hósdagur 16. januar 2014síða 10

Fríggjadagur 17. januar 2014 · Nr. 7 10 Sosialurin Hugskot og viðmerkingar – send sms til 225000 Eitt ársskifti var við góðum og minni góðum upp­ livingum. Skálafjarðatunnilin setti av álvara dagsskránna í árinum, sum fór og í árinum, sum júst er byrjað. Verkætlanin um at gera ein tunnil millum Havnina og Skálafjørðin var til viðgerðar í løgtinginum í árinum, sum fór og endaði við, at avvarðandi landsstýrismaður varð sendur til hús og at avvarðandi stjórnmálaráð varð avtikið. Hesar avleiðingar siga í sjálvum sær frá, at viðgerðin av verkætlanini sum tingmál hevur ikki verið nøktandi. Eg ætli mær ikki her sjálvur at viðgera ella taka støðu til málið, men kann staðfesta, at fleiri av mínum starvsfeløgum hava úttalað seg og sett spurnartekin um rættleikan av viðgerðini av málinumum. Fjølmiðlarnir hava ótroyttiliga og av álvara fylgt hesum máli upp. Og er hetta helst høvuðsorsøkin til, at landsstýrismálanevndin loksins tók avgerð um við heimild í § 38 í stýrisskipanarlógini at heita á løgtingsformannin um at seta ein kanningarstjóra at kanna leiklutin hjá landsstýrismanninum og løgmanni í málinum. Stutt eftir at ein av mínum starvsfeløgum varð tilnevndur sum kanningarstjóri, setti ein limur í formansskapi løgtingsins spurnartekin við hansara gegni sum kanningarstjóri. Honum á baki setti forkvinnan í landsstýrismálanevndini sama spurning. Fjølmiðlarnir tóku eisini av álvara og ótroyttiliga henda partin av málinum upp. Tá kom rættilig øði í grindina og málið endaði fyribils seinasta fríggjadag við, at løgtingsformaðurin loysti kanningarstjóran úr starvinum. Ófatiligt og pínligt fyri meg og helst eisini fyri meginpartin av mínum advokatstarvsfeløgum er tó, at frákoyrdi kanningarstjórin enn tvíheldur um sítt gegni. Tíbetur hava vit um ársskiftið eisini havt góðar upp­ livingar. Eg sipið her til framúr góðu sjónvarpsend­ ingarnar um arbeiðsdagin á Landssjúkrahúsinum. KVF hevur framleitt sending í fýra pørtum við heitinum LS, sum á ein sera kunnandi hátt sigur okkum frá dagliga arbeiðinum á Landssjúkrahúsinum. Talan er eftir mínum tykki um eina einastandandi væl samansetta frásøgn um tað, sum gongur fyri seg í okkara sjúkrahúsverki. Sendingin sannførir meg um, at vit á føroyska sjúkrahúsverkinum eiga starvsfólk við sera góðum førleika og ikki minst góðum vilja til at taka sær væl av okkum, tá ið vit eru rakt av sjúku. Lítil ivi er um, at sendingin um LS vildi ikki givið okkum eina so góða uppliving uttan so, at tey sum hava staði fyri tilrættalegging og ikki minst staði aftan fyri myndatólini, eru dugnalig. Væl gjørt og takk fyri LS og KVF. Gott vikuskiftið. Eyðfinnur Jacobsen advokatur EYGA MÁLIÐ Rís til advokat­standin og rós til LS og KVF kjak kjak Viðmerkingar og lesarabrøv til Sosialin skulu sendast til teldupostadressuna: post@sosialurin.fo Fyrispurningur eftir Tingskipanini § 52a Kristina Háfoss Fyrispurningur um Gjald­ stovuráðið, Samhaldsfasta og manglandi óheftni, settur Jørgen Niclasen, lands­stýrismanni (at svara skrivliga eftir TS § 52a) 1. Hevur landsstýrismaðurin í fíggjarmálum, meðan hann hevur verið lands­ stýr­ismaður, nýtt for­ mann­in í Gjald­stovu­ráð­ num og formannin fyri Sam­halds­fasta, at arb­eiða fyri seg í persónligum mál­um? 2. Um so er, metir lands­ stýrismaðurin í fíggjar­ mál­um, at hetta ger for­ mannin gegnigan at vera umboð í Gjald­stovu­ráð­ num, ið skal virka óheft av lands­stýris­mann­in­um? 3. Røkir formaðurin í Gjald­ stovu­ráðnum og Sam­ halds­fasta eftir­lønar­ grunn­inum (AMEG) onnur vinnu­lig áhugamál? Um so er, hvørji? Og er hetta í sam­svari við § 2, stk. 4 í lóg um landsins gjaldføris- og skuldarfyrisiting? 4. Grannskoðarafelagið metti ikki nakran av limum sínum vera gegnigar at vera í Gjaldstovuráðnum, hvørja støðu hevði Advo­ katfelagið? 5. Var landsstýrismaðurin í fíggjarmálum vitandi um, at ítøkiligar ætlanir og samráðingar vóru um at seta part av ognini hjá Samhaldsfasta eftir­lønar­ grunninumm í privatu CIP tunnilsætlanina? 6. Er tað rætt, at lands­stýris­ mað­u­rin í fíggjarmálum í sam­bandi við, at CIP skuldi standa fyri at gera Skála­fjarðar­tunn­il­in, hevur verið fyri at broyta kunngerð fyri Sam­halds­ fasta eftir­lønar­grunnin, so tað gerst møguligt at gera íløgur í eitt nú undir­ sjóvartunlar? 7. Hvørjar ætlanir hevur landsstýrismaðurin um at broyta lógarheimildir hjá Samhaldsfasta eftir­ lønargrunninum og/ella lógarheimildina fyri um­ siting av landsins gjald­ føri? Viðmerkingar Landsins gjaldføri og eftir­ lønaruppsparingin hjá Sam­haldsfasta eftirlønar­ grunn­inum (AMEG) skulu støðugt vera umsitin við tí endamáli at tryggja so gott og trygt gjaldføri og eftirlønargrundarlag sum møguligt. Tað má ongan­ tíð vera ivi um, at gjald­ føri landsins og ognin hjá Samhaldsfasta eftir­lønar­ grunninum (AMEG) verða umsitin óheft av øðrum vinnu­ligum, persónligum ella politisk­um málum. Tí var tað ómetaliga gott, at óhefti stovnurin, Lands­ banki Føroya, umsat bæði gjald­føri, skuld og ogn hjá Samhaldsfasta. Men sam­ gongan avtók Landsbanka Føroya í fjør. Harvið avtók samgongan einasta óhefta tjóðarbúskaparliga stovnin í Føroyum, ið kundi ráðgeva almenningi, vinnulívi, fjøl­ miðl­um, Løgtingi og Lands­ stýri. Før­oyar hava nú heldur ongan stovn, ið alt árið fremur óheft tjóðar­ búskapar­ligt eftirlit. Við avtøkuni av Lands­ bankanum varð óhefta um- sitingin av gjaldføri (oman fyri 2 mia. kr.) og skuld land­ sins, og av Samhaldsfasta eftir­lønargrunninum (um 1 mia. kr.), eisini av­tikin. Tí landsstýrið valdi at flyta gjaldføris- og skuld­ar­um­ sitingina og um­sitingina av Samhalds­fasta frá ein­ um løgfrøðiliga óheftum stovni við nevnd og um­ sjónarráði, har partarnir á arbeiðsmarknaðinum valdu meirilutan av um­sjóna­rráði og nevndini, til ein stovn beint undir lands­stýris­ mann­inum. Ávarað varð um avleið­ ingarnar, tá Landsbankin varð avtikin. Hóast bert fáir mánaðir eru farnir síðan avtøkuna, eru tíverri longu komin fleiri ábendingar um, at bæði gjaldføri og skuld landsins og Samhaldsfasti ikki verða umsitin óheft av landsstýrismanninum. Samstundis hava ítøkiligar ætlanir longu verið frammi um at broyta lógarásetingar fyri at nýta part av ogn­ini hjá Samhaldsfasta eftir­ lønargrunninum at seta í privata undirsjóvartunnilin hjá CIP. Hartil frættist, at ætlanir eru um at broyta lógargrundarlagið fyri Sam­ haldsfasta eftirlønar­grunnin í næstum. Fyri at fáa lýst málið, verða hesir spurningar settir landsstýrismanninum í fíggj­ ar­málum. Hevur landsstýrismaðurin í fíggjarmálum, meðan hann hevur verið lands­stýr­ismaður, nýtt for­mann­in í Gjald­stovu­ráð­num og formannin fyri Sam­halds­fasta, Annfinn V. Hansen, (myndin) at arb­eiða fyri seg í persónligum mál­um? spyr Kristina Háfoss, løgtingskvinna