mánadagur 13. januar 2014síða 3

3 Mánadagur 13. januar 2014 · Nr. 5 Sosialurin Hugskot og viðmerkingar – send sms til 225000 tíðindi Jón Brian Hvidtfeldt Syrgiliga ferðsluvanlukkan á Argjum stutt eftir klokkan trý leygarmorgunin hava sett síni spor í nærumhvørvið við Støðlagøtu og Traðagøtu, har vanlukkan hendi. Hjúnini Eydna Háberg og Preben Hansen vaknaðu sum við kaldan dreym, tá bilurin við teimum fýra ungfólkunum fór brestandi tvørtum gjøgnum túnið og fram við garðinum. Bilurin við ungfólkunum rendi á bilin hjá hjúnunum, ið stóð parkeraður í túninum, áðrenn hann fór víðari. - Vit vóru farin í song, og vaknaðu av einum hørðum bresti. Ja, tað var sum ein harður torusláttur, greiðir Preben Hansen frá. Skjótt stóð hjúnunum greitt, at her var talan um eina vanlukku, tá telefonin ringdi og grannar greiddu frá. - Bilurin er farin beint framvið betonggarðinum. So tað kundi óivað staðið upp­aftur verri til, metir Eyd­ na Háberg og sipar til, at teir tríggir ungu menninir í bilinum sluppu at kalla snikka­leysir frá vanlukkuni. 17 ára gamla kvinnan í bili­num lat lív. - Tað er so fullkomiliga meiningsleyst at ein ung kvinna, sum hevur lívið framm­an fyri sær, skal lata lív á henda hátt. Hetta er nakað so syrgiligt, siga Eydna Háberg og Preben Hansen, sum eru tíðiliga merkt av van­lukkuni: - Ja, tað er eitt sjokk, at slíkt kann henda. Nógvir tank­ar fara gjøgnum høvdið, og vit spyrja, hví og hvussu slíkt kann henda, sigur Preben Hansen og heldur fram: - Síðani leygardagin hava vit sæð nógv ungfólk standa her úti og minnast ungu kvinnu­na. Við sær hava tey blómur og livandi ljós. Tey syrgja, og vit syrgja við teimum. Tað fær okkum at hugsa, hvat man kann gera fyri at fyribyrgja slíkum meiningsloysi. Sonja Klein, prestur, hevur vitjað húsini í grannalagnum, har vanlukkan hendi. Eisini hevur løgreglan verið á gátt, og fólk frá brandstøðini hava verið sera hjálpsom við at rudda upp. - Jú, øll hava verið sera hjálpsom. Eftir okkara tykki snýr tað seg eitt ella annað stað um at bróta tøgnina. Fáa sett orð á, hvat er farið fram, sigur Eydna Háberg. - Vit kunnu ikki lata vera við at hugsa, hvat man kann gera. Hvussu vit kunnu gera ungfólk meira tilvitað um avleiðingarnar av skilaleysari koyring. Vit mugu tosa um hetta, skriva um hetta. Vit mugu gera okkurt, sigur Preben Hansen. Ger okkurt Hjúnini eru ørkymlað. Tey eru vitni til eina vanlukku, sum hendi beint í túninum hjá teimum, og sum kostaðu einari ungari kvinnu lívið: - Sum samfelag mugu vit gera okkurt við hetta. Eg veit ikki, hvør skal taka fyrsta stigið, men hetta kann ikki halda fram, siga hjúnini sum við ein munn. Eydna Háberg og Preben Hansen greiða frá, at tað er einki eindømi at bilar koyra við sera nógvari ferð, júst har vanlukkubilurin koyrdi. - Vit síggja javnan, at bilar koyra oman hendavegin við sera nógvari ferð. Tað kann illa kallast annað enn rasarakoyring, sigur Preben Hansen. Sambært honum hjálpa vegbungurnar bara vanligu ferðsluni, men ikki hesari skilaleysu koyring. Tvørturímóti tykjast bungurnar bara at gera ”stuttleikan” við at koyra skjótt størri. Hjúnini hava framvegis ilt við at skilja, hvat er farið fram. - Jú, bilurin hjá okkum, sum stendur parkeraður innast í túninum, er sera illa farin. Og eisini eru aðrir skaðar her í túninum. Men tað materiella kemur í aðru røð. Ein ung genta hevur latið lív. Tað er púra meiningsleyst, og okkara tankar leita til tey avvarandi, siga Eydna Háberg og Preben Hansen. Sum torusláttur í túninum - Nógvir tankar fara gjøgnum høvdið, tá slík vanlukka rakar beint í túninum. Tað er syrgiligt og púra meiningsleyst, at ein ung kvinna skal missa lívið á henda hátt, siga hjúnini Eydna Háberg og Preben Hansen, ið vaknaðu sum við kaldan dreym leygarmorgunin Jón Brian Hvidtfeldt Bilurin er komin koyrandi oman eftir Traðagøtu, sum er høvuðsvegurin sum gongur allan vegin frá fótbóltsvøllinum í Vika, fram við Fíggjarmálaráðnum og oman ímóti bátahylinum á Argjum. Nakað áðrenn bilurin er komin áleið við Sandágøtu, sum er ein lítil síðuvegur, áðrenn Støðlagøtu, sum er gøtan niðan móti Verkstaðnum Vón, er bilurin farin oman av vegnum. Hann er farin tvørtur um Sandágøtu og út av vegnum. Har er hann farin ígjøgnum nakrar runnar, síðani inn í garðin ímillum ovastu og næstovastu húsini í Støðlagøtu. Í túninum hevur hann rakt ein bil, sum stóð parkeraður har. Síðani er hann farin víðari í gjøgnum garðin út í Støðlagøtu. Fýra fólk vóru í bilinum. Ein 17 ára gomul genta doyði á staðnum. Hinir tríggir ungu menninir í bilinum vórðu fluttir á Landssjúkrahúsið til kanningar, men sluppu at kalla snikkaleysir. Við nógvari ferð millum hús Orsøkin framvegis kannað Ein 17 ára gomul genta doyði, tá ein bilur fór út av vegnum á Traðargøtu á Argjum. Alarmsentralurin fekk boðini klokkan 03:16 leygarmorgunin Jón Brian Hvidtfeldt Fleiri spurningar skulu svarast, áðrenn løgreglan hev­ur eina heildarmynd av tí, sum fór fram á Argjum leygarmorgunin. Fólk í grannalagnum eru av­hoyrd, og aðrar kanningar á staðnum eru gjørdar. Men løg­reglan manglar framvegis at avhoyra teir tríggjar, ungu menninar, sum vóru í bili­ num hesa lagnunáttina. Tað verður ætlandi gjørt í dag. Hóast greið tekin eru um, at ferðin var nógv, so er ferðin ikki endaliga staðfest enn. Akstovan kannar ym­isk viðurskifti, og eisini rokn­ar løgreglan við at fáa eina betri mynd av støðuni, tá menn­ inir í bilinum eru av­hoyrdir. Blóðroynd varð tikin eftir van­lukkuna, men enn er einki svar komið haðani. Løgreglan hevur enn held­ur ikki staðfest, um unga kvinn­an sat í trygdarbelti. Fleiri kanningar skulu ger­ ast, áðrenn løgreglan ger sína niðurstøðu. Fokusøki Syrgiliga vanlukkan á Argjum hendir bara tvær vik­ur eftir ferðslu­van­lukku­ na í Oyndarfirði, sum kostaði tvey mannalív. Í fjørsummar kost­aði ein ferðsluvanlukka í Vágum trý mannalív. Ræðandi tølini elva til høvuð­b­rýggj hjá løgregluni. Tey trý fokusøkini hjá løg­regluni eru ferðsla, harð­ skapur og rúsevni. Síða­ni í nítiárunum hevur løg­regl­an havt regluliga undir­vísing um ferðslu fyri fram­halds­ deild­ini. Kortini henda van­ lukkur. Sum Sosialurin skilir, verð­ur nú umhugsað, um myndug­leikarnir skulu fara undir eitt serligt átak fyri at seta meira fokus á ferðslu og fyribyrgja vanlukkum. Løgreglan er ikki liðug at kanna orsøkina til vanlukkuna. Ungu menninir í bilinum skulu avhoyrast Bilurin er farin við nógvar ferð oman av vegnum og í millum ovastu og næstovastu húsini í Støðlagøtu. Hann hevur rakt garðin báðu megin og ein bil, sum stóð í túninum