mikudagur 2. juni 2004síða 6

10 Nr. 102 -2. juni 2004 Nr. 102 -2. juni 2004 11 Vit hava seinastu dagarnar hoyrt og lisið um ráðstevn- una, sum Norðuratlantsbólkurin hevur skipað fyri á fólkatingi. Eisini Sosialurin var við til at dekka stevn- una. Nú aftaná er rætt at steðga á og opið og sakliga at seta spurningar. Eisini til sjálvrannsakan. Eingin kann nokta Norðuratlantsbólkinum á fólkatingi at halda tær ráðstevnur, ið bólkinum lystir. Ráðstevnur kunnu vera bæði gagnligar og upplýsandi. Hinvegin eru nakrar spælireglur í føroyskum politikki, sum ikki eiga at verða brotnar, uttan mun til hvussu freistandi, tað enn er. Tað hevur alt tað, vit vita, verið ein óskrivað meginregla, at føroyskir fólkatingsmenn, staddir í Danmark, eru loyalir móti einumhvørjum sitandi landsstýri. Tað hevur verið siðvenja, at føroyskir fólkatingsmenn nýta ikki sín fólkatingssess til tess at seta danir upp ímóti politiskum mótstøðumonnum í Føroyum. Tað hevur higartil verið siðvenja, at føroyskir fólkatingsmenn vinna sær ikki politiskar fyrimunir á fólkatingi undir umstøðum, har politiski mótstøðumaðurin- ella flokkurin ikki fær vart seg. Gamla orðið, sum sigur "Tað er ringur fulgur, ið drýtur í egið reiður", hevur verið ein góð meginregla, og tað kann staðfestast, at fólkatingslimir til hendan dag hava livað upp til hetta gamla orðið. Tað bar altíð til at boða frá sínum ósemjum og tað hevur altíð verið sigur, at føroyskir fólkatingsmenn markera síni sjónarmið, eisini tá hesi vóru í andsøgn við rikna politikkin í Føroyum. Men hagani frá og so til, at skipa fyri ráðstevnu við tí endamáli aktivt at má støðið undan politikkinum hjá eini samgongu heima, soleiðis sum hetta verður lagt upp, er ov langt lop. Blokkurin ella heildarveitingin er ein spurningur, sum skal gerast av her heima í Føroyum á Føroya løgtingi. Hetta er eitt hitt størsta politiska málið hjá sitandi samgongu. Tað er tí ikki fair at fara aftur um bakið á løgtingsmeiriluta og landsstýri at ávirka danir í einum máli, har sitandi samgonga hevur ein heilt annan og púra greiðan politikk. Tað er stórur meiriluti á tingi og millum manna fyri at varðveita blokkin. Er tað so ikki eitt sindur illoyalt av andstøðuni at arbeiði aktivt móti hesum politiska vilja fólksins uttan fyri land- oddarnar? Kann verða spurt. Men lat okkum bara fáa eitt orðaskifti um blokkin, uppá gott og ilt. Ikki ikki bert sæð frá tí einu síðuni. Ráðstevnan hjá Norðatlantsbólkinum er ein greið markering av, at einki samstarv av álvara verður millum andstøðu og samgongu. Andstøðan hevur við álopinum á blokkin niðri í Danmark av álvara lagt sjógv millum seg og samgonguna. Hetta kunnu fólk harmast um ella fegnast um alt eftir lyndi og politiskum liti. Eftir stendur, at andstøðan, hóast alt hetta ivaleyst er gjørt við hinum besta vilja í eygum hjá mongum, er komin at standa sum ein illoyal andstøða. At verða mett sum ein illloyal andstøða er nakað av tí versta, sum kann henda fyri eina andstøðu. Tað er eisini sera ósunt fyri fólka- ræðið og álitið millum flokkarnar á tingi. Vit hava brúk fyri bæði samgongu og andstøðu, og hóast hesar stríðast hvør fyri sínum áhugamálum, so mugu hesar royna at liva upp til tær demokratisku, skrivaðu og óskrivaðu reglarnar, sum galda. DAGSINS MEINING Sosialurin Ivasom framferð VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Durita Simonsen durita@sosialurin.fo Gudny Langgaard gudny@sosialurin.fo Finnbjørg Nattestad finnbjorg@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Heini í Skorini heini@sosialurin.fo Rúna Sivertsen runa@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Hans Kárason Mikkelsen hans@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Elin Lindenskov býráðslimur www.lindenskov.com Minnilutin kærdi í februar 2003 meirilutan í Tórs- havnar býráð til kommu- nala eftirlitið. Vit kærdu fyri teirra arbeiðshátt, sum als ikki virdi fólkaræðið. Meirilutin vildi ikki leggja stórmál fyri býráðið at taka støðu til. Tey vildu avgreiða eitt nú bygging av barnagørðum og øðrum stórum ætlanum í nevndum - uttan um býráðið. Dømi, vit kærdu um, kostar skattaborgarunum 10,5 mió. kr. Meirilutin ætlaði at av- greiða málið í mentamála- nevndini, uttan at leggja málið fyri býráðið. Minnilutaumboðið í nevndini kravdi málið til atkvøðugreiðslu á býráðs- fundi, men tað skúgvaði meirilutin av borðinum og avgreiddi málið sum kunn- ingarmál. Innlendismálaráðið hev- ur nú svarað okkum. Vit hava fingið viðhald, og harvið vunnið fólkaræðið aftur í býráðnum. Vit í minnilutanum løgdu dent á, at vit ikki kunna góðtaka, at 5 av 13 býráðs- limum skulu taka avgerðir í stórmálum. Hetta er minni enn helmingurin av fólka- valdu umboðunum. Við at flyta málini úr bý- ráðnum í nevndir at avgera, vildi meirilutin krógva mál- ini fyri borgarunum. Borg- arin fær jú ikki innlit í nevndararbeiðið. Tað er bara býráðsarbeiði, sum er alment. Tað ber ikki til at siga annað um ætlanina hjá meirilutanum, enn at tey ætlaðu at skúgva fólkaræð- ið til viks. Vit í minnilutanum eru fegin um, at vit við okkara klagu, hava fingið fult við- hald í okkara pástandum, og harvið hevur fólkaræðið aftur vunnið ein sigur í býráðnum. Fólkaræðið vunnið í Tórshavnar býráð Johan Dahl Løgtingsmaður Hvat er tað fyri ljós, sum tit hava sæð tá tað snýr seg um føroyskan búskap og burðardygd, sum vit vanligu menniskju ikki hava fingið opinberað enn?? Eg má siga at tað er heilt ótrúligt, at tveir so lærdir menn, fullir av búskapar- ligum teorinum, skulu sleinga um seg við so nógv- um reinum vrøvli, sum vit hava lisið og hoyrt hesar seinastu dagarnar. Vit hava eina høvuðs- vinnu – fiskivinnuna, sum er grundarlagið undir okk- ara samfelag og burtur úr hesi berandi vinnu spretta hjávinnur og servisvinnur av ymsum slag á landi. Sambært hesum báðum frøðingum, so er fiskivinn- an als ikki neyðugur, skil tað hvør, ið kann, men eg skilji tað so ikki . Sigið okkum hvørjum vit skulu liva av í framtíðini – tit sýnast at hava loysnirnar. Arðar alternativar vinnur verða ikki bygdar upp dag frá degi í einum landi sum Føroyum við okkara fjar- støðu frá meginlandinum, men tit hava kanska okkurt kort í ermuni hesum við- víkjandi? Er tað t.d. rætt at nýta makro økonomiskar teoriir, sum eru bygdar upp á ein búskap sum t.d. tann ameri- kanska, sum stórt sæð livir av at selja til sín sjálvan við einum heimamarknaði uppá 95% av øllum tey framleiða, mótvegis okkum sum mugu útflyta 98% av allari okkara framleiðslu? H.Oskarsson segði sein- asta heyst, at vit kundu senda allan fiskin til Kina heldur enn at halda liv í lortinum (gangi út frá at hann meinti fiskivinnuna) nøkur ár enn, og nú sigur J. acobsen, at vit kunnu eins væl bara halda áfram at keypa í SMS og lata fiski- vinnuna sigla sín egna sjógv, tí vit liva eins væl álikavæl?? Gud hjalpi mær, um ikki H. Oskarsson aftur nú, tann 25.05.04 í danskari út- varpssending, sum formað- ur í Búskaparráðnum út- basunerar, at blokkurin bara er til skaða fyri okkum føroyingar og at vit als ikki brúka hann, men senda eina milliard uttanlands um árið. M. a. sigur Oskarsson at, citat: »De ved ikke hvad blok- tilskuddet skal bruges til, og derfor eksporteres det videre til udlandet« citat endað, - nei álvaratos Her- man, hvat hugsar tú fyri tær at koma við slikum upp- áhaldi, tú skyldar øllum føringum eina frágreiðing og ikki minst teimum sum umsita blokkin og umsit- ingini. Eisini sigur hann millum linjurnar, at øll eru ódugilig og haldi eg at hetta er so langt úti, at tað eigur at fáa fylgjur fyri mannin, sum í hesum høpi tosar sum tann alment valdi føroyski »vís- maðurin« í Búskaparráð- num. Eg má spyrja, er tað er eitt samt búskaparráð sum kann taka undir við slíkum úttalinsum frá formanni tess. Er veruliga hugsanin millum limirnir í búskap- arráðnum, at Fiskivinnan er nærmast ein trupulleiki fyri samfelagið Føroyar og ríkisveitingin somuleiðis? Um so er, ert tað er ongantíð ov skjótt at avtaka Búskaparráðið, tí tað er samfelagsskaðiligt. Oskarsson - sýnist mær at verða føddur provoka- tørur ella kanska meira og meira sannlíkt, eitt politiskt amboð fyri einum ávísum politiskum máli. Búskaparfrøðingarnir tosa javnan og savnan um tillagingar, at vinnan skal tillagað seg osfr., men loysnir tær sær man lítið til frá tykkara síðu, men sjalvandi - tað er ikki tykkara uppgáva, so leingi tit kunnu rópa upp um, hvussu alt skal verða og hvussu tað ikki skal verða uttan ábyrgd, ja so er lívið jú so sera einkult og lætt. Tit báðir og ivaleyst arðir alment ansettir frøðingar høvdu havt sera gott av at komið út í tað veruliga lívið og víst tykkara dygdir, tað hevði verið sunt fyri tykk- um, og tað kundi verið hugaligt at sæð, hvussu samfelagið hevði blómað og inntøkuskapanin økt ár um ár undir tykkara krea- tivu heilum. Búskaparfrøðingarnir Herman Oskarsson og Jóannis Jacobsen Rolf Guttesen 1. June 2004 Í farnu viku hevði Sosial- urin nakrar stórt uppsettar greinar um fyrstu 100 dag- arnar hjá nýggja Landsstýr- inum. Soleiðis plaga teir eisini at gera í Amerika. Tveir tíðindamenn, Heini og Páll, sum tykjast at dáma væl at skriva saman, høvdu funnið gamlar notat- blokkar fram. Og meðan annar lýsti við petroleums- lampuni, baksaði hin við at spíska ein blýant. Í Amer- ika arbeiða blaðmenn eisini ofta saman, tveir og tveir. Úrslitið av hesi co-pro- duction í føroyska blað- heiminum, má ongantíð gloymast. Tí her hendi veruliga nakað. Her vóru hegnspelar fluttir, so tað sást. Tað sum eingin annar hevði tonkt, kom her á blað. Hetta var djúptgang- andi og nærsøkin ’jour- nalistikkur’ ella blað- mannakynstur. Sum nakað heilt genialt, høvdu hesir garpar, við sveitta og stríð, funnið ta mest róttøknu loysnina. Best var at fara í máltráðin, og seta monnum og kvinn- um, sum hava vald og á- virkan í samfelagslívinum, ein sera einfaldan, men sera djúpan spurning: "Hvat halda tit um sam- gonguna". Vitsnjallingarnir Heini og Páll, ella vóru tað Páll og Heini, ilt er at av- gera hvør ið setti ljós-kast- aran á henda ástøðisfasta verkevnisspurning: "Hvør skal spyrjast". Hvat ið meinigi maðurin á gøtuni ella í køkinum meinar, tað hevur slett ikki nakran áhuga. Jú har var Ingeborg, forkvinna í Ar- beiðarafelagnum, Jan stjóri í Vinnuhúsinum hjá ar- beiðgevarunum, so var tað formaðurin í Búskapar- ráðnum. Men hví bert spyrja øll hesi, sum umboða keðilig feløg og stovnar. Nei, vit mugu eisini spyrja nakrar, sum hava forstand uppá tingini. Teir, sum eru støðið undir andríka prátmentan- ina í landinum. Vit taka sjálvandi Helga í Útvarp- inum og Ingolf í Sjónvarp- inum. Teirra politiska áskoðan kann verða av- gerandi fyri Føroyaland. Hjálpa vit teimum framat, so verða vit helst ikki gloymdir eina aðru ferð. Tað er neyðugt at hava slíkar góðar menn við, annars tíma fólk ikki at lesa blaðið. (Tað er eisini nógv lættari at spyrja ein jour- nalist, ha?) Men fyri at gera skapan- arverkið fullfíggjað, funnu blaðmanna-tvíburðarnir uppá nakað, sum eingin hevur havt hugflog til fyrr: "Vit spyrja Høgna Hoy- dal!" Hann hevur aldrin svikið! Hann hevur eisini verið sjónvarpsmaður, so har eru vit aftur á tryggari grund. Hann, sum vísti Føroya fólki, hvussu man í dokumentarsending kann fáa nógv burtur úr lítlum. Hann skal við ósvikaligum ímyndingarevnum sínum siga okkum tann gud- dommiliga, óreingiliga sannleikan um hesar 100 dagarnar hjá Landsstýrin- um. Og virkuliga, eg las Høgnasa vælvældu, krúll- utu og beinraknu orð, sum eg noyðist at endur geva in extenso (fullum líki). Mað- urin í bosinum opinberar fyri okkum: "Samgongan hevur eina vinglutta bakkingarkós". Samgongan er sum eitt skip, sum bakkar. Hetta líknilsi kundi verið tikið úr Bíbliuni. Hetta er sanniliga beinrakið. Vit, sum hildu at tað gekk spakuliga frammá, kanska nakrar strikur í stýriborð ella bakborð, hava verið púra blind. So hetta verður eitt gott peili- merki at hava í framtíðini. Sum hakað heilt nýtt læra vit, at kósir ikki bert eru kumpass-kósirnar, men tað at bakka eisini er ein kós. Onkunstaðni millum lands- synning og sunnan stendur nú "bakka". Vit læra eisini ikki at vera innbilskur, men lurta eftir hvat autoriteturin á økinum hevur funnið í Opinberingini. Heldur lurta eftir manninum í bosinum, sum sær at nú skúmar afturi undir hekkuni. Tað er gott at verða mintur á, at nakað er progressivt og nakað er bara bakk. "Aðalmál Tjóðveldis- floksins eru øll skúgvaði til viks". Ja, tað má undra ein sunnan heila, at fornuftig fólk, sum blivu vald á ting, ikki automatiskt hildu fram við tí reinu konservativt- nationalistisku verkætlan- ini, sum "sjálvstýris-rørsl- an" enn hevur sum stevnu- mið. Einaferð vóru øll jú samd um at fáa Førjamál aftur til æru. Men tað vóru danskarar, sum spiltu spæl- ið, tí teir góvu alt ov nógv í stuðli. Peningarenslið førdi til forstoppilsi, ella var tað tað mótsetta? Hetta nýggja Landsstýrið hevur ongar nationalistiskar visiónir. Tí skúgvaðu teir okkara hundrað ára gamlu og væl mosagrógvnu tanka-kon- struktión til viks. Ófatiligt. "Samgongan bakkar í búskaparpolitikkinum, sjálvstýrispolitikkinum og mentanarpolitikkinum hjá farnu samgongu". Ja, tað er bara heilt ófatiligt, at teir nú hava havt 100 dagar í Landsstýrinum, og enn er Blokkurin ikki avskaffaður. Grundlógin, sum hevur ligið næstan klár í 10 ár, hava teir heldur ikki megn- að at fingið ígjøgnum enn. Og enn er einki føroyskt flagg uttan fyri ST-skriv- stovuna í Nýggju Jórvík. Maðurin í bosinum hevur fingið samhugabrøv úr allari verðini og Íslandi, sum siga at øll høvdu elsk- að, at Merkið bleiktraði í milliónabýnum, býurin hevði virkuliga verið nógv penari upp á tann mátan. Einki hevði verið lættari hjá røttum monnum. Men hetta Landsstýrið, suff suff. Orakul-orð, sum bert ein maður við mystiskum evn- um kann útleggja á rættan hátt "Hetta eru øll øki, sum peika frameftir, men tey verða fullkomiliga niður- prioriterað" Ja, dømikraftin hjá hes- um dámliga tjóðveldis- manni, sum stepp-dansar sum ein Fred Astair, og syngur føroyskar tjóðskap- arsangir undir brúsuni, hvønn morgun (sbr. sam- røðu í Sosialinum), hon er heilt í topp. Og tað, sum peikar niðureftir fer at peika uppeftir, um ikki tað verður framprioriterð so panska umprioriterað (rað- fest og fest á blað, tá hann hevur fest sær í). Eitt grúi- ligt skil. Klárir setningar við sub- stansi og klárum innihaldi. So kontant og beinrakið kann tað sigast. Hevur tú lisið henda boðskap frá manninum í bosinum, so ivast tú onga løtu. Og tøkk skulu úrmælingarnir báðir úr blaðmannaheiminum hava. Og so uppsetingin, hon var bara genial, líktisk lepum av gomlum ves- pappíri. Tað má kunna brúkast um aftur. Føroya Musikk- skúlalærarafelag heitir inniliga á politikararnar um at hækka játtanina til Musikkskúlan. Við játtanini sum er, verða 4,5 lærara- størv spard burtur YVIRLÝSING Í yvirlýsing ger Føroya Musikkskúlalærarafelag greitt, at játtaða upp- hæddin til Musikkskúlan fer at raka umleið 200 næmingar, tí 4,5 lærara- størv skulu sparast burt- ur. Felagið vil tí hava løg- tingið at koma við eini eykajáttan á ólavsøku. Yvirlýsingin er soljóð- andi: »Í sáttmálanum mill- um Fíggjarmálarráðið og Føroya Musikklærara- felag eru ásettar lønar- hækkingar, eins og í øðr- um sáttmálum. Tíverri endurspeglar løgtingsfíggjarlógin fyri 2004 ikki hesar lønar- hækkingar og musikk- skúlaskipanin er tí noydd at repa seglini. Føroya Musikklærara- felag vil við hesari yvir- lýsing gera vart við, at avleiðingarnar fyri musikkskúlavirksemi kring landið eru sera álvarsamar. Sambært musikkskúla- leiðaranum verður skúlin noyddur at skera 4,5 full- tíðarstørv burtur. Hetta rakar hópin av næming- um. Umleið 200 næm- ingar, ið hava fingið tón- leikafrálæru í styttri ella longri tíðarskeið, noyðast at fáa tey tungu boð, at tónleikafrálæra teirra er skorin burtur. Musikklærarar standa spyrjandi. Vit hava veru- liga haft ta fatan, at politikkarar vilja hava ein vælvirkandi musikk- skúla um alt landið. Her er neyðugt at vísa á, at ein ikki fær ein vælvirk- andi skúla við náms- frøðiliga nøktandi frá- læru, tá ið skúlin veksur nógv í uppgangstíðum, fyri síðani at tveita alt fyri borð, tá ið strammar at fíggjarliga. Vit ynskja heldur eina støðuga og ábyrgdarfulla menning av skúlanum, og ein slíkan vøkstur, at skerjingar ikki gerast neyðugar í verri tíðum. Høvuðstankin við musikkskúlalógini er, at Føroya Musikkskúli skal vera eitt tilboð til alt Føroya fólk. Um ikki landspolitikk- arar og embætisfólk vísa ábyrgd fyri Føroya Musikkskúla, er stórur vandi fyri at høvuðs- endamálið við skúlanum dettur fyri bakka. Sum sagt, hava vit ta fatan at politikkarar úr øllum flokkum, vilja Føroya Musikkskúla væl. Okkara áheitan er tí á Løgtingið um at koma við einari eykajáttan á ólavsøku, so uppsagnir ikki gerast neyðugar, og allir næmingar kunnu halda fram komandi skúlaár.« VIÐMERKINGAR Tað, sum peikar niðureftir. fer at peika uppeftir, Ella nýskapan í okkara blaðheimi, sanniliga! Mikukvøldið verður hugnakvøld fyri kvinnur á Hotel Vág- um. Tað skal takast bókstaviliga, og menn hava yvirhøvur ikki atgongd TILTØK Skipað verður fyri kvinnu- kvøldi á Hotel Vágum mikukvøldið. Tað eru fyri- tøkur í Vágum, sum fara at sýna fram ymiskt, tær hava at bjóða, eins og undirhald eisini verður. Hárfríðkanarstovan hjá Janitu í Sandavági fer at siga frá um hárrøkt, sigur Kunningarstovan í Vágum í tíðindaskrivi. Kára á Steig í Sandavági fer at siga frá um húðrøkt, eins og handil- in há John Poulsen í Vatns- oyrum verður umboðaður, har greitt verður frá um kvinnundirklæði. Eisini fer fólk frá Ursmiðuni í Sør- vági at greiða frá, hvussu farast kann fram, tá ein skal velja sær sólbrillur. Marjun Kálvalíð í Mið- vági fer at greiða frá um kost og lívsvirði, og Erla og Lovinda fara at syngja. Til matna verður smyrji- breyð at fáa, sigur Kunn- ingarstovan, og atgongu- merkini, sum kosta 120,- krónur, eru at fáa í teimum handlunum, sum við eru, eins og tey eisini kunnu keypast í Kuningarstovuni í Miðvági. ej Kvinnukvøld í Vágum 200 musikkskúla- næmingar missa undirvísing C M Y K 11 10