar á økinum, ið vórðu settar í verk á vári í fjør. Men støðan er tó óbroytt. - Nei, viðurskiftini eru ikki komin uppá pláss. Part­ arnir eru ósamdir um hesa sparingina, og vit lækn­ar hava gjørt púra greitt, at vit góðtaka ikki at sjúkra­ røktarfrøðingurin á vaktini missir tveir tímar hvønn dag, sigur Marjus Dam. Trýst á læknavaktini Síðstu fimm árini eru áheitanirnar til Læknavaktina trífaldaðar, og fleiri enn 20.000 fólk brúka nú skipanina, sum samstundis er rakt av sparingum. – Tað er alt við til at stressa systemið, staðfestir Marjus Dam, formaður í Kommunulæknafelagnum eina eyka samsýning, hvørja ferð hon verður send út til ein sjúkling. Men aftur her vísir Marjus Dam staðiliga aftur, at tað fíggjarliga hev­ur nakran sum helst týdn­ing í dispositiónunum hjá læknavaktini á Lands­ sjúkrahúsinum. Og tað er heldur ikki eitt argument, at ringt verður inn til lækna­ vaktina á miðjari nátt og læknin í nærøkinum helst liggur og svevur. – Nei. Fólk gjalda til Heilsu­trygd, júst fyri at fáa lækna, tá tørvur er á tí, svarar Marjus Dam. Eftirspæl Fleiri ferðir undir sam­ røð­uni nevnir Marjus Dam, at her er talan um eina syrgiliga misskiljing. Tí spyrja vit formannin í Kommunu­lækna­felagnum, hvat hann ætl­ar sær at gera eftir ein tílíkan tilburð. – Tað er gott, um man hyggur eftir manna­gongd­ unum, soleiðis at man ikki kemur út í keðiligar støður fyri sjúklingar og læknar, svarar Marjus Dam varliga. Tað er tó eingin sjálvfylgja, at nakað sum helst hendir. Sjálvt ikki eftir eitt tílíkt dømi, sum fekk ringast hugs­andi avleiðing fyri sjúklingin og tey, ið nú sita eftir. – Nei, tað er rætt, at eitt einstakt mál setir ikki av sær sjálvum stóra apparatið í gongd. Men hinvegin er tað okkara uppgáva sum læknar at eftirmeta okkara arbeiði. Bæði persónliga og fakliga eru vit læknar áhugaðir í, at okkara arbeiði er so trygt og gott sum tilber. Tí eiga vit at hyggja eftir, hvat kann gerast betri, sigur Marjus Dam. Sambært formanninum í Kommunulæknafelagnum verður ein stórur eftir­ meting­arfundur fyri øll tey, sum á einhvønn hátt eru partur av Læknavaktini. Fund­urin verður nú í fyrsta árs­fjórðingi av 2014. – Allir aktørar vera við, og sum eg havi skilt tað, verður øll Læknavaktin sum hon er eftirmett, sigur Marjus Dam. Í hvønn mun kemur málið við Herman Olsen at merkja hesa eftirmeting? – Tað er greitt, at vit skulu lúka burtur misskiljingar. Samskiftið millum sjúkling og lækna skal vera í lagi, svarar Marjus Dam og leggur afturat: – Tað er greitt, at hevði læknin mett støðuna øðrvísi, so hevði hann eisini handlað øðrvísi. – Tað er rætt, at eitt einstakt mál setir ikki av sær sjálvum stóra apparatið í gongd. Men hinvegin er tað okkara uppgáva sum læknar at eftirmeta okkara arbeiði, sigur Marjus Dam, formaður í Kommunulæknafelagnum, í kjalarvørrinum á málinum um Herman Olsen