hósdagur 9. januar 2014síða 31

Blaðnr. 4 · 10. januar 2014 7 VIKUSKIFTI Hvat er títt starv? – Løgtingskvinna. Hetta er tín fyrsta løgtingsseta, hvat dámar tær? – Sera blandað, men heldur frægari nú enn fyrsta árið. Tingstarvið er rættiliga serstakt og ringt at venja seg við. Sakni kensluna frá øðrum arbeiðsplássum, har man hevur starvsfelagar, har øll arbeiða fram ímóti sama máli. Arbeiðið í sjálvum tingsalinum er ofta stríggið, men nevndar­ arbeiðið kann vera gott og serliga er arbeiði í og rundanum Tjóðveldisflokkin og í Suðurstreymoyar Tjóðveldis­felag stuttligt og uppbyggjandi. Tú hevur verið føroyskur sendiharri í Íslandi, hvussu var tann tíðin? – Hon var fantastiska spennandi og mennandi. Bæði fyri meg persónliga og fakliga, men eisini fyri okkum sum familja – at skula klára seg í nýggjum umhvørvi, læra eitt nýtt tungumál osfr. Tað var ein serligur heiður at vera umboð Føroya í Íslandi og ein daglig gleði at uppliva góðu og heitu sambondini millum londini, bæði á stjórnarstøði og millum fólk. Hvørji politisk mál brennur tú fyri? – Eg brenni fyrst og fremst fyri einum sjálvstøðugum og sjálvbjargnum Føroyum. Haldi veruliga tað málið er smokkað ov langt aftur í hugaheiminum á føroyingum. Fólk hava uppiborið eina greiða kós, har vit sjálvi taka meir og meir ábyrgd av okkara viðurskiftum. Skúla- og mentamál hava mín stóra áhuga, somuleiðis eri eg upptikin av hvussu vit fáa fólkaræði at rigga betur og at vit fáa ein nýggja stýrisskipan. Og so havi eg stóran áhuga í viðurskiftum okkara við umheimin, serliga at styrkja sambondini við grannarnar í útnorði. Hvønn tónleik dámar tær best? – Mær dámar allan møguligan tónleik, bæði klassiskt, rock og popp. Bjørn Afzelius er og verður nr 1, tí har eru bæði orð og løg sera sterk. Annars elski eg tónleikin frá míni ungdómstíð í 80 árunum. Hvat ger teg í góðum lag? – Ein góðveðursdagur, har eg havi møguleika at fara út og njóta veðrið. Gleðist sjálvsagt, tá tað gongst børnunum væl og annars tá okkurt í dagliga starvinum eydnast og man hevur eina kenslu av at hava gjørt eitt gott avrik. Hvat ger tú í frítíðini? – Lesi rættiliga nógv og eri nokkso kropsliga virkin við venjingum og dagligum gongu- og rennitúrum við hundinum. Annars fer nógv tíð við húsligum arbeiði og at vera um børn og foreldur. Hvørjum hyggur tú eftir í sjónvarpinum? – D&V og onkrum góðum filmi viðhvørt. Hvussu eru tínir matvanar? – Eri seinastu árini blivin meir og meri tilvitað um sunnan kost, so teir grønu rættirnir fylla nú nokkso nógv í gerandisdegnum. Hvat er tín lívrættur? – Mær dámar sera væl ræst kjøt og fisk av øllum slag. Dámar tær at gera mat sjálv? – Mær dámar rættiliga væl sjálv at matgera. Hvør bók liggur á náttborðinum? – Flatø-gåden eftir Arnar Ingolfsson saman við nýggjasta Vencil. Tá dagurin er vorðin knappliga tjúgu prosent av samdøgrinum og líka litil sum opinleikin hjá teim­ um, sum skræða seg mest um vant­andi opinleika hjá øðrum. Tá myrkrið og regnið hava tikið ræðið og treyðugt sum politik­arar, fólkið sjálvboðið hevur valt, vilja sleppa tí aftur, er so langt liðið, síðani heystfríðin var og so ógeimeina langt síðani summar­feriuna. Tá er so væl og inniliga uppi­ borið og ein árlig sjálvfylgja, at sam­felagið letur aftur í minst tvær vikur, tá náttin er stívliga 80 ferðir breiðari enn breiðasta semjan í føroyskum politikki. At samfelagið fær sær jólafrí, so tjóðin kann vinna sær mátt og megi til enn eitt hóttandi ár har úti í myrkrinum. Tað nyttar ongantíð at royna at skjóta árið niður. Eingin er førur fyri at raka. Føroyar lata aftur, og hví man tað vera so hugnaligt og alt hatta har. Men handlarnir hava opið, tí jólini eru teirra. Har eru eingir eyka frídagar og frívikur. Á jólum selja summi og øll keypa. Hatta við einum nýføðingi uttan P-tal millum asnar og seyð, gloymið tað, hóast papppápin var við til føðingina. Tað var ikki vanligt tá. Á jólum fáa fólk høvi at sleppa av við sínar pengar, áðrenn nýtt fíggjarár byrjar, so tey sleppa undan at støðla. Sjálvandi hava handlarnir opið, tí nú hava fólk stundir at fara til handils. Og handlarnir hava eisini opið um kvøldið og sunnudagar. Tað hava teir ikki, tá fólk ar­ beiða og hava brúk fyri at kunna fara til handils um kvøldið og sunnudagar. Logikkur var ei okkum givin líka lítið sum so nógv annað er okkum givið. Men vit klára okkum væl uttan, sera væl. Vit klára okkum væl uttan alt tað skilagóða, sum onnur dragast við. Men vit taka allar ósiðir hjá øðrum, so sum demokrati og religiónir. Nú er samfelagið so lið­andi raknað við aftur. Ja, løgtings­ fundur hevur enntá verið. Hjólini mala aftur. Øll uttan eydnu­hjólið, sum steðgaði jóla­ aftanskvøld, tá seinasta glans­ pappírið var skrætt av og tveitt á gólvið. Nógv vunnu. Nógv vunnu ikki tað, sum tey vildu vinna. Men fallið ikki í fátt. Til ber at býta um jólagávur. Men gleðin hjá teimum, sum góvu, kann ikki býtast um. Sama ger við henni. Øll gleði er stokkut kortini. Hoyrdi og sá í danskari tíðinda­sending um eitt nú kvinnur, sum høvdu fingið einar ov smáar trussur og ein ov stóran bróst­haldara fyri 1000 krónur í jólagávu. Tær lótu bæði inn aftur, fingu 1000 krónur í hondina. Og keyptu síðani aftur trussur og hald­ara, neyvt sama slag sum jóla­gávan, í røttu støddini, fyri 500 krónur. Tí nú var útsøla. 500 kr. afturat í jólagávu. Nú eru tey eisini farin at spekulera í jólagávunum. Veit ikki, um hesin mammons­ siður, spekulasjón í bleytum og hørðum pakkum, er komin til okkara. Hann er í Danmark, so hann kemur higar. Vit eru í Førmark, í Danoyum. Navnið spillir ongan. Og tó, nøkur nøvn spilla málið, sigur fólkanavnapolitiið. Eitt nýtt orð kom í fjør okkara neyðars mál, sum føroyingar heldur ikki kunnu semjast um. Tað er Avgustusskurður (Augustus­skurður). Men, nei, tað er ikki ein skurður við Áir, men keisara­skurðurin, sum verður brúktur á jólum. Nú er gerandisdagurin tí­betur komin afturíaftur. Men eingin ovtekur seg, tí skjótt er vetrar­ feria og so kemur páska­ferian, ein vika minst, og endiliga verður summar­feria aftur. Gevið jólunum eina hond. Og gerandisdegnum allar hinar. Og mánin ovát seg so ikki á jól­um. Han var so klænur í gulum seinasta fríggjakvøld. Umafturafturum høgni djurhuus Móðurmálsviðursløn 2012 Gunvør Balle lagt til rættis: Leo Poulsen Sjálvstøðugar og sjálv­bjargnar Føroyar Tað er mítt fremsta politiska mál, sigur Gunvør Balle. Hon heldur, at tíðin sum føroyskur sendiharri í Íslandi vera sera spennandi og mennandi, og sum so mangir føroyingar er ræst kjøt hennara lívrættur Frívakt í myrkri