týsdagur 4. februar 2014síða 16

Mikudagur 5. februar 2014 · Nr. 15 16 Sosialurin Hugskot og viðmerkingar – send sms til 225000 meldurin Jón Brian Hvidtfeldt – Tað, sum kann gerast í dag, skal ikki bíða til í morgin. So eg eri helst eitt sindur av eini marru hjá fólki, sigur karis­ matiski stjórin í Faroe Ship flennandi. 43 ára gamla Jóhanna á Bergi trívist væl millum skip, bingjur og stórar trailarar í eini fyritøku, sum hevur sett sær sum aðalmál at laga sítt virksemi eftir kundunum. – Tað nyttar ikki, at vit sigla í eyst, meðan vørurnar fara í vest. Vit fara, har kundin ynskir, argumenterar hon. Fríggjadagin varð Jóhanna á Bergi útnevnd árs­ins leiðari í priv­ata vinnu­ lív­inum. Í grund­gev­ing­ unum fyri av­gerð­ini verður hon lýst sum ein sterkur og kveikjandi leið­ari, sum saman við starvs­fólk­unum finnur nýggjar loysnir, sam­ stundis sum hon setir sosialu starvsfólkavirðini í hásæti. Jóhanna á Bergi trilvar eitt sindur, tá hon verður biðin um útdýpa føgru lýs­ ingar­orðini, ið henda dagin vórðu sett á seg. – Vit eru eitt arbeiðspláss við umleið 110 starvsfólkum, sum hava sera ymiskar upp­ gávur og eru sera ymisk. Eg royni at tosa við fólk og skapa eina felags kenslu fyri okk­ara arbeiðsplássi. Vit skulu síggja okkum sum eina heild, ið hevur somu mál og mið. Ítøkiliga at vit sum flutningsfelag eru ein viðleikari, sum skal vera við til at menna vinnulívið í Føroyum, sigur Jóhanna á Bergi. Jóhanna á Bergi tók við sum stjóri í 2006. Tað var stutt eftir at Eimskip hevði keypt gamla Skipafelagið, sum frammanundan hevði keypt flutningsfyritøkuna Hera Thomsen, sum framm­ an­undan hevði keypt last­ bilarnar hjá Sigfríða Vørð­ hamar í Fuglafirði. Og har­um­framt var Farmaleiðir eis­ini keypt inn í samtakið. – Ja, talan var um eina sera samansetta fyritøku, og mín høvuðsuppgáva var at samansjóva alt. Tá er neyð­ ugt at seta sær rættuliga greið mál. Tað er væl sum tá fót­bólts­spælarar úr ymsum feløgum kring landið savnast á lands­liðnum. Vit skulu hava eitt felags mál, greiðir Jóhanna á Bergi frá. Eisini hava starvs­fólka­ tiltøk av ymsum slag stóran týdning. Tað veri seg felags út­ferðir, jólafrokostur ella onn­ur sosial tiltøk. – Nógv hava verið í fyri­ tøkuni í 30-40 ár. Tað taki eg sum tekin um at fólk trívast. Men samstundis skulu vit skapa felags virði á okkara samansetta arbeiðsplássi. Men jú, eg haldi at øll kenna okkara felags mál, eisini um tey verða útpurrað á miðjari nátt, leggur Jóhanna á Bergi flennandi afturat. Úr stjórastólinum hevur Jóhanna á Bergi verið við til at steingja deildir, mið­savna virksemi, gomlu Lómur og Blikur eru skiftir út við meira ný­mótans skip og virk­semið er lagað til broyttar markn­ aðir. – Tað snýr seg millum ann­að um at varðveita køli­ ket­una og góðskuna. Vøran skal koma vegin fram so trygt og gott sum yvirhøvur til­ber. Tað hevur týdning, at fruktin er frísk, tá hon liggur á handilshyllunum. Og tað hev­ur týdning, at føroyskar vørur hava somu góðu góðsku, tá tær koma vegin fram til sínar marknaðir, sigur Jóhanna á Bergi. Eftir hennara tykki er góð tænasta nærum ein sjálv­fylgja í dag, og tí ikki nóg mikið fyri at standa seg í kapp­ingini: – Góðskan skal vera í lagi. Og prísur og levering skal sjálvandi eisini vera í lagi. Føroyskar fyritøkur eru sera tilvitaðar um góðsku, og okk­ ara uppgáva er at vera ein við­leikari, soleiðis at góðskan á vøruni eisini heldur sær, sigur Jóhanna á Bergi. Sterk og kveikjandi Lætta lyndið hjá stjóranum á Faroe Ship gongur aftur gjøgnum samrøðuna, og svar­ini byrja ofta við látri. – Nei, tað veit eg ikki, um eg eri so kveikjandi. Men mær dámar væl at arbeiða millum fólk. Eg havi eitt starv, har eg fái rís og rós serverað á ein­ um silvurfati. Tingini verða søgd beint fram, og tað dámar mær, sigur Jóhanna á Bergi. Stjórin metir eina orsøk til støðuna vera, at uppgávurnar hjá Faroe Ship eru rættiliga ítøkilig. – Vit arbeiða við ítøkiligum tingum. Antin er bingjan flutt, ella er hon ikki flutt. Hendan ítøkiligheitin merkir alla fyritøkuna, eisini meg sum stjóra, sigur Jóhanna á Bergi og heldur fram: – Eg fari ikki út í eitt djúpt kjak um ein fýra akslaðan bil. Vitan er góð, men hinvegin hevur hon við sær vandan fyri at detta í grøvina, har man heldur seg duga alt sjálv­ ur. Mín avbjóðing er, saman við góðum fólki, at duga at sam­skipa alt arbeiðið, so­ leiðis at upp­gávurnar verða loystar. Dómsnevndin, ið fríggja­ dagin valdi út ársins privata leiðara, peikaði millum ann­að á eginleikarnar hjá Jóhannu á Bergi at vísa sín­ um starvsfólki álit. – Eg eri sikkurt eitt sindur av eini marru viðhvørt. Kann finna uppá at senda fólki ein teldupost ella geva teimum eini boð, sum eg so forvænti verða fylgd beinanvegin. Men eg eri beint fram. Tað, sum kann gerast í dag, skal ikki bíða til í morgin, sigur Jóhanna á Bergi smíl­andi, áðrenn hon fer at argu­ mentera: – Tað snýr seg í botn og grund um at flyta eina vøru frá A til B. Ítøkiligar uppgávur, sum skulu avgreiðast fyri vinnulívið í Føroyum. Tað smittar helst av á mentanina í fyritøkuni, har tónin er beint fram, sigur karismatiski stjórin í Faroe Ship, Jóhanna á Bergi Fái rís & rós á silvurfati ...framhald á síðu 18 Tú flytur ikki einans góðs, men sanniliga eisini mørk millum menniskju. Og alt sum hevur uppiborið at verða gjørt, hevur eisini uppiborið at verða væl gjørt. Hjartaliga til lukku, Jóhanna. Tað er lættari at gera eitt ar­ beiði, enn at greiða frá, hví ein ikki gjørdi tað! – Ja, mær dámar væl at fáa tingini gjørd, heldur í dag enn í morgin. Tað ber til, tá man sær eina meining í tí, sum man ger. Tað heldur meg ígongd, sigur Jóhanna á Bergi