mánadagur 3. februar 2014síða 18

Mánadagur 3. februar 2014 · Nr. 14 18 Sosialurin Hugskot og viðmerkingar – send sms til 225000 ítróttur Hilmar Jan Hansen Ungi bogaskjúttin, Teitur Dalsgarð úr VágaSkoti, sum skjýtur í recurve, megnaði í gjár at vinna gull og seta føroyskt met í kappingini Frederiksborg Pokalen 2014, sum var í Hillerød í Danmark. Við á ferðini var eisini venjarin hjá Teiti, Eggaba Andreasen. Hann var í gongd frá morgunstundini av og út á kvøldið, so tað ráddi um at halda tankarnar samlaðar og at vera púra klárur at skjóta mestsum alla tíðina. Teitur var við í kadet-bólkinum, har tilsamans 20 skjúttar vóru við, og var talan bæði um gentur og dreingir. Tað var longu í innleiðandi kappingini, at Teitur skjeyt 569 stig, sum er føroyskt met hjá dreingjum í kadet- bólkinum á 12 metrum. Gamla metið, sum var næstan sjey ára gamalt, var 564 stig, og tað átti Sjúrður Rein úr Tambum. Góða úrslitið rakk eisini til finaluskjóting, og har vann Teitur 6-0 í áttanda­ parts­finaluni, 6-2 í fjóðrings­ finaluni og 7-1 í hálvfinaluni, áðrenn hann kom heilt í finaluna, har hann skuldi skjóta ímóti einari danskari gentu, Josephine S. Andersen úr Lyngby Bueskyttelaug, sum eisini hevði staðið seg væl allan dagin. Í finaluni vann Teitur Dalsgarð 7-1, og umførini endaðu 26-24, 29-29, 30-20 og 30-29. Í triðja umfarinum megnaði Teitur at halda høvdið kalt, meðan tað kiksaði hjá Josephine, sum eftir at hava skotið tveir tíggjarar var so óheppin, at hon slett ikki rakti við tí eina pílinum. – Hetta er sera væl skotið av einum so ungum dreingi í so spennandi støðu, tí 30 stig í avgerandi umfari er fult stigatal, siga tey frá Boga­ skjótisambandinum. hilmarjan@sosialurin.fo Mynd: Bogaskjótisamband Føroya Eik-ligan kvinnur nr. Lið Dystir Vunnið tapt vunnin sett tapt sett munur Stig 1 Mjølnir 15 14 1 44 13 31 22 2 Fleyr 13 11 2 36 12 24 17 3 Dráttur 14 9 5 34 22 12 15 4 KÍF 15 9 6 35 23 12 15 5 TB 14 8 6 33 23 10 14 6 SÍ 15 2 13 9 39 -30 4 7 ÍF 14 2 12 9 37 -28 4 8 Ternan 15 2 13 12 43 -31 3 Eik-ligan menn nr. Lið Dystir Vunnið tapt vunnin sett tapt sett munur Stig 1 ÍF 11 9 2 29 11 18 14 2 Fleyr 12 8 4 27 21 6 11 3 SÍ 12 5 7 24 23 1 9 4 Mjølnir 11 1 10 5 30 -25 2 TB - Dráttur 2-3 (26-24, 25-17, 21-25, 17-25, 11-15) Mjølnir - Ternan 3-1 (25-3, 22-25, 25-19, 25-10) SÍ - KÍF 1-3 (25-21, 12-25, 14-25, 13-25) Mjølnir - SÍ 0-3 (20-25, 13-25, 17-25) Teitur gull og met Ungi vágamaðurin megnaði bæði at vinna gull og seta føroyskt met í stórari danskari kapping Nú stigini eru koyrd í helvt hjá kvinnunum, eru bara trý stig millum fýra lið, ið síggja út til bara at skula kappast um, hvat av teimum skal spæla FM-finalu ímóti Mjølni Fýra eru um boðið Danskari dømir steypa­ finalurnar Nú tað er greitt, at Jan Hentze er givin sum altjóða dómari, verður hann heldur ikki fyrsti­ dómari, tá steypafinal­ urnar í flog­bólti verða spældar. Flogbólts­sam­ bandið fær í hansara stað ein danskan dómara at koma upp at døma. Líka síðani Flog­bólts­ sambandið afturi í 2000 fór undir at skipa fyri stóru steypafinaludøgunum hjá bæði kvinnum og monn­um, hevur ein altjóða dómari verið fyrsti­dómari í báðum final­unum. Tað var ein av­gerð, táverandi nevnd í Flogbóltssambandinum tók, og núverandi nevnd fylgir sama leisti. – Fyrstu fimm ferðirnar vóru tað danskarar, ið dømdu, og tað eina árið var tað ein dómari úr Liechtenstein, ið dømdi. Men síðani eg í 2005 bleiv al­tjóða dómari, havi eg dømt allar finalurnar, sigur Jan Hentze, sum fyri viku síðani kundi fortelja her í blaðnum, at hann nú var givin sum altjóða dómari. Í hesum sambandi gav hann eisini til kennar, at av tí at tað altíð var ein altjóða dómari, sum dømdi steypa­finalurnar sum fyrsti­dómari, kom tað ikki at verða hansara leiklutur á stóra steypadegnum hjá flog­bóltinum, sum er um smáar tvær vikur, leygar­ dagin 15. februar. Hesum boðaði Jan Hentze so eisini Flogbóltssambandinum frá. – Vit settu okkum beinan­vegin í sam­bandi við danska flog­bólts­sam­ bandið, sum lovaði at hjálpa okkum við hesum, so tað verður altjóða dóm­ arin, Morten Engborg Klein, sum kemur til Før­oya at døma báðar steypa­finalurnar um smáar tvær vikur, sigur Jákup Fjalsbak, formaður í Flog­bólts­sambandinum, ið sostatt heldur fast um leistin við altjóða dómara til steypa­finalurnar. hilmarjan@sosialurin.fo Teitur Dalsgarð úr VágaSkoti vann gull og setti føroyskt met í stórari danskari kapping í gjár Hilmar Jan Hansen Hóast bara ein lítil trið­ ingur enn er eftir av lands­ kappingini hjá kvinn­unum, verða tað helst klaks­víks­ kvinnur, ið fara avstað við øðrum FM-finalusessin, so tað upp til Fleyr, Drátt, KÍF og TB – helst eisini í nevndu rað­fylgju – at kappast um hin sessin. Nú fyrstu tveir triðingarnir eru farnir aftur um bak og øll liðini hava spælt tvær ferðir ímóti hvørjum øðrum, eru stigini eisini koyrd í helvt. Tað merkir, at tættari er mill­um liðini, og tí hevur tað heilt bókstaviliga við einum penna­stroki givið størri spenn­ing í Eik-liguni hjá kvinnum. Mjølnir hevði um viku­ skiftið vitjan av Ternuni, ið fekk ein øgiligan avsmurning í fyrsta setti, sum Mjølnir vann 25-3! Men so mannaðu tær av Toftum seg upp og vunnu annað sett, vóru væl við í triðja setti, men fingu einki gjørt í fjórða setti, tá Mjølnir prógvaði sína styrki og gav ábendingar um, hví liðið nú er fimm stig framm­ an fyri nummar tvey. Men tann munurin er kanska bara til láns, tí Fleyr, sum er næstfremst liðið, hev­ ur spælt tveir dystir færri enn Mjølnir, og í ber væl til hjá havnarkvinnum at ota seg nærri oddasessinum, verða teir báðir dystirnir vunn­ir. Annar av hesum dyst­um er tann útsetti ímóti TB suðuri í Trongisvági, og í annað­kvøld klokkan 20.15 spælir Fleyr á heimavølli í Gunda­dals­høllini ímóti ÍF. Dráttur hevur verið væl við í ár, og í gjár eydnaðist at vinna ein spennandi fimm­ settara á útivølli ímóti TB, so Dráttur fylgir í øllum før­ um væl við Fleyr. KÍF, sum eis­ini liggur framvið, vann somuleiðis á útivølli á SÍ, ið bara var við í fyrsta setti, men bleiv smurt av í teimum trim­um síðstu. Minni munur Eisini hjá monnunum er tætt­ari millum fremru liðini á stigatalvuni, nú stigini eru koyrd niður í helvt. Har er reglan, tá øll hava spælt fýra ferðir ímóti hvørjum øðrum, verða stigini koyrd í helvt, og hóast ein dystur enn tykist resta í, sum er tann millum ÍF og Mjølnir á Kambsdali fríggjakvøldið 24. januar, velja vit í dag at prenta stiga­ talvuna við dagførdum og hálveraðum stigum. Hjá monnunum var bara tann eini dysturin hesaferð, og hann var í Klaksvík, har Mjølnir tók ímóti SÍ, men ikki fekk gjørt stórvegis við gestirnar, ið vunnu ein tryggan 3-0 sigur, ið sam­ stundis merkti, at SÍ hongur í og bara er tvey stig aftan fyri Fleyr, sum aftur í sínum lagi er trý stig aftan fyri oddaliðið ÍF. Soleiðis kunnu vit helst eis­ini rokna við, at enda­ spurt­urin í Eik-liguni hjá monn­um fer at síggja út, at tað verður ÍF, ið rennur undan, og so verða tað Fleyr og SÍ, ið kappast um at sleppa í FM-finalurnar ímóti fugl­ firðingum. SÍ var dragnað eitt sindur, men nú stigini eru farin niður í helvt, eru sørvingar við aftur. hilmarjan@sosialurin.fo